دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionاوائل 2011-2012-2013 Emptyاوائل 2011-2012-2013

more_horiz
ألسلام عليكم
اخوتي ان قرارات اسماء الاوائل لسنوات 2011-2012-2013 موجوده فعلا في الوزارة و لكن تم ايقاف القرار كما فعلوا بقرار المعيدين
وكان من المفروض ان يتم ارفاقهم في القرار الاخير و لكن توقف
اخوتي يجب علينا فعل شئ للمطالبة بحقوقنا  علينا ان ندرس ما يمكن فعله
يجب ان نتحرك ف نحن اوائل الجامعات لنا الحق و الاولوية في الايفاد لاستكمال الدراسه 
انتظر اقتراحاتكم

descriptionاوائل 2011-2012-2013 Emptyرد: اوائل 2011-2012-2013

more_horiz
ربي يفرج ان شاءالله اوائل 2011-2012-2013 660451

descriptionاوائل 2011-2012-2013 Emptyرد: اوائل 2011-2012-2013

more_horiz
شن سبب اﻹيقاف !؟

descriptionاوائل 2011-2012-2013 Emptyرد: اوائل 2011-2012-2013

more_horiz
هل  انتم متأكدين  انه موجود ف الوزارة ؟

_______________________________

descriptionاوائل 2011-2012-2013 Emptyرد: اوائل 2011-2012-2013

more_horiz
السلام عليكم 
لا حول ولا قوة الا بالله نحن معاك يا خويا ومني اني هذا رقم خالد الزبير0914828448 كلموه حتى انتم بالك يقوللكم حاجة جديدة وبالله الي يعرف حاجة يتواصل معانا في هذا الموضوع ويفيدنا بأي جديد ...
ان شاء الله خير

descriptionاوائل 2011-2012-2013 Emptyرد: اوائل 2011-2012-2013

more_horiz
اخوتي الكلام اكيد فلقد كنت الاسبوع الماضي هناك.... طبعا القرار كان لازم يتوقع مع القرار الاخير الذي ضم المعيدين و الملحق...حيث انهم طلبوا من الجامعات ترشيح اسمائهم و لقد تم ترشيحي من الجامعه و ارساله الي الوزارة و لكن الوزارة اوقفت القرار بحجج واهيه,,, فتاره بحجة طعن البعض و تاره بحجة ان الميزانية متوقفه.... والله انا استغرب جدا كيف ان اوائل الجامعات الذين هم علي منزلة عالية من الرقي و التعليم و بعد كل الجهد الذي بذلوه و التحديات التي كانت تواجههم يتم تجاهلهم هكذا.... اين ليبيا البناه و ليبيا الجديده...من سيبني ليبيا اليس المتفوقين و الذين لديهم حس انساني و فكري.... اخوتي علينا بالحراك  و علينا الدفاع عن حقوقنا 

descriptionاوائل 2011-2012-2013 Emptyرد: اوائل 2011-2012-2013

more_horiz
الله غالب يا خوي انا اخر مرة كلمت الدكتور خالد قالي في لجنة ما لجنة وقاعدة ترصد في الاسماء بس الدوة هذه لها شهرين بالله يا خوي توة ياخدو في قرارات ضم كل يوم واخرها القرار الاستثتنائي ومهمشين الاوائل مش عارف كيف يفكروا ويقولوا مفيش ميزانية هما حتى كبار السن الي قريب يتقعدوا سفروهم ايفاد مش نحن الشباب يارب جيب الفرج من عندك توة يا خوي قوللنا شن نقدروا نديروا شن الحل لو عندك فكرة ؟؟؟ طبعا انا مقيم في بنغازي بس ديما نبعت في ناس للبعثاث وما عاقبت من كلمت الزبير هذا نرن عليه بنهارين بيش نحصله ويوقلي لالا خلاص تم في هالايام وتمضي الايام ولم نرى شئ حتى الان ... ومضت شهور ... ومضت سنة ولم يصدر اي شئ بحقنا فما هو الحل من وجهة نظركم ؟؟؟؟؟

descriptionاوائل 2011-2012-2013 Emptyالله المستعان

more_horiz
السلام عليكم
بارك الله فيك يا خونا، و بالله كان عرفت سبب الايقاف خبرنا، وكان تبوا تمشوا تحتجوا عليهم نمشوا ونشوفوا شن في.

descriptionاوائل 2011-2012-2013 Emptyرد: اوائل 2011-2012-2013

more_horiz
نشكركم خوتي والله حاسس بنفس اللي فيه انتم..... و الله من رايي اننا نتفق علي يوم و نذهب فيه للوزارة و لكي يكون العدد معقول اي يضم جميع الاوائل ممكن ان نبدأ بانشاء صفحة علي الفيس بوك و نتفق علي يوم و نذهب و نفهم القصه ,,,كما فعل المعيدون و حصولهم علي قرارهم الاخير .... ياريت تفيدوني و الجميع باقتاحاتكم و ارائكم ....  الي عنده رقم حد في الوزارة يكلمه و يشوفه و يحسسه انه في عدد كبير مستائين وراح يتحركوا

descriptionاوائل 2011-2012-2013 Emptyرد: اوائل 2011-2012-2013

more_horiz
السلام عليكم شباب كيف حالكم توة يارب تمام
انا رأيي من رأيك خوي ضروري نكونوا على تواصل بأكبر عدد من الاوائل عشان نمشوا بعدين للوزارة مع بعض ويكون عددنا كبير عشان يشوفنا الوزير ويقتنع بأننا واجدين وتعطلنا ونوصلوا صوتنا انا من بنغازي بس مش مشكلة نجي وموافق يا خوي انا من رأيي تبدأ في بفتح صفحة على الفيس ونحاولوا ننشروها ونحن ضروري ما انكونوا على تواصل ونعطوا ارقامنا لبعضنا حتى ولو بالتليفون والي عنده معلومه يقولها للثاني وادمن الصفحة متع الاوائل على الفيس يقعد ينزل في المعلومات وهكي نحاولوا نضغطوا عليهم اصلا مرات ناسينا بكل فلازم مندكروهم بينا عارفين الاوائل مش متاعين مشاكل اما ناسينا اما يتناسوا فينا فلازم منوصلوا صوتنا انا هذا اقتراحي عشان بعدين نمشوا للوزارة ونحكواا كلنا مع الوزير بصوت واحد وقلب واحد ...
والله الموفق
ملاحظة لو تبيني نفتحها انا الصفحة معندكمش مشكلة

descriptionاوائل 2011-2012-2013 Emptyرد: اوائل 2011-2012-2013

more_horiz
السلام عليكم

اخوتي اولا اود اشن اشكركم جميعا علي حرصكم علي حقوقكم



ُثانيا اريد ان اضع بين ايديكم الصفحة التي من خلالها ستكون الانطلاقة

https://www.facebook.com/pages/%D9%85%D8%B7%D8%A7%D9%84%D8%A8%D8%A9-%D9%88%D8%B2%D8%A7%D8%B1%D8%A9-%D8%A7%D9%84%D8%AA%D8%B9%D9%84%D9%8A%D9%85-%D8%A7%D9%84%D8%B9%D8%A7%D9%84%D9%8A-%D9%84%D9%8A%D8%A8%D9%8A%D8%A7-%D8%A8%D8%AD%D9%82-%D8%A7%D9%8A%D9%81%D8%A7%D8%AF-%D8%A7%D9%88%D8%A7%D8%A6%D9%84-201120122013/1428719484032682#





ثالثا اود من الجميع ان يتحصل علي صورة من ترشيح الجامعة لاسمه حتي يتسني لنا جميعا الذهاب الي الوزارة و المطالبة بحقنا
و الله الموفق

descriptionاوائل 2011-2012-2013 Emptyرد: اوائل 2011-2012-2013

more_horiz
السلام عليكم 
انا اول من دار لايك للصفحة وورقة الترشيح ان شاء الله نحاول نحصلها من مكتب المسجل العام بنغازي 
بارك الله فيك خوي ويارب نتوفقوا كلنا ويطلع قرارنا في اسرع وقت وحنحاول ننشر الصفحة معاك توة على الفيس ونطلب من باقي الموجودين معانا من اخوتنا الاوائل انهم يديروا لايك عشان نتواصلوا مع بعضنا في هذه الصفحة

descriptionاوائل 2011-2012-2013 Emptyرد: اوائل 2011-2012-2013

more_horiz
السلام عليكم 
انا اول من دار لايك للصفحة وورقة الترشيح ان شاء الله نحاول نحصلها من مكتب المسجل العام بنغازي 
بارك الله فيك خوي ويارب نتوفقوا كلنا ويطلع قرارنا في اسرع وقت وحنحاول ننشر الصفحة معاك توة على الفيس ونطلب من باقي الموجودين معانا من اخوتنا الاوائل انهم يديروا لايك عشان نتواصلوا مع بعضنا في هذه الصفحة

descriptionاوائل 2011-2012-2013 Emptyرد: اوائل 2011-2012-2013

more_horiz
شكرا لكم و ارجو من الجميع المشاركة حتي يكون لنا صدي اوسع 


descriptionاوائل 2011-2012-2013 Emptyرد: اوائل 2011-2012-2013

more_horiz
السلام عليكم أشكر جهودكم المبذولة في المطالبة بحقوقكم؛ لأنه في وقتنا للخاضر حتى صاحب الحق أصبح محتشما في المطالبة به، والعبد لله إبراهيم الزائدي من الطلبة الأوائل في الجامعة الأسمرية سنة 2012م ومعي زميلي الهادي الطويل من الطلبة الأوائل سنة 2013م وعندنا صورة من رسالة المسجل العام للوزارة لكنا بدأنا في الدراسة ونحن خارج ليبيا الآن؛ لذا نعدكم بالتواصل معكم عن طريق موقع الموفد وتقديم ما نستطيع للوصول إلى حقنا الضائع.
شكر الله جهودكم وبارك فيكم.

descriptionاوائل 2011-2012-2013 Emptyرد: اوائل 2011-2012-2013

more_horiz
ارارجو منكم
شنو صاررر في الاوايل مازال امعطلة

descriptionاوائل 2011-2012-2013 Emptyرد: اوائل 2011-2012-2013

more_horiz
يبدو أن الطلبة لم يتابعوا موضوع الإيفاد متابعة جيدة؛ لأنه بدونها قد لا يصدر القرار إلا بعد سنتين أخريين.


descriptionاوائل 2011-2012-2013 Emptyرد: اوائل 2011-2012-2013

more_horiz
بالله استفسار

انا الاول على دفعتي لعام 2008-2009 و اسمي سقط سهوا
و موضوعي واقف في مكتب البعتات لجامعة طرابلس !!! لما سالته عن السبب قال لي ان
الامر متوقف على الوزارة ؟؟؟؟ هل هذا الامر صحيح ام انه يقوم بتوزيعي

بارك الله فيكم

descriptionاوائل 2011-2012-2013 Emptyاوائل سنة 2011-2012-2013

more_horiz
السلام عليكم
اني تخرجت من كلية العلوم جامعة الجبل الغربي وتحصلت الترتيب الاول على الدفعة بمعدل 92.6% ونبي نعرف هل اسمي مع الاوائل او لا فكيف نقدر نعرف وخاصة انه الجامعة تضم عدة كليات للعلوم في منطقة الجبل ياريت تفيدوني...

descriptionاوائل 2011-2012-2013 Emptyرد: اوائل 2011-2012-2013

more_horiz
يستر الله

descriptionاوائل 2011-2012-2013 Emptyأوائل 2011

more_horiz
بارك الله فيكم أريد صورة من القرار لضم أوائل الثانويات 2011 2012 وصورة للاسماء جزاكم الله خيرا
صلاحيات هذا المنتدى:
لاتستطيع الرد على المواضيع في هذا المنتدى