تصريح عمل في تورنتو

السلام عليكم
هل حد عنده فكره علي التقديم علي تصريح العمل في مقاطعه اونتاريوا
وهل الحصول عليه سهل اوصعب
وهل يؤثر في تجديد تصريح الدراسه ولا مالش علاقه
وكم تاخذ الفتره من التقديم  للحصول علي تصريح عمل

ارجوا ان تفيدوني لان انا  و زوجي نبوا  انقدموا علي تصريح عمل للعمل في تورنتو لتغطيه تكاليف المعشيه
لان لدوله الموقره قاطعه علينا المنحه من شهر واحد والله اعلم الي متي  بالاضافه الي ان المرافق غير مسموح له الدراسه علي حساب الدوله وانا مازلت في فترة اللغه وتأشيرتي تسقط في شهر 8 من هذه السنه

السلام عليكم ما هو سبب ايقاف المنحة عليكم هذه مشكلة والبلاد غالية

تحياتي

laina كتب:

السلام عليكم
هل حد عنده فكره علي التقديم علي تصريح العمل في مقاطعه اونتاريوا
وهل الحصول عليه سهل اوصعب
وهل يؤثر في تجديد تصريح الدراسه ولا مالش علاقه
وكم تاخذ الفتره من التقديم  للحصول علي تصريح عمل

ارجوا ان تفيدوني لان انا  و زوجي نبوا  انقدموا علي تصريح عمل للعمل في تورنتو لتغطيه تكاليف المعشيه
لان لدوله الموقره قاطعه علينا المنحه من شهر واحد والله اعلم الي متي  بالاضافه الي ان المرافق غير مسموح له الدراسه علي حساب الدوله وانا مازلت في فترة اللغه وتأشيرتي تسقط في شهر 8 من هذه السنه

يمكنك التقديم علي تصريح عمل ولا ياثر علي تصريح الدراسه..العمل ف هذه الحاله بيكون صعب شوي خاصة لو انكم تدرسو ..والافضل ان الراتب تستلموه شيكات وليس كاش...
ربي يفرج عليكم

بارك الله فيكم علي الرد
بس سؤال اخر هل تأخذ مدة طويله بش تحصل عليها

ابراهيم الزوي كتب:

السلام عليكم ما هو سبب ايقاف المنحة عليكم هذه مشكلة والبلاد غالية

وعليكم السلام
سبب ايقاف المنحه اني سكرت ملفي في شهر 10 و11 لان درت 3 عمليات في الفتره ما بين شهر 10 ال شهر 12 اخر عمليه كانت يوم2/12  وكلها كان علي نفس المشكله حصوات في المراره درات منظار مرتين لسحب الحصوات  واخر عمليه كانت استئصال , المكتب الكندي علي حسب قول شانا انه بعث اسماء الطلبه الي  امعفلين ملفاتهم والي يقروا للوازاره في شهر 11 وانا كان ملفي امسكر فمابعثش اسمي بس مع ذالك الخطا مازال من المكتب الكندي لان انا امسكره ملفي فقط شهرين, وقالوا انهم بعثوا اسمي مع اسماء الطلبه الي اسمائهم مش موجوده في القائمه من 17/1 بس الي الان الوزاره ما ردتش عليهم
 وان شاء الله خير
اخي ابراهيم البلاد مش غاليه واجد المنحه لو تنزل شهر بي شهر اتكفيك واتزيد