دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionالجواز الأزرق و كندا Emptyالجواز الأزرق و كندا

more_horiz
السلام عليكم.الجواز الأزرق قالوا معترف بيه في كندا وهذا كلام السفارة في البرج .وانا من المفروض نسافر في بداية شهر 4 هل نغير وألا لا مع العلم ان جوازي الأخضر ينتهي شهر 12

descriptionالجواز الأزرق و كندا Emptyرد: الجواز الأزرق و كندا

more_horiz
يا مهيمن اذا كنت تقدر اتغير الجواز في مده قياسيه وتضمن تحط فيه التاشيره قبل بداية 4 المفروض تغير لانك لما ينتهي جواز سفرك في 12 بتلقي روحك مضطر تجدد في ليبيا لو استمر القرار الخاص بمركزية الاصدار. ... خاصة لو كان عندك امكانية التاجيل شويه .

descriptionالجواز الأزرق و كندا Emptyرد: الجواز الأزرق و كندا

more_horiz
السلام عليكم: والله بخصوص هالموضوع كيف بعت ايميل من يومين لجومانة قلت بالك الطلبة ليهم وضع خاص ويمشولهم امورهم القيتها هي اللي تبي تعرف شن وضع الجوازات الجديدة  وهذا كان ردها 
 You can obtain a new passport while still in Libya. You will have to contact the Canadian Embassy and make sure they agree to reissue your visa in your new passport. Please let me know how this goes

descriptionالجواز الأزرق و كندا Emptyرد: الجواز الأزرق و كندا

more_horiz
السلام عليكم ان صارت معي نفس القصة وراسلت السفارة الكندية واستفسرت منهم هل يمكن تحويل التاشيرة من الجواز القديم الى الجواز الجديد وردو عليا نعم يمكنك ذلك وتدفع 35 دينار على كل فيزا ولكن عليك ان تتصل بنا قبل المجئ لنؤكد لك انه لدينا وقت ام لا وهذ نص الرسالة  

Good morning Sanad,

Yes, you can transfer the Canadian visa from the old to the new passport. 
You need to bring us copies of the old passport, the Canadian visa, the new passport and LD 35 per visa.

Please call before you come to the embassy, to be sure I have time to see you.

Regards, 
Mrs. Margaret

descriptionالجواز الأزرق و كندا Emptyرد: الجواز الأزرق و كندا

more_horiz
السلام عليكم  السفارة معادش عندها مشكلة من ناحية قبول الجوازات المشكلة عندنا نحن في الاخطاء الفادحة يلي ايديروا فيها نصيحة غيري الجواز لانك سوف تضطري لرجوع بس قبل كل شي اكدي على بياناتكم في الرقم الوطني انها 100% وعلى الاسم بالانجليزي اتناء التصوير على شان تكسبي الوقت .    موفقة يا رب

descriptionالجواز الأزرق و كندا Emptyرد: الجواز الأزرق و كندا

more_horiz
شكرا، هو اني مدا بيا انغير بس بعد ما قرأت من احدى الاعضاء هنا عن الخطوات اللي دارتهم القيته موضوع طويل ويبي وقت وهذه هي المشكلة الوقت. ربي ايسهل للجميع

descriptionالجواز الأزرق و كندا Emptyرد: الجواز الأزرق و كندا

more_horiz
باهي شنو الأجراءات متاع الجواز الجديد؟لو سمحتوا ضروري

descriptionالجواز الأزرق و كندا Emptyرد: الجواز الأزرق و كندا

more_horiz
ياريت ياخوي ماتجيش لكندا لين تخلي جوازك وجواز العويلة عندك اقل شي سنتين من دخولك لكندا..لانك ح تتفادي مشاكل كتيرة متعلقة بالاقامة وتجديدها..نصيحة من واحد مجرب حتكسب وقت وجهد وتكلفة. اسعي واخدم علي هدا الموضوع.وحاجة تانية لابد من انك لما تحجز لابد ان تشرط علي الخطوط ان شحن الحقائب يوصلوا للمدينة الي بتقري فيها هدا الكلام للجميع.نصائح لله فقط وبالتوفيق

descriptionالجواز الأزرق و كندا Emptyرد: الجواز الأزرق و كندا

more_horiz
انقولك حاجة مفيش سستم معين من واقع تجربة شخصية انا قدمت يوم 11-2-2014 على الجواز الازرق و استلمتا يوم 27-2-2014 لكن كان كله اخطاء في الاسم بالانجليزي وتاريخ الميلاد قدمت مرة ثانية على جواز اخر يوم 06-3-2014 واستلمته يوم 11 -03-2014 ولله الحمد كان 100% لكن اهم شئ اتاكدي على بياناتك انها نفس الجواز الاول ثم تاخدي رقم الكود وتمشي لمبنى الجوازات في صلاح الدين وتقوليلهم على ضرفك وموعد سفرك رح يتجاوبوا معاك باذن الله ويستعجلوا في طباعة الجواز بعد ما تعطيهم رقم الكود وتقوليلهم على الساعة يلي صورتي فيها وتبع اما فرع موفقة

descriptionالجواز الأزرق و كندا Emptyرد: الجواز الأزرق و كندا

more_horiz
انا منقدم ع الجواز في الخمس هل تاخد وقت اطول من طرابلس.وانا مقدرتش نقدم من طرابلس لانه زحمة

descriptionالجواز الأزرق و كندا Emptyرد: الجواز الأزرق و كندا

more_horiz
بارك الله فيكم، وان شاء الله اول ما نبدا الاجراءات حنكتبلكم الخطوات كلها. ربي ايسهلها علينا جميعا ودايما الواحد ايخلي نيته لله في كل خطوة

descriptionالجواز الأزرق و كندا Emptyرد: الجواز الأزرق و كندا

more_horiz
اني  قدمت  فيه  ودرت اجراءات وصورت  يوم18/2 طلعلي  يوم 16/3

قعد  شهر   باش  طلعلي  وطبعا  زحمة  وفوضي  وناس  تعاني من قلة  تنظيم  والادارة


زوز تبهدلو المراجعين  وموظفين


ربي  يفرج  علي  ليبيا  وخلاص



لا تخطيط لا ادارة

descriptionالجواز الأزرق و كندا Emptyرد: الجواز الأزرق و كندا

more_horiz
السلام عليكم: حبيت نشارك بتجربتي مع الجواز الجديد لأني اخيرا قررت انغير، طبعا مشكلتي ان التأشيرة لو سكرت 4 شهور السفارة الكندية معاش تقبل تنقلها ولهذا مكانش عندي وقت، امشيت الاحد 4/20 طبعا التسجيل من الفجر او قبل الفجر اني الوالد امشي مع الـ 5 وكان اسمي رقم 9، بعدين امشيت 8:30 وارفعت معاي الجواز القديم مع الكتيب ونموذج التسجيل من الجوازات شارع الصريم والرقم الوطني وشديت الطابور مع 10:30 ابدوا ياخدوا في النماذج بعدين ردولي الجواز القديم والكتيب وقالولنا تعالوا تاني يوم باش ياخدوا الصورة الالكترونية، وامشيت تاني يوم لكن للأسف قالولنا تعالوا الثلاثاء لأن اليوم مافيش وصولات المهم الثلاثاء ابدوا اينادوا 8:30 بالاسم واللي مش موجود بيفوتوه واول ما تسمع اسمك بيعطوك رقم وبتنتظر في الصالة وبعدين بياخدوا اول دفعة واللي هي من رقم 1- 29 بيرفعهم باش ايخلصوا 50.5 في الخزانة ولا بد من احضار الجواز القديم والكتيب كذلك الواصل مهم لابد انك تحتفظ بيه باش تستلم الجواز الجديد وبعدين ايدخلوا بالدور باش ياخدوا الصورة وهنا لابد انك تتأكد من بياناتك خاصة الاسم بالانجليزي، ولأن اني تأشيرتي كانت في الجواز القديم فكان لا بد من ان كل بياناتي تكون زي الجواز القديم والا السفارة لن تقبل تنقل التأشيرة وهنا كانت المشكلة ان المواليد في الكتيب ومنظومة غير مواليدي في الجواز قصدي يوم الميلاد تخيلوا بعد كل هالتشحوير ردتني الموظفة ومابتش تكمل اجراءاتي وقالتلي لابد من تعديل بياناتي بمنظومة السجل المدني بالسراج الحمد لله امشيت في نفس اليوم وكان الموظف متفهم جدا وغيرلي بعد ما شرحتله قصتي مع التأشيرة واني معاش عندي وقت والا بنعاود انقدم من جديد، طبعا الخميس عمل داخلي فقعدت ليوم الاحد 4/27 باش امشيت وكان الوقت مع 12:30 لأني تعديل فقط والحمد لله اخدتلي الصورة الكترونية والتوقيع وتأكدت من بياناتي وقالتلي ان شاء الله 10 ايام ونستلم الجواز الجديد واول ما نستلم الجواز بنجري بيه على السفارة والا الـ 4 شهور بنسكرهم ووقتها ممكن انروح فيها *-*

descriptionالجواز الأزرق و كندا Emptyرد: الجواز الأزرق و كندا

more_horiz
السلام عليكم
انا علقت التأشيره ع الجواز القديم
وتوا بنطلع الجواز الجديد
شن الاوراق المطلوبه ف الجواز الجديد
وكيف تتم طريقة نقل التأشيره من الجواز القديم إلي الجديد
و الجوزات قالو مانغيروش إلا اذا كان طاحت الصلحيه وصلحيت جوازي إلي 9/12/2015
انا فكرت انقول انه ضاع وبنقدم ع الجديد
ياريت حد ايفيدنا شن الخطوات

descriptionالجواز الأزرق و كندا Emptyرد: الجواز الأزرق و كندا

more_horiz
السلام عليكم بالنسبة للإجراءات متع استخراج الجواز ياريت تقرا الموضوع اللي في اللينك
https://www.almofad.com/t25793-topic

عن تجربة شخصية جوازي ينتهي 12 - 2014 ومن قبل ما جددتاش بكل ... يعني عندي فرصة تجديد 4 سنوات ... لكن قلتلهم عندي قرار إيفاد ورفعت منه صورة (رغم ان ما عدلوش عليها) واستخرجولي جديد ما فيش مشكلة

descriptionالجواز الأزرق و كندا Emptyرد: الجواز الأزرق و كندا

more_horiz
السلام عليكم: اخي مافيش مشكلة تقدر اطلع واحد جديد حتى لو الجواز القديم صلاحيته مازال، بالنسبة للأوراق بتمشي تاخذ نموذج التسجيل من الجوازات بتعبيه وبعدها تمشي من بكري تسجل اسمك "قبل الفجر" وتولي مع 8 الصبح وتشد الطابور لازم تاخذ معاك الكتيب والجواز القديم والرقم الوطني *نصيحة ليك قبل ما تبدا في اجراءاتك بره للسجل المدني واتأكد من كافة بياناتك هل نفسها اللي بالجواز القديم هي اللي بالمنظومة راهو حتى حرف غلط بيردوك بعدين فمن الاول اتأكد* تاني يوم بتمشي بكري بتسمع اسمك ويعطوك رقم وبتخلص اه لازم تحتفظ بالواصل وبعدين ايصوروك وعندها لازم تتأكد من كافة بياناتك وخاصة الاسم بالانجليزي لازم ايكون مطابق للتأشيرة، بعد 10 ايام بتستلم الجواز ان شاء الله وبعدها تمشي للسفارة باش تنقلك التأشيرة في الجواز الجديد مع 35 دينار وتقريبا يبوا صور من الجواز القديم اني قاعدة مامشيتش بنسأل وانقولك شن صار معاي أهم شيء ان تأشيرتك ما تسكرش 4 شهور والا معاش تقبل السفارة انها تنقلها ووقتها بتعاود اتقدم من جديد*-*

descriptionالجواز الأزرق و كندا Emptyرد: الجواز الأزرق و كندا

more_horiz
Rana-$-Ca كتب:
السلام عليكم: اخي مافيش مشكلة تقدر اطلع واحد جديد حتى لو الجواز القديم صلاحيته مازال، بالنسبة للأوراق بتمشي تاخذ نموذج التسجيل من الجوازات بتعبيه وبعدها تمشي من بكري تسجل اسمك "قبل الفجر" وتولي مع 8 الصبح وتشد الطابور لازم تاخذ معاك الكتيب والجواز القديم والرقم الوطني *نصيحة ليك قبل ما تبدا في اجراءاتك بره للسجل المدني واتأكد من كافة بياناتك هل نفسها اللي بالجواز القديم هي اللي بالمنظومة راهو حتى حرف غلط بيردوك بعدين فمن الاول اتأكد* تاني يوم بتمشي بكري بتسمع اسمك ويعطوك رقم وبتخلص اه لازم تحتفظ بالواصل وبعدين ايصوروك وعندها لازم تتأكد من كافة بياناتك وخاصة الاسم بالانجليزي لازم ايكون مطابق للتأشيرة، بعد 10 ايام بتستلم الجواز ان شاء الله  وبعدها تمشي للسفارة باش تنقلك التأشيرة في الجواز الجديد مع 35 دينار وتقريبا يبوا صور من الجواز القديم اني قاعدة مامشيتش بنسأل وانقولك شن صار معاي أهم شيء ان تأشيرتك ما تسكرش 4 شهور والا معاش تقبل السفارة انها تنقلها ووقتها بتعاود اتقدم من جديد*-*

بالله ياخت Rana نبى نستفسر هل يمكن فى الجواز الجديد نعمل اقتصارات لاسم الاب لان فى جوازى القديم اسم الاب فيه اختصار

descriptionالجواز الأزرق و كندا Emptyرد: الجواز الأزرق و كندا

more_horiz
طبعا أخ يوسف ... تكتب إسمك بــــــالـــــحـــــــرف زي الجواز القديم ..... وتقدر تغيره لو تبي ... وتقولك الموظفة على مسؤوليتك .... طبعا نتكلم على الاسم بالإنجليزي .... لأن العربي غير قابل للتغيير إلا من منظومة الرقم الوطني

descriptionالجواز الأزرق و كندا Emptyرد: الجواز الأزرق و كندا

more_horiz
Ahlam Ramadan كتب:
طبعا أخ يوسف ... تكتب إسمك بــــــالـــــحـــــــرف زي الجواز القديم ..... وتقدر تغيره لو تبي ... وتقولك الموظفة على مسؤوليتك .... طبعا نتكلم على الاسم بالإنجليزي .... لأن العربي غير قابل للتغيير إلا من منظومة الرقم الوطني


مشكورة اخت احلام

descriptionالجواز الأزرق و كندا Emptyرد: الجواز الأزرق و كندا

more_horiz
السلام عليكم: كيف ما جاوباتك اخت احلام وللتأكيد حتى اني اسم الاب والجد بالاختصار

descriptionالجواز الأزرق و كندا Emptyرد: الجواز الأزرق و كندا

more_horiz
هل كتابة الاسم الانجليزي باختصارات كما في الجواز السابق مسموح بها في الجواز الجديد لان في احد ابلاغني بان المنظومه لا تسمح بذلك فهل هذا صحيح

descriptionالجواز الأزرق و كندا Emptyرد: الجواز الأزرق و كندا

more_horiz
السلام عليكم: اخ عمر كيف ما اوضحت سابقا انا بنفسي اسم الاب والجد بالاختصار والموظف اللي بيصورك بيطلب منك انك تتأكد من بياناتك خاصة الاسم بالانجليزي، طبعا لو طالعتلك التأشيرة لازم ايكون الاسم مطابق

descriptionالجواز الأزرق و كندا Emptyرد: الجواز الأزرق و كندا

more_horiz
و الله دوخوني في بنغازي قالولي لا يمكن كتابة الاسم بالاختصارات الاسبوع الجاي ماشي لغرض تعديل البيانات باللغه الانجليزيه ويسترها الله معهم جماعة الجوازات

descriptionالجواز الأزرق و كندا Emptyرد: الجواز الأزرق و كندا

more_horiz
تكتب بالاختصارات زي ما تبي وبالذات لو عندك تأشيرة أو شهادات وأوراق مكتوبة سابقا باللغة الانجليزية يجب أن تحافظ عليها في الجواز الجديد زي القديم تماما
صلاحيات هذا المنتدى:
لاتستطيع الرد على المواضيع في هذا المنتدى