دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionسؤال الي الموفدة Laina  Emptyسؤال الي الموفدة Laina

more_horiz
السلام عليكم ورحمة الله  Laina
اود ان استفسر منك في الفترة السابقة اعتقد انك شاركت بي بوست ردا على مشاركة كانت بعنوان "كارثة جديدة للطلبة الليبيين في كندا" وكان تعليقك حول حجزك في مكتب قابلات تابع للحكومة الكندية . ارجو منك الرد علي وارسال الطريقة التي حجزت بها  وهل هذه المكاتب متوفرة في جميع المقاطعات الكندية لاننا ننتظر في مولود في الفترة القادمة وانت عارف مشكلة التامين . علما باني ساسفر قبل صدور التفويض المالي . يعني لفترة تصل للشهرين على حسابي قبل التفويض  علما بان موعد قدوم المولود في نهاية شهر 6 وانا الان في صدد التاشيرة.والوجهة ان شاء الله مدينة فانكوفر.

ارجو المساعدة جزاكم الله خيرا

وشكرا
كان الله في عون العبد مادام العبد في عون أخيه

descriptionسؤال الي الموفدة Laina  Emptyرد: سؤال الي الموفدة Laina

more_horiz
نفس القصة.....انا سفري إن شاء الله قبل موعد ولادة زوجتي. نريد استشارة من خوتنا الذين مروا بنفس القصة
بارك الله فيكم

descriptionسؤال الي الموفدة Laina  Emptyرد: سؤال الي الموفدة Laina

more_horiz
إلى عنده فكرة يرحم والديكم يفيدنا وأجره على الله

_______________________________

اللهم اجعل هذا البلد آمناً مطمئناً سخاءً رخاءً وسائر بلاد المسلمين اللهم من ارادنا بشر فأشغله في نفسه ورد كيده في نحره

descriptionسؤال الي الموفدة Laina  Emptyرد: سؤال الي الموفدة Laina

more_horiz
السلام عليكم اسفه علي تأخيري في الرد اليوم كان عندي امتحان فمافضيتش
بالنسبه لمكتب القابلات ممكن تبحث عليه من النت علي حسب المنطقه هي تقريبا موجود في كل منطقه بس في مكاتب يختلففوا عن الى انا سجلت فيه علي حسب ما صار مع صديقتي هي جت بعدي بي شهرين بس المكتب الي انا سجلت فيه كان مكتفي ومعبئ في الشهر الي تولد فيه فحصلت واحد اخر يتحمل تكلغه الولاده بس ما يتحملش تكلفة المستشفي, والمكتب الي انا سجلت فيه يغطي تكلفه الولاده والمستشفي فمساله فيها شوية حظ والله  الموفق , المهم هذا الموقع ممكن يفيدكم ( community Midwives in .....toronto for example) تلقي نموذج تسجل عندهم اونلاين اتسجل  كل المعلومات المطلوبه من ضمنها موعد المتوقع للولاده بس لازم اتكون موجود في كندا عشن في اي لحظه ممكن يتصلو فيك , انا سجلت بس هم كان بالهم واسع وما   ردوش عليا الابعد ما مشيت كل المستشفيات الموجوده في تورنتو وخذيت عنوين القابلات الي يتعامل مع كل مستشفي طبعا كل مستشفي عنده عيادة قابلات  خاصه بيه بس موجود خارج المستشفي في مكان اخر وبعيد عنه وما عندهمش مكتب داخل المستشفي والمهم  مشيت المكتب الاول قالو نحن ما تقدروش نستقبلو اي حاله الا بعد شهر 4 وانا مشيتلهم في شهر 9 و في اخر اسبوع ليا في الحمل  فعطوني عنوان مكتب اخر لما مشيتله  ثاني يوم خذو مني اشوية معلومات وقالو سع انشوفوا كان لقينالك اي قابله فاضيه و تقبلك , خلاص روحت وثاني يوم اتصلوا بيا وقالولي تعالي لقينالك قابله تعالي افتحي ملف وديري التحاليل ووووو الحمد لله مشت كل الامور تمام.وعقبالكم ان شاء الله ربي يسهل اموركم جميعا . بعد ما تميت اموري مع المكتب اتصل بيا المكتب الاخر الي سجلت فيه اونلاين وقالولي تعالي افتحي ملف ههههههههه بعد ما طاب الرز .قلتلهم خلاص حصلت فقعدوا  فسألوني اني انا متريحه مع  المكتب الثاني ولا نبي انغير, شوفوا العز هههههههههه فقلت لا لا انا متريحه والقابلات كانن جدا كويسات في المعامله. والحمد لله
واي سؤال اخر تفظلوا
وان شاء الله انكون وصلت المعلومه

descriptionسؤال الي الموفدة Laina  Emptyرد: سؤال الي الموفدة Laina

more_horiz
بارك الله فيك اختي علي التجاوب والمعلومات 

الله يفتحها عليك ويسهلك امورك

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionسؤال الي الموفدة Laina  Emptyرد: سؤال الي الموفدة Laina

more_horiz
السلام عليك أختي Laian
وأسعد الله يومك وبارك الله لك في ذريتك وأهلك ورزقك وجعله الله في ميزان حسناتك .وأشكرك شديد الشكر على تجاوبك  لأن هذا الموضوع فعلا واخد حيز كبير من التفكير وخصوصا لزي حالاتي ناوي انسافر قبل التفويض وكما هو معلوم مدة التفويض قداش تأخد.


        وبارك الله فيك وجزاك الله ألف خير 

descriptionسؤال الي الموفدة Laina  Emptyرد: سؤال الي الموفدة Laina

more_horiz
وفيكم بارك الله .بس في معلومه ثانيه مهمه في بعض المكاتب وخصوصا الى تقبل اون لاين تسأل علي التأشيره هل تأشيرة الحامل زائر او طالب واحيانا ما تقبلش بتأشيره الزائر.
الشئ الثاني ان شركة التامين لما تسالوهم يقولوا انهم مايغطوش تكلفه الولاده لي اي وحدة جأت حامل من ليبيا بس لما ادزولهم الفواتير امتعات المستشفي والدكتوره حتي بدون ما تدفعوا من جيبكم التامين علي طول ايردلكم الفلوس بالكامل لو ملفكم مفعل من المكتب الكندي هذا الي صار مع صديقيتي جت في اخر شهرين في الحمل وجابت ومادفعت شي للمستشفي خذت الفواتير وبعثتهم للتامين وتامين بعثلها الفلوس خلال اسبوعين تقريبا بعدها هي مشت للمستشفي وسلكتهم
صلاحيات هذا المنتدى:
لاتستطيع الرد على المواضيع في هذا المنتدى