دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

باذن الله

description باذن الله  Empty باذن الله

more_horiz
باذن الله مسافر يوم الخميس 27 الشهر لفانكوفر اي حد من خوتنا وخواتنا اللي في فانكوفر او قريب منها ويبي يوصي علي شي من ليبيا يتفضل اقصد بالشي امانات خفيفه اوراق مستنات دواء ضروري وما شابه يعني الاشياء الخفيفه والمهمه .. ماعليه الا يبعتلي اسم و رقم حد قريبه اهني واني نتواصل معاه وانوصله امانته وربي يوصلنا ليكم عالخير انشالله .

description باذن الله  Emptyرد: باذن الله

more_horiz
إن شاء الله توصل بالسلامة

description باذن الله  Emptyرد: باذن الله

more_horiz
توصل بالسلامه ان شاء الله

description باذن الله  Emptyرد: باذن الله

more_horiz
أوصلك الله سالما ويسر أمرك وأمر سفرك

description باذن الله  Emptyرد: باذن الله

more_horiz
الله يسلمكم ويباركلكم في اعماركم واعمالكم جميعا .

description باذن الله  Emptyرد: باذن الله

more_horiz
ربي يفتح لك أبواب الخير ويوصلك بالسالم ..... وأنوي الهجرة لطلب العلم .... وما توفيقنا إلا بالله

description باذن الله  Emptyرد: باذن الله

more_horiz
السلام عليكم: والله لما نقرا في كلام زي هذا فعلا نتأكد ان في ناس ايجابيين. 
   بـــــاركـــــــــــ اللــه فيك واينورلك طريقك وايسهلهالك

description باذن الله  Emptyرد: باذن الله

more_horiz
اسئل الله ان تصل بالسلامة وتتفوق في الامر الي انت ماشي على خاطره ووصية بالله عليك ماتنسناش من الدعاء تمشي الامور للبلاد والعباد

description باذن الله  Emptyرد: باذن الله

more_horiz
اسال الله ان يوفقكم وتوصلوا بسلامة و دعوة المسافر مستجابة ادعي لستة مليون وربي يهدي هالمسلمين

description باذن الله  Emptyرد: باذن الله

more_horiz
يوصلك سالم غانم يا وخيي ^_^

من اول ماقريت العنوان توقعت طول فيه موعد السفر ^_^

الحمد لله صلي ركعتين قبل  ما تطلع وادعي بالتوفيق والبركة 

ربي يوقفلك ولاد الحلال والناس الطيبة غادي ويسهلك امورك

فانكوفر مش وجهتي بعون الله ...كان هدا راني قصقصتك وطفشتك من الموفد ^_____^

هي توصل طيب يا وخيي

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

description باذن الله  Emptyرد: باذن الله

more_horiz
توصل بالسلامة ان شاء الله

description باذن الله  Emptyرد: باذن الله

more_horiz
اني رجعت Sad

ماتنساش تدعيلي 

دعوة المسافر مستجابة ^_^

.
.
ما تنساش ترفع اللي قالو عليك الموفدين في اكتر من موضوع 

وصلات الضي باش يخدملك لابتوبك وتلفونك 

وراهو علي قولتهم قاعد صقع 

ارفع معاك مق طاسة تشرب فيها وكاشيك وصونية تستحقلها بدل ما تشريها 

افتح حساب في التجارة والتنمية تستحقله راه علي الاقل يقدر اي حد يحخطلك فيه فلوس لا سمح الله لو استحقيت وانت بعيد من قال .... 

اوراقيك اللي مع الباسبورت متلا الباسبورت والصور الشخصية وتصريح الدخول كان بعتتاته ليك جمانة قبل مايبدو يبعتو فيه طول لسفارة وورقة صغيرة مكتوب فيها الهخوتيلات القراب من المطار وعناونهم وارقام تلفونهم باش تعطيهم للتاكسي طول ..المهم كلهم في شنطة صغيرة مش اللي رافعها معاك الفوق لا لا هدي اللي بتقيمها معاك 

حقا اشري شنطة صغيره في طرابلس شارع الرشيد معبيااااااااااااااااااتت اللي بكتفين راهو بتستحقها علي الاقل تنتقل بيها من مكان لمكان لما مايكونش عندك حاجات ياعني ماشي بطولك ...

اشري فلاش زايد وشال علي الاقل زوز في الظهرة رخاص ويدفو هلبة 

كان تلفونك تاتش انقل اللي فيه كلهم علي فلاش ولا في كمبيوترك ودير احتمالية السرقة او الرياح لا سمح الله Sad 

خود صور من باسبورتات عيلتك وشهاد ميلادهم مرات تستحق دير دعوة لحد ^_^

ما تكترش حوايج وترفع الل يتلبس فيه واللي عمرك ما لبسته لانك مرات تجربه غادي ويطلع متركن في الدولاب يقعد فخسارة تكركير وخلاص

ركب لبساتك بعينيك وارفع اللي تلبببببببببببببببببببس فيه ....ارفع سورية عربية لصلاة الجمعة ^_^

عندي هلبة دوة لكن نتفكر بالشوية

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

description باذن الله  Emptyرد: باذن الله

more_horiz
بارك الله فيكم عالمشاعر الطيبه جميعا

- ابله احلام .. الهجره علي النيه زي ماقال الرسول ص في الحديث المشهور

- رنا .. الناس لبعضها واحني انسلكوا في جمايل الناس اللي ساعدونا واهتموا لامرنا وفي كل الاحوال الليبين شعب طيب باصله والخير مضغه منهم انشالله .

-صن لايت ... ربي يهدي العباد ويهددي البلاد اااامين .

- سراب ... انت باسئلتك المميزه وفرتي علي الكثيرين الكثير من التعب لكن يا داير يا لاقي وتي روحك لما تسافري لشياط الريق وما تحولي شي مرات يخطرلك تجي لفانكوفر يشكروا فيها ره .

- انيس .. الله يسلمك ويبارك فيك .
-

description باذن الله  Emptyرد: باذن الله

more_horiz
يا ودي ربي يبارك فيك يا سراب ويحققلك كل امانيك ... والمفروض الست حنان كندا تحطك معاها في الادمنيه لان اضافاتك مميزه وكانا ما تبيش تحطك توا بنديروا مضاهره ولا اعتصام قدام منتدي الموفد ^^ انبصروا طبعا..

description باذن الله  Emptyرد: باذن الله

more_horiz
واني نستني في باقي النصايح منك يا سراب لاني فعلا في حاجات ماكنتش واخد بالي منها زي الشال مثلا لاني علي عجله من امري ومش مركز هلبه .

description باذن الله  Emptyرد: باذن الله

more_horiz
ننقولك حاجة ..افتح شنطتك الصغيرة والكبيرة وكل مرة حط فيها الاساسيات 

والله نقول في حاجات متابهدلة فيهم وعانيت بالدات بالدات شوف :::

مش عندك شنطتين صغار لو غيرت علي البزنس وزنهم قريب في 90 كيلو الزوز متلا لو علي لانجليزية هدو نوع فيهم وحط الل يبتاحطه والشنطة الصغيرة اللي بتقيمها بوريدينق فوق معاك المفروض مايفتوش وزنها 13 كيلو تقريبا نسيت لاني ديما زايده كيلوت ونخلص عليهم المهم الشنطة الصيغرة اللي معاك حط فيها اللي تبيه معاك في الهوتيل متلا لو ترنزيتك لندن او اسطنبول لانه الباقي مش حينزلهوك في الغالب في الترانزيت خير ماتقعد باللي لابسه لتاني يوم ..ياعني ملابسك تغييراتك معجون سنونك فرشتك فوطة صغيره للوجه كريمة شعرك وشامبو صغير مع بلسمه وكريمة ايدين خير مايصيرلك تشقق ووشن  ان شاء الله فازلين وماتقولش راجل مايحطش .. فازلين مافيها شيء

الكريمات اللي بتحطها ولا غسول الوجه مايفتوش مية ملم ..وكان عندك رايحة حتي هيا فايته مية ملم ماتحطهاش معاك فوق دسها في الشنطة اللي في المارجو راهو يقيموها منك عين تضحك عين تبكي ...

سحابة قالو فيه مطرات ..بخمسة جنيه خودها صغيرة وحطها في حاشية الشنطة وشخاشيرك حتي 5 شخاشير مش الصغار الخفاف اللي زي قلتهم .. نقولك حاجة احسن حاجة في الاجانب انهم بعديين علي الموضة ^_^ المهم تدفي ..وكان بتنسق بعد ما تدفي روحك دير اللي تبيه 

قوانطي حتي وحيد وحتني لو كنت ما تلبسش فيه وماتحباش ارفعه خمسة دولار تستحقها في الف حاجة ان شا لله تشري بيها خبزة بدل قوانطي 

الشنطة اللي بتشريها كتفين فيها النيلو لانها متعرضة انها تنبل ..ماتدورش اديداس ولا Nike @_@ خود عادية بعدين اتوسعت خود اللي تبيه 
شبشب باش تدور بيه في الحوش زليزهم اكتر من الي مفرشينه راهو حطه في الشنطة الصغيرة ومعاها شياته ولا خلاص اللي بتخلص بيه 

كان انت من محبي القهوة ارفع قهوتك نص كيلو يسدك الايام الاولي وقالو بسيسة ديرها بالزيت كول منها كل صبح تقول قاعد في حوشكم ^_^

اكتب الباوورد بتاع الايميل وغير الاسئلة اللي فيه فيه موضوع بتاع المهندس احمد لله يمسيه بالخير متكلم عليه شوفه في هين يف القسم 

خيوط الشحن من توة حطهم في الشنطة وانساهم لانك وين تجي طالع مرات مبيته في الشحن وتنساه في البريزة وتطلع وتخليه حط واحد زايد عندك في الحوش ..  

خش المكتبة خود منهم ملف اللي فيه هلبة بلاستيكات ينحطو فيه ورقة ... حي عليك كان ماشريتناش معنها خود وراقيك غادي يتناطرو وقعمز ستف فيه اوراقك بالورقة هني ورقة البعتات بتاع االقبول والتاشيرة وقبول المعهد وصور الجواز صور منه صور هلبة خير ماتبدا تصور وصور صور شخصية عدد 16 صورة وخزن واحدة منهم في فلاش وشهادة الميلاد والوضع العائلي وتزكيات اللي كنت تقرا فيهم مختومات بختم الاكادييمة ومسكرات حتي ولو في جامعات يراسلو في الدكاترة انت ديرهم علي الاحتياط مادامك انت هني وتقدر توفرهم الله اعلم تبتت علي نفيس لاكايديمة ولا تشوف واحدة تانية 

سماعات التلفون ارفعهم

ارفع حصن صغير ..في اوقات البني ادم يتضايق وهدا شعور طبيعي بالاخص انه في غربة فاقرب شيء انه يتقرب لربي حتي تقرا دعاء وين تجي طالع ربي حينورلك فيه طريقك ويوقفلك ناس عمرك ما توقعت انك تتلاقي معاهم او يساعدوك 

مترجم راك تنساه ...حتي المورد صغير بخمسة جنيه ..مهم مهم مهم 

انصولات مرات من اللي يعافو ويوسوسو ارفع زوز انصولات تحطهم علي الفراش وغلاف مخدة .

ساعة يد حتي لو ما تحبش تلبسها ... باش تشوف بيها الوقت .. تفوت حدود البلاد يصبع للوقت تمن غير حني مش حاسيين بيه وماعنداش حاجة منظمة ^_^ وكلنا فخر ولله الحمد ^_^... وكان ساعتك مافيهاش بطارية اشريلها مش تقول لا مانعدلش عليها زي حالاتي @_@

كان عندك ام بي تري خير وخير ارفعه وحطله اللي بتحطه تقعد تسمع وين ماشي لمكان لمكان في باصهم تلقي غير سماعاتهم قريب حتي السواق يحط سماعات @_@

الكبوط لو مايدفيش ماترفعاش غير يثقل وخلاص 

.
.
.
انا مقروصة من الف حاجة ..فلهدا مافيش كيف بتشيطلي ريقي ^_^ ..مازلت نفتش علي تورنتو ^_^ تفويضنا طلع ..خطرها علي التفويض استني لين يوصلولك الرسايل الاصلية بتاع ربع المرتب والتعريف الطالب ماتعباش حد يبعتهملك ولا تشحنهم بالشحن يعطل وخساير فلوس ..فاالاضمن يطلعولك وتوكل علي الله وسافر ^_^

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

description باذن الله  Emptyرد: باذن الله

more_horiz
درتهم في ليستا توصياتك وبديت فيهم بالدور اللي ما درتهاش بالخطاط الفسفوري فورا باش ما تريحش مني ©_© ... بالنسبه للوزن بنحاول انخليهن 3 شناطي كل وحده في حدود 30 ك .. لكن في حاجه مافهمتهاش يا سراب بالنسبه لرسالة ربع المرتب الاصليه عندهم بيها علاقه في كندا ؟ اني عطوني صوره منها مالبعتات ومعاش دورتهم منها .. ياريت توضحيلي التعريف الاصلي خديته ... وسامحينا علي تعبك يا سراب وانشالله في ميزان اعمالك الصالحه .. وهل من مزيد ^^ ماتقوليش طماع ^^ لكن خوتنا واخواتنا بحاجه لها النصايح ...

description باذن الله  Emptyرد: باذن الله

more_horiz
الله يفتح عليك ياسراب ويذكرك بالشهادة إن شاء الله بصراحة نصائح قيمة للجميع  ربي يبارك في حسناتك

description باذن الله  Emptyرد: باذن الله

more_horiz
بارك الله فيك يا سراب وياريت تردي عليه

description باذن الله  Emptyرد: باذن الله

more_horiz
السلام عليكم:اختي بارك الله فيك وكل من قرأ رسالتك والنصائح اللي فيها دعا لك بالخير، اما خونا على الدين الديب ان شاء الله ربي اينورلك طريقك ومافيش حاجة مستحيلة كله ايجي بالعزم والصبر واهم شيء الثقة بالله وان شاء الله بعد كم سنة اتروح لبلادك وانت رافع راس كل ليبي واتفرح عيلتك.

description باذن الله  Emptyرد: باذن الله

more_horiz
ربى ايجيبها لك زينه خوى على الدين الديب

description باذن الله  Emptyرد: باذن الله

more_horiz
السلام عليكم 
توصل بالسلامة ان شاء الله

description باذن الله  Emptyرد: باذن الله

more_horiz
توصل بالسلامة ان شاء الله

description باذن الله  Emptyرد: باذن الله

more_horiz
السلام عليك أستاذ على توصل على خير إن شاء الله وربي يسدد خطاك ......

description باذن الله  Emptyرد: باذن الله

more_horiz
توصل بالسلامة ان شاء الله 
فانكفور تستنى فيك
صلاحيات هذا المنتدى:
لاتستطيع الرد على المواضيع في هذا المنتدى