دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionلدوي الخبرة Emptyلدوي الخبرة

more_horiz
السلام عليكم
أني في ت2 وخديت رسالة التفويض المالي وكان بداية الصرف 3/1 والمكتب الكندي بعتلي إيميل وقالولي أسمك وصل في القوائم وتقدر تجي لكندا
 (you can come to Canada) لكن دراستي تبدأ في شهر 6 السؤال هو: لو نمشي في شهر 4 هل المكتب الكندي يصرفلي مرتباتي والتأمين الصحي ولا يقولولي دراستك في 6 ونبدوا نصرفولك من شهر6؟؟؟؟؟؟

descriptionلدوي الخبرة Emptyرد: لدوي الخبرة

more_horiz
السلام عليكم
قم بمراسلة المكتب الكندى واسألهم هذا السؤال، فهم الوحيدون المعنيون باإجابة الصحيحة والشافية.

descriptionلدوي الخبرة Emptyرد: لدوي الخبرة

more_horiz
السلام عليكم

يا خوي طارق مش حكاية يصرفلك و الا لا...الموضوع انت بعثك مربوطة بمدة يعني على سبيل المثال انك طالع ماستر=3 سنين و انت بداية اللغة تبدا شهر ستة صح 
و بتبدا الصرف في 4 و انت متقراش هذا كله حيضيعلك شهرين من المدة متعك. 
و نقطة تانية ضروري تعدل تاريخ برقية بداية الصرف عند البعتاث قبل ما تسافر لانه يتتوقف عليه منحتك يعني بداية الصرف 1\3 \2014 حيقف 1\3\17
هو صح صرف المنحة من تاريخ وصولك لكندا لاكن البعثات منظمومتهم تاعبة جدا معندهمش update يعني اجررري انت عل update هذا قبل ماتسافر وما تعبا على حد و سافر على الوقت علاش مستعجل و عادة خليك نهاية الشهر مش مضيعش وقت هلبة فب فنادق مثلا 24\5 و و في نفس الوقت مش تشوف شقة  خلال الفترة هادي لانه عادة استلام الشقة دائما في بداية الشهر.

موفق إن شـاء الله .

descriptionلدوي الخبرة Emptyرد: لدوي الخبرة

more_horiz
السلام عليكم
علاش قلتلك يا خوى راسل المكتب الكندى، لأنى زيك قلتلهم أنى ناوى نمشى لكندا قبل موعد الدراسة بشهر فقالولى مش حنقدر نصرفولك المنحة امتاعتك الا لما تبدا قرايتك لأننا نصرفوا فى المنحة للطلبة الملتحقين فى الدراسة فقط.

descriptionلدوي الخبرة Emptyرد: لدوي الخبرة

more_horiz
طارق الغنيمي كتب:
السلام عليكم
أني في ت2 وخديت رسالة التفويض المالي وكان بداية الصرف 3/1 والمكتب الكندي بعتلي إيميل وقالولي أسمك وصل في القوائم وتقدر تجي لكندا
 (you can come to Canada) لكن دراستي تبدأ في شهر 6 السؤال هو: لو نمشي في شهر 4 هل المكتب الكندي يصرفلي مرتباتي والتأمين الصحي ولا يقولولي دراستك في 6 ونبدوا نصرفولك من شهر6؟؟؟؟؟؟

عادي يصرفولك من تاريخ البرقيه لو جيت .....بس زي ماقال الاخ قبلي هكي راح تخسر مده من المنحه ع الفاضي

descriptionلدوي الخبرة Emptyرد: لدوي الخبرة

more_horiz
DDJONTA كتب:
طارق الغنيمي كتب:
السلام عليكم
أني في ت2 وخديت رسالة التفويض المالي وكان بداية الصرف 3/1 والمكتب الكندي بعتلي إيميل وقالولي أسمك وصل في القوائم وتقدر تجي لكندا
 (you can come to Canada) لكن دراستي تبدأ في شهر 6 السؤال هو: لو نمشي في شهر 4 هل المكتب الكندي يصرفلي مرتباتي والتأمين الصحي ولا يقولولي دراستك في 6 ونبدوا نصرفولك من شهر6؟؟؟؟؟؟

عادي يصرفولك من تاريخ البرقيه لو جيت .....بس زي ماقال الاخ قبلي هكي راح تخسر مده من المنحه ع الفاضي

بأذن الله مش مشكلة الشهرين الي بيخصموهم المهم حد يأكدلي أن CBIE يصرفولي مرتبي

descriptionلدوي الخبرة Emptyرد: لدوي الخبرة

more_horiz
بالتوفيق والنجاح

descriptionلدوي الخبرة Emptyرد: لدوي الخبرة

more_horiz
خوي طارق CBIE هي تتمرعش عاFund تمرعيش تبيها تصرفلك شهرين قبل بداية قرايتك هذا شي مستحيل...خود الكلام الاكيد مني.
مفيش قراية مفيش فلوس.

descriptionلدوي الخبرة Emptyرد: لدوي الخبرة

more_horiz
لو اسمك وصل للمكتب الكندي موضوعك منتهي مجرد ما اتحط كرعيك في كندا وتبدا القريه ان شاء الله في معهد ثاني مؤقتا  لو معهد الي سجلته فيه تابع للجامعه ومن الصعب انك اتلحق عليه الا بي تواريخ معينه تقدر تبدء في معهد اخر زي كابلان لو انت جاي لي تورنتو مثلا او اي معهد خاص ثاني تبعث للمكتب الكندي اسم المعهد وتاريخ البدايه ونهايه الكورس و المكتب الكندي يبدء علي طول يفعلك الملف ويرسلك ورقه الدعم بالتواريخ الي كتبتها ليهم انا هكي درت ممكن يطلب منك ورقه قبول من المعهد بس انا ما طلبوش مني لو طلبو منك سهل تمش لي معهد عجبك وتاخذ معك الدعم المالي وتطلب منهم قبول ما يصدقو يفرحوا بيك لانهم شايفين الفلوس الي تبي اتجيهم من الدوله هههههههه يعني فرحانين بالفلوس, و لو انت اصلا مسجل في معهد خاص فكل المعاهد الخاصه هنا في العاده تبدء الدراسه فيها كل يوم اثنين من بدايه الاسبوع يعني كل يوم اثنين يستقبلوا طلبه جدد

descriptionلدوي الخبرة Emptyرد: لدوي الخبرة

more_horiz
السلام عليكم اخي طارق  Laina
اود ان استفسر منك في الفترة السابقة اعتقد انك شاركت بي بوست ردا على مشاركة كانت بعنوان "كارثة جديدة للطلبة الليبيين في كندا" وكان تعليقك حول حجزك في مكتب قابلات تابع للحكومة الكندية . ارجو منك الرد علي وارسال الطريقة التي حجزت بها لاننا ننظر في مولود في الفترة القادمة وانت عارف مشكلة التامين . علما باني ساسفر قبل صدور التفويض المالي 
وشكرا

descriptionلدوي الخبرة Emptyرد: لدوي الخبرة

more_horiz
Abu Ali كتب:
السلام عليكم اخي طارق  Laina
اود ان استفسر منك في الفترة السابقة اعتقد انك شاركت بي بوست ردا على مشاركة كانت بعنوان "كارثة جديدة للطلبة الليبيين في كندا" وكان تعليقك حول حجزك في مكتب قابلات تابع للحكومة الكندية . ارجو منك الرد علي وارسال الطريقة التي حجزت بها لاننا ننظر في مولود في الفترة القادمة وانت عارف مشكلة التامين . علما باني ساسفر قبل صدور التفويض المالي 
وشكرا

وعليكم السلام
أخي تأكد من البوست لانه مش أني ممكن طارق تاني وربي يسهل عليك إن شاء الله
صلاحيات هذا المنتدى:
لاتستطيع الرد على المواضيع في هذا المنتدى