دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionجواز السفر الإلكتروني .... ملاحظات مهمة عند التقديم Emptyجواز السفر الإلكتروني .... ملاحظات مهمة عند التقديم

more_horiz
السلام عليكم ورحمة الله وبركاته
نبي نحكيلكم على مراحل إصدار الجواز الإلكتروني.
أنا جواز سفري صادر شهر 12 - 2010 رفعته للجوازات باش نجدده قالي يحق لك تجديد سنة فقط لأنهم مقررين بنهاية 2015 تكون كل الجوازات إلكترونية ولما قلتله إني موفدة لكندا إن شاء الله قالي ننصحك تستخرجي جديد وريحي بالك. وفعلا هذا اللي بديت فيه فعلا.
طبعا المطلوب لإستخراج جواز جديد: جواز السفر القديم، الرقم الوطني من السجل المدني، كتيب العائلة، صورة من شهادة الميلاد والصفحة الأولى، نموذج الاستخراج، و50 دينار ونص.
والخطوات كالتالي: تمشي اليوم الأول للجوازات بكري ي ي هلبة وتسجل إسمك في قائمة وتحفظ رقمك في القائمة قداش، وترح وتولي الساعة 8:30 أو 9:00 ويبدوا ينادوا بالإسم ولو نادوا إسمك وانت مهناش ياخدوا حد غيرك ويقولولك ولي غدوة (زوجي مشى الساعة 5:30 الفجر ورقمنا كان 50، 51 !!!!!) .... المهم لما ينادوا إسمك يتأكدوا من أوراقك كاملة ويختموا عليها ويقولولك ولي غدوة للصورة والبصمة.
ثاني يوم تمشي الصبح بكري ي ي ي ي وتسجل إسمك في قائمة ثانية  وتحفظ رقمك قداش (زوجي مشى الساعة 5:00 ورقمنا كان 99 -100) !!!!! .... وولينا الساعة 8:00 وبدا ينادي بالإسم واللي يناديه يخش لصالة كبيرة ويعطوه رقم ثاني (رقمنا أصبح 91 - 92 )  ويقولوله استنى لين ينادوك .... ويبدوا يرفعوا بالمجموعة  (30 نفر تقريبا) لمبنى ثاني للصورة والتوقيع والبصمة (بالعشرة) طبعا بصمة إلكترونية مش بالحبر ... وهنا المرحلة المهمة ...ولأن منظومة الجوازات مرتبطة بمنظومة الرقم الوطني ... قبل ما يصوروك لااااااازم تتأكد من اللي عالمنظومة هل إسمك (بالعربي والإنجليزي) وتاريخ ميلادك صح زي  ماتبيه أو لا ؟  وبعدين تمشي للخزينة تدفع الرسوم ويعطوك واصل ويقولولك ولي بعد أسبوع .... يوم الاستلام تكتب عالواصل الرقم الوطني (ضروري) .... وتشد الطابور لين يجي دورك ويفعلوا الجواز قدامك .... وبهكي انتهت قصة الجواز الكتروني اللي صلاحيته 8 سنوات.
بالنسبة ليا ولزوجي بعد هالقصة الطويلة وعذاب يومين ووصل فينا الدور للصورة قريب الساعة واحد لقت أسمي أنا وزوجي مش رباعي (ثلاثي!!!) وتاريخ ميلاد زوجي غلط .... فرحت لأن الحل كان موجود عندي في الشنطة (شهادة إدارية فيها الإسم رباعي) قالتلي للأسف لازم التغيير يتم من خلال منظومة الرقم الوطني الرئيسية اللي هيا في السراج .... وقالتلي بنقولك خبرين واحد حلو وواحد مش حلو .... الحلو إنك لما تغيري الإسم وتاريخ الميلاد تقولي للموظف تعديل بس وتخشي طول للصورة بدون حجز الصبح بكري ... والخبر اللي مش حلو لما تغيري المطلوب في منظومة الرقم الوطني لن يتم التفعيل عندنا إلا بعد 10 أيام يعني حترجعيلنا بعد 10 أيام .... !!!
ربي يسهل للجميع

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
شكرا على المعلومات والنصيحة القيمة ونفع الله بك ويسر أمورك.

_______________________________

اللهم اجعل هذا البلد آمناً مطمئناً سخاءً رخاءً وسائر بلاد المسلمين اللهم من ارادنا بشر فأشغله في نفسه ورد كيده في نحره

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
لاحول و لا قوة الا بالله العلي العظيم
عموما بارك الله فيك

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
شكرا علي المعلومات

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
الله يرحم والديك علي المعلومات القيمه وشكرا لكي معليشي ان شاء الله خير

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
عندي إضافة بسيطة .... لو الواحد (لاقدر الله) ما انتبهش من الأول إن الجواز الجديد فيه خطأ في الإسم أو تاريخ الميلاد .... يقدر يغيره ... يدفع 100 دينار ويستنى إجراءات التغيير اللي بتاخذ وقت طوييييل (في اللي ليه أكثر من شهر يستنى وما زال ما استلماش)

عدل سابقا من قبل Ahlam Ramadan في الجمعة 07 مارس 2014, 2:28 pm عدل 1 مرات (السبب : خطأ إملائي)

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
السلام عليكم
اختي الكريمة شكرا ليك
من فضلك عنديعض الاستفسارات 
1- الجواز القديم ياخدو فيه مع الاوراق والكتيب امتى اتقديمي 
2- في حالة ياخدو في القديم وقت التجديد هل ايرجوعه ليك مع الجديد ولا ياخدوه

لاني نبي نستخرج اجديد انا والوالدة وعندي اعليه التاشيرة الكندية , والسفارة قالتلي عادي جيبي الجديد وننقلك اعليه التاشيرة مقابل 40 دينار خلال يومين

يا ريت الرد باسرع وقت 
شكرا

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
@zwara2000 كتب:
السلام عليكم
اختي الكريمة شكرا ليك
من فضلك عنديعض الاستفسارات 
1- الجواز القديم ياخدو فيه مع الاوراق والكتيب امتى اتقديمي 
2- في حالة ياخدو في القديم وقت التجديد هل ايرجوعه ليك مع الجديد ولا ياخدوه

لاني نبي نستخرج اجديد انا والوالدة وعندي اعليه التاشيرة الكندية , والسفارة قالتلي عادي جيبي الجديد وننقلك اعليه التاشيرة مقابل 40 دينار خلال يومين

يا ريت الرد باسرع وقت 
شكرا


وعليكم السلام
نحب نطمنك إن الجواز القديم يقعد عندك مجرد يتأكدوا من بعض المعلومات والرقم متاعه قبل ما يلتقطوا الصورة ومايكتبوش عليه أي إشارة أو ملاحظة تدل على إنه ملغي ويسلموهولك مباشرة، وهذا ما حدث لإبني عندما استخرج جوازه
تحياتي

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
السلام عليكم ...لاحظت ان معظم الاخطاء تكون في الرقم الوطني كتاريخ او مكان الميلاد اوالاسم ثلاثي اورباعي لذلك الواحد منا مش خاسر حاجة لو دخل على رقمه الوطني اوتاكد من كل هذه البيانات حتى قبل ما يفكر في تغيير الجواز او ربي يوفق الجميع

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
شكرا اختي احلام 
بارك الله فيك طمنتيني

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
بارك الله فيكم جميعا

بالنسبة للناس اللي ماعندهاش كتيب عائلة، يعني مزال ماصدرش (تحت الاجراء)، كيف الحل عند استخراج الجواز الجديد؟ اي حد مرت عليه نفس الحالة؟

_______________________________


وَاللهُ في عَونِ العَبدِ مَا كَانَ العَبدُ في عَونِ أخيهِ
Serving People is Serving God

descriptionجواز السفر الإلكتروني .... ملاحظات مهمة عند التقديم Emptyرد: جواز السفر الإلكتروني .... ملاحظات مهمة عند التقديم

more_horiz
السلام عليكم اختي الكريمة
بارك الله فيك علي المعلومات القيمة جدا
عندي استفسار علي بعض المستندات المطلوبة لتغيير الجواز، اولا شهادة الجنسية ؟؟ ماهيا؟ وتانيا شهادة المهنة او العمل؟؟ يا ريت تفيديني فحالة تعرفي
وقبل ماتمشي للجوازات هل تاخدي موعد منهم ولا تمشي بالحظ؟
شكرا

descriptionجواز السفر الإلكتروني .... ملاحظات مهمة عند التقديم Emptyاطلاق خدمه الكترونيه جديده.........

more_horiz
طلاق خدمة الكترونية جديدة, تمكّنك من الحصول على نموذج جواز السفر جاهز, كل ما عليك هو طباعة الرقم الوطني. كما توفر الخدمة تعديل الأسم باللغة الأنجليزية كالموجود في جواز السفر القديم. للمزيد راجع الرابط أدناه :

http://passapp.nid.gov.ly/passapp/

تعديل 1 / تكبير !
تعديل 2 / اسمي لاعبين فيه تسعات بالانجليزي, كيف نعدّله من الموقع؟!
تعديل 3 / أه تمام, فيه بطمة عاليسار أسفل الشاشة, تعدّل الأسم زي ما تبي, إن شاء الله تكتبه حتى موقابي, وتبطع بعتالي ^^
تعديل 4 / بس وين نحط عنواني باش يوصلني الجواز؟!
تعديل 5 / اه طابور

descriptionجواز السفر الإلكتروني .... ملاحظات مهمة عند التقديم Emptyلكم الملف موضوح اكثر بالمصور

more_horiz
https://scontent-ams.xx.fbcdn.net/hphotos-xfp1/v/t1.0-9/10445511_852861341439330_2921734504281239693_n.jpg?oh=7e5bf038b27ba75ac53de825969f9274&oe=5580F53C


بالتوفيق للجميع تحياتي
صلاحيات هذا المنتدى:
لاتستطيع الرد على المواضيع في هذا المنتدى