دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionمراحل استخراج جواز السفر الإلكتروني Emptyمراحل استخراج جواز السفر الإلكتروني

more_horiz
السلام عليكم ورحمة الله وبركاته
نبي نحكيلكم على مراحل إصدار الجواز الإلكتروني، الموضوع هذا نشرته في الساحة الكندية وحبيت تعم الفايدة.
أنا جواز سفري صادر شهر 12 - 2010 رفعته للجوازات باش نجدده قالي يحق لك تجديد سنة فقط لأنهم مقررين بنهاية 2015 تكون كل الجوازات إلكترونية ولما قلتله إني موفدة لكندا إن شاء الله قالي ننصحك تستخرجي جديد وريحي بالك. وفعلا هذا اللي بديت فيه فعلا.
طبعا المطلوب لإستخراج جواز جديد: جواز السفر القديم، الرقم الوطني من السجل المدني، كتيب العائلة، صورة من شهادة الميلاد والصفحة الأولى، نموذج الاستخراج، و50 دينار ونص.
والخطوات كالتالي: تمشي اليوم الأول للجوازات بكري ي ي هلبة وتسجل إسمك في قائمة وتحفظ رقمك في القائمة قداش، وترح وتولي الساعة 8:30 أو 9:00 ويبدوا ينادوا بالإسم ولو نادوا إسمك وانت مهناش ياخدوا حد غيرك ويقولولك ولي غدوة (زوجي مشى الساعة 5:30 الفجر ورقمنا كان 50، 51 !!!!!) .... المهم لما ينادوا إسمك يتأكدوا من أوراقك كاملة ويختموا عليها ويقولولك ولي غدوة للصورة والبصمة.
ثاني يوم تمشي الصبح بكري ي ي ي ي وتسجل إسمك في قائمة ثانية  وتحفظ رقمك قداش (زوجي مشى الساعة 5:00 ورقمنا كان 99 -100) !!!!! .... وولينا الساعة 8:00 وبدا ينادي بالإسم واللي يناديه يخش لصالة كبيرة ويعطوه رقم ثاني (رقمنا أصبح 91 - 92 )  ويقولوله استنى لين ينادوك .... ويبدوا يرفعوا بالمجموعة  (30 نفر تقريبا) لمبنى ثاني للصورة والتوقيع والبصمة (بالعشرة) طبعا بصمة إلكترونية مش بالحبر ... وهنا المرحلة المهمة ...ولأن منظومة الجوازات مرتبطة بمنظومة الرقم الوطني ... قبل ما يصوروك لااااااازم تتأكد من اللي عالمنظومة هل إسمك (بالعربي والإنجليزي) وتاريخ ميلادك صح زي  ماتبيه أو لا ؟  وبعدين تمشي للخزينة تدفع الرسوم ويعطوك واصل ويقولولك ولي بعد أسبوع .... يوم الاستلام تكتب عالواصل الرقم الوطني (ضروري) .... وتشد الطابور لين يجي دورك ويفعلوا الجواز قدامك .... وبهكي انتهت قصة الجواز الكتروني اللي صلاحيته 8 سنوات.
بالنسبة ليا ولزوجي بعد هالقصة الطويلة وعذاب يومين ووصل فينا الدور للصورة قريب الساعة واحد لقت أسمي أنا وزوجي مش رباعي (ثلاثي!!!) وتاريخ ميلاد زوجي غلط .... فرحت لأن الحل كان موجود عندي في الشنطة (شهادة إدارية فيها الإسم رباعي) قالتلي للأسف لازم التغيير يتم من خلال منظومة الرقم الوطني الرئيسية اللي هيا في السراج .... وقالتلي بنقولك خبرين واحد حلو وواحد مش حلو .... الحلو إنك لما تغيري الإسم وتاريخ الميلاد تقولي للموظف تعديل بس وتخشي طول للصورة بدون حجز الصبح بكري ... والخبر اللي مش حلو لما تغيري المطلوب في منظومة الرقم الوطني لن يتم التفعيل عندنا إلا بعد 10 أيام يعني حترجعيلنا بعد 10 أيام .... !!!
ربي يسهل للجميع

descriptionمراحل استخراج جواز السفر الإلكتروني Emptyرد: مراحل استخراج جواز السفر الإلكتروني

more_horiz
والله واجعنى حالك نفكر جت اما أندير واحد لكن على حالة هدى لا خلينا   بعيد عليهم خير نمشى لى سفارة نتكلم معهم خير

descriptionمراحل استخراج جواز السفر الإلكتروني Emptyرد: مراحل استخراج جواز السفر الإلكتروني

more_horiz
بارك. الله فيك

descriptionمراحل استخراج جواز السفر الإلكتروني Emptyرد: مراحل استخراج جواز السفر الإلكتروني

more_horiz
هل يمكن اضافة الاطفال لجواز السفر الجديد او يحتاجون لاستخراج جواز سفر خاص بهم......
صلاحيات هذا المنتدى:
لاتستطيع الرد على المواضيع في هذا المنتدى