دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionماهى المستندات المطلوبة للتقديم على التأشيرة الكندية اون لاين On Line Emptyماهى المستندات المطلوبة للتقديم على التأشيرة الكندية اون لاين On Line

more_horiz
السلام عليكم
اخوانى الكرام لمن لديه المعرفة بالمستندات المطلوبة للتقديم على التأشيرة الكندية اون لاين On Line يفيدنا .

descriptionماهى المستندات المطلوبة للتقديم على التأشيرة الكندية اون لاين On Line Emptyرد: ماهى المستندات المطلوبة للتقديم على التأشيرة الكندية اون لاين On Line

more_horiz
تختلف علي حالتك الاجتماعية بعيلة وبصغار اتو اعزب 

موفد ولا حسابك

ياعني في موقع بتاعهم بتاع العجرة والتاشيرات بتفتح فيه اكاونت وبتجاوب علي اسئلتهم ومن خلال اجاباتك بتنفتحلك خانات 

بس شوف علي الاغلب للعازب شبه الخانات ومعاها العائلة او بزوجتك بس 

وتي وخلي علي اللاحتياط التالي ^_^

صورة من جواز السفر عربي وانجليزي والتاشيرات اللي فيه كلها في صفحة واحدة بي دي اف مش صفحتين 

صورة شخصية مدايرلها سكان بجحم اللي يبوه ياعني المصور قوله نبيها للتاشيرة يخزنهالك في فلاش باش تاخدها بعدين من الفلاش وتحملها في الخانة اللي فاتحينها 

رسالة الدعم المالي لغرض التاشيرة ولا االقبول اللي من البعتات لوة انت موفد علي حساب الدولة 

قبول المعهد اللي من كندا ...ومادابيك ماتديراش قريب هلبة ولال بعيد هلبة

فيه تلاته ابليشكن راهو بتعبيهم وبتحملهم في ديسكتوبك وبتخليهم واتيات باش تيحملو طول في خانتهم اللي هو نمودج طالب التاشيرة ونمودج العائلة ونمودج اللي حالتك السياسية والعسكرية كان فيه عندك مشاكل لا سمح الله ^_^ هدو نفس النمادج اللي يعبو فيهم ويسحبو فيهم لو بتقدم في مكتب حي الالندلس 

والرسالة اللي بتشرح فيها ليش كندا ولو عندك معلومات تبي تضيفهم تقنعهم ياعني بالانجليزي وعلي سفحة وورد تسحبها وتوقعها وتردها سكان علي الديسكتوب
عقد الزواج مترجم طبعا توتيه حتي هو ..... مختوم من العدل والمحكمة ..وفي اللي ماختموشي ومشيت تاشيرتهم ^_^

كشف حساب مترجم فيه تقريبا علي الاقل مايغطي قيمة تكاليف السنة الاولي بتاع اللغة لو انت طالب مش موفد علي حساب الدولة .
هدو اللي نتفكرهم وقاعدة مجمعتهم ياعني توتيهم علي كل حالة اللي يطلبوه منك يكون عندك دايرله سكان ومخزنه علي الديسكتوب اللي يطللبوه منك تحمله في موقعهم 


لازم تفتح اكاونت وتجاوب علي الاسئلة باش تعرف شن هيا المستندات المطلوبة ...مرات تطلعلك حادة زايدة 
واللي نقدرو عليه نجاوبو واكيد في من بيزيد لاني اكيد في ناسية شيء هدا غير الاخطاء الاملائية #_#

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionماهى المستندات المطلوبة للتقديم على التأشيرة الكندية اون لاين On Line Emptyرد: ماهى المستندات المطلوبة للتقديم على التأشيرة الكندية اون لاين On Line

more_horiz
شكراً أختى سراب الحقيقة

descriptionماهى المستندات المطلوبة للتقديم على التأشيرة الكندية اون لاين On Line Emptyرد: ماهى المستندات المطلوبة للتقديم على التأشيرة الكندية اون لاين On Line

more_horiz
الرسالة مش ضرورية على مأضني متع على أساس انك تبي تقرأ انجليزي في كندا
صلاحيات هذا المنتدى:
لاتستطيع الرد على المواضيع في هذا المنتدى