دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


نقل التأشيرة من الجواز القديم الي الجديد ( الاكتروني)

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
أنا وزوجي وتلاتة من صغاري استخرجنا جوازات جديدة الكترونية ... والجوازات الأولى قاعدة عندنا وما فيهاش أي إشارة تدل على إنه ملغي (لاتخريم ولا شطب) أصلا في كل المراحل اللي مريت بيها أثناء عملية الاستخراج ماخلوشي عندهم حتى شوية يعني طول الوقت وهو في ايدينا احنا ..... حتى أثناء البصمة والصورة خداته الموظفة شوية باش تتأكد ورداته على طول .... وهذا كله في جوازات الصريم .... طبعا أنا استخرجتهم قبل ما يبعتولي بالموافقة على التأشيرة ... يعني قدمت التأشيرة بالجواز القديم ولما بنستلمها بنرفع معاه الجديد

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
يا شباب في البداية اشكر كل من ادلى بكل ما يفيد في هذا الخصوص.. ثانيا سؤالي هل استطيع استخراج ز
جواز جديد من خارج ليبيا؟ من السفارة الليبية في بريطانيا على سبيل المثال؟
مشكورين وما قصرتوا والله

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
السلام عليكم: بالنسبة للجواز القديم لم يتم تخريمه او حتى وضع علامة تدل على انه ملغي لكن ربما يتم الغاءه الكترونيا لأن الجواز الجديد نازل بالمنظومة وبه الرقم الالي الخاص بالجواز القديم، وبالنسبة لنقل التأشيرة حتي اني امشيت للسفارة الكندية باش ينقلوا التأشيرة مع التأكيد متفوتش الاربع شهور على اصدارها في الجواز القديم وبعد 3 ايام كلموني وقالوا تعالي استلمي التأشيرة بالجواز الجديد طبعا مدة الانتهاء نفسها ولكن ايغيروا موعد اصدارها بالتاريخ الجديد ويلغوا الاولى اللي بالجواز القديم. موفقـــين

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
أنا استخرجت جواز جديد والجوازالقديم ما زال ساري المفعول ومش مختوم عليه ملغي ومش مخرم ... لكن اللي فهمته إنه بمجرد استخراج الجديد وتفعيله يتعمم اسمك ورقم الجواز الجديد على المنظومات بالمطارات وبالتالي ماعادش تقدر تستخدم الجواز (الــــقـــــديــــم) حتى ولو صلاحيته مازال ... والله أعلم  

عدل سابقا من قبل Ahlam Ramadan في الأحد 18 مايو 2014, 4:07 pm عدل 1 مرات (السبب : خطأ مطبعي)

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
السلام عليكم: قصدك اختي الجواز القديم

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
أكيد قصدها الجواز القديم 

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
فعلا ..... نقصد الجواز القديم آسفة على الخطأ غير المقصود وغيرته حتى في البوست

عدل سابقا من قبل Ahlam Ramadan في الإثنين 19 مايو 2014, 8:46 pm عدل 1 مرات (السبب : إملاء)

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
بالنسبة للذين يتسائلون عن بقاء الجواز القديم معهم وبدون تخريم بعد استخراج الجواز الجديد
اقول لهم انه تلقائيا لما يتفعل الجواز الجديد في المنظومة الأمنية وينكتب فيه الرقم الآلي الى هو نفس الرقم الآلي في الجواز القديم يكون الجواز القديم ملغي ومتقدرش تسافر بيه
لاحظ انت الرقم الآلي تلقاه نفس الرقم الي في الجديد والقديم

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
السلام عليكم ورحمة الله وبركاته
سبق لي التقدم علي التأشيرة الكندية بالجواز القديم وحالياً بإنتظار الرد علي التأشيرة، ولكن لدي بعض الاستفسارات كما يلي:
1- عند الموافقة علي التأشيرة إن شاء الله، هل أضعها علي الجواز القديم ثم استخرج الجديد وانقلها عليه أو استخرج جواز جديد واسلم الجوازين للسفارة لوضع التأشيرة علي الجديد مرة وحدة؟
2- أحد ابنائي مرفق في جواز زوجتي ، ففي حالة وضع التأشيرة علي جوازها القديم ثم استخراج جوازين جديدين واحد لزوجتي والثاتي لإبني المرافق لها في القديم، فهل فيها مشكلة عند نقل التأشيرة للجوازين الجديدين؟ هل فيه حد صارت معاه من قبل؟؟
بارك الله فيكم وبالتوفيق إن شاء الله.

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
أخ سند بنجاوبك على السؤال الأول من واقع تجربتي الشخصية ... الجواز اللي قدمت بيه للتاشيرة هو اللي بتستلم بيه حتى لو عندك الجديد .... لأني هكي صارلي لما مشيت بنستلم التأشيرة رفعت الجوازين القديم والجديد قالولي لازم تستلميها عالقديم وبعدين غيري .. وفعلا بمجرد ما استلمت التأشيرة في نفس اليوم مسيت للسفارة في البرج وسلمتها الجوازات القديمة والجديدة وغيرتهم .
أما السؤال الثاني فلا معلومات لدي بالخصوص.

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
@Ahlam Ramadan كتب:
أخ سند بنجاوبك على السؤال الأول من واقع تجربتي الشخصية ... الجواز اللي قدمت بيه للتاشيرة هو اللي بتستلم بيه حتى لو عندك الجديد .... لأني هكي صارلي لما مشيت بنستلم التأشيرة رفعت الجوازين القديم والجديد قالولي لازم تستلميها عالقديم وبعدين غيري .. وفعلا بمجرد ما استلمت التأشيرة في نفس اليوم مسيت للسفارة في البرج وسلمتها الجوازات القديمة والجديدة وغيرتهم .
أما السؤال الثاني فلا معلومات لدي بالخصوص.


بارك الله فيك أخت أحلام.

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
بارك الله فيكم جميعا على المعلومات القييمة ..
لدي استفسار لو سمحتم .. انا متحصل على التأشيرة بالجواز القديم .. واسم الاب بالانجليزي عبارة عن اختصار .. يعني مكتوب m. بدلامن mohammed . وفي حالة تجديدي للجواز الجديد علمت بانه لا يمكن كتابة الاختصارات .. عليه سيتم تغير اسم الاب .. فهل عند التفديم للسفارة لتغيير التأشيرة الى الجواز الجديد .. هل سأتعرض لاي عرقلة او مشكلة ؟ وذلك بداعي بان الاسمين غير متشابهة في الجوازين ؟
مشكورين

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
السيد اسامة من قالك لا يمكن كتابة الاختصارات ....
اللي تسأل فيه صارلي بالضبط ... اسم بوي في الجواز القديم R اختصار رمضان ولما نراجع في اسمي في المنظومة قلتلها غيريه ramadan قالتلي ماننصحكش تغيري وبالذات لو عندك إجراءات رسمية وأنا قلتلها غيري وعلى مسؤوليتي وكتبتلي الاسم كامل وتميت الإجراءات وحصلت التأشيرة بالقديم R وغيرتها على الجديد المكتوب فيه Ramadan إن شاء الله نكون أفدتك

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
بارك الله فيك أخت أحلام

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
السلام عليكم

انا متحصل علي التاشيرة الكندية يوم 4-4-2014  اون لاين علي الجواز الاخضر القديم    وقبل يومين الجواز انسرق من السيارة يعني ضاع الجواز  والتاشيرة  وكان علي اساس موعد سفري يوم 15-8-2014 طبعا اسمي وصل في التفويضات الماليه والمكتب الكندي بعتلي قالي تقدر تسافر وتجي لدراستك .

تواا جاري العمل علي استخراج جواز جديد وعندي صورة من محضر النيابه وصورة من التاشيرة وصورة من الجواز القديم .
نعرف انه هووو  لازم نمشي لتونس باش نحول التاشيرة للجواز الجديد

الســــــــــــــــؤال :1-  هل لازم ناخد موعد من السفارة الكنديه في تونس او نمشي مم غير موعد
                 2-  شن قصة التأشيرة اذا فات عليها 4 شهور ما تقدر اتغيرها والا ادير اي                              شي .
يعني انا انخنب جوازي وتاشيرتي ساريه المفعول لعند شهر 7 في 2015  علاش وكيف

فيه من قالي لازم اتقدم علي تأشيرة جديده

بالله يا شباب علي رحمه والديكم الي عنده اي ادني معلومه بي هالخصوص ما يبخلش عليا
والي يعرف كيف طريقه التعامل مع السفاره يحكيلي كيف الاجراءات اتم


شكرا جزيلا

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
السلام عليكم
لو فيه اي حد عنده أى معلومة بخصوص حجز التأشيرة والديون شن صاير فيهم علی رحمة ولديكم

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
بارك الله في كل من أعطى معلومة صادقة

descriptionنقل التأشيرة من الجواز القديم الي الجديد ( الاكتروني) - صفحة 2 Emptyرد: نقل التأشيرة من الجواز القديم الي الجديد ( الاكتروني)

more_horiz
السلام عليكم . نصيحة الي الذين استخرجو الجواز الجديد . الجواز القديم خلوه في ليبيا لان الحكومة الكندية كان لقيوه عندكم تعتبر تزوير
صلاحيات هذا المنتدى:
لاتستطيع الرد على المواضيع في هذا المنتدى