دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionعندي الاتنين دبلوم وبكالوريس فكرو معاي في الحل Emptyعندي الاتنين دبلوم وبكالوريس فكرو معاي في الحل

more_horiz
السلام عليكم...
انا خريجة دبلوم عالي هندسة عمارة بتقدير ممتاز عام 2003 ومعيدة في المعهد وعندي قرار ايفاد علي شهادة الدبلوم.قرار 327..
وانا بعد التخرج التحقت بكلية الفنون قسم هندسة ديكور وعندي حاليا بكالوريس هندسة ديكور فهل نراسل بالشهادة الديكور ونجدد وورقة الدعم المالي ولانغير البلد او نراسل بشهادتين ولاكيف ..
انا كنت مايلة لكندا لعدة اسباب شخصية 
فهل ناخد الماجستير هندسة عمارة ونكمل ولا نطلع ورقة دعم مالي جديدة بالبكالوريس وندرس ماجستير ديكور ارجوكم نصيحة لان الموضوع يدوخ والي الان مبديتش مراسلات الجامعات 
ارجو ابداء ارائكم لاستفيد ....

descriptionعندي الاتنين دبلوم وبكالوريس فكرو معاي في الحل Emptyرد: عندي الاتنين دبلوم وبكالوريس فكرو معاي في الحل

more_horiz
من المفيد ان تراسلي بالبكالوريوس لان اغلب الجامعات الكندية متشددين في الدبلوم ولا يقبلوه كتيرا اما البكالوريس فهو مقبول عندهم

descriptionعندي الاتنين دبلوم وبكالوريس فكرو معاي في الحل Emptyرد: عندي الاتنين دبلوم وبكالوريس فكرو معاي في الحل

more_horiz
كملي إجراءاتك بشهادة الدبلوم اللي تحصلتي بيها على قرار الإيفاد، و لما توصلي بالسلامة لكندا راسلي الجامعات بشهادة البكالوريوس؛ لأن فرصة القبول بيها أكبر ، و الله أعلم ،،، بالتوفيق .

descriptionعندي الاتنين دبلوم وبكالوريس فكرو معاي في الحل Emptyرد: عندي الاتنين دبلوم وبكالوريس فكرو معاي في الحل

more_horiz
نصيحتي ليك من شخص مجرب معاناة الدبلوم كملي امورك كلها بالباكلوريس من دون اي تردد لانه الدبلوم انحس فيه اختراع ليبي صرف

descriptionعندي الاتنين دبلوم وبكالوريس فكرو معاي في الحل Emptyرد: عندي الاتنين دبلوم وبكالوريس فكرو معاي في الحل

more_horiz
اختلاف في الراي اللي رشحو الدبلوم بس اسفة جدا واحترام لرأيهم

بس الدبلوم ولا حاجة برة

وبالاخص في كندا بعد اللي طلعوه من قرارات وتدارك للقرار الاخير لانه فات فيه موفدين بدو في اجراؤاتهم فيعتبرو في البدلوم مش درجة ... عندك ابكالويروس كملي فيها وانتي تابته مع ردجة كويسة في الايلتس علي من ترضي فمن الجامعات بعدين ولا وجع راس يا وخييتي

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionعندي الاتنين دبلوم وبكالوريس فكرو معاي في الحل Emptyرد: عندي الاتنين دبلوم وبكالوريس فكرو معاي في الحل

more_horiz
الأخت متعينة بالدبلوم و طلعلها قرار إيفاد بشهادة الدبلوم، و بعدين تحصلت على البكالوريوس في مجال غير الدبلوم لأن العمارة تخصص و الديكور تخصص آخر، و تحتاج إلى إجراءات و وقت طويل بيش تعتمد التخصص الجديد ، هذا إذا وافقولها، في رأيي زي ما قلتلها المرة الأولى تكمل إجراءاتها بالدبلوم العالي، و عند مراسلة الجامعات تقدم بالاثنين لأن الجامعات مش حتسألها بأي شهادة متعينة . هذا و الشكر للجميع و الله أعلم .

descriptionعندي الاتنين دبلوم وبكالوريس فكرو معاي في الحل Emptyرد: عندي الاتنين دبلوم وبكالوريس فكرو معاي في الحل

more_horiz
خوي مهاجر شهادة اللببكاليورس مازال مافيش حد بيناقشها عليها

ولو بتغيير القرار علي دبلوم ؟؟؟ ما اعتقدش

هيا هكي ولا هكي عندها اللغة تتسهل فيها وبعدين تشوف من الخبرة شن الاصلح ومن قال مرات بدبلومها تتميز وتلقي مكان في صفوف الدراسة بالكليات


علي فكرة البعتات يوفدو بالدرحجة مش بالتخصص

ياعني انا نقدر نغير اي تخصص تاني المهم نفس الدرجة الموفدة ليها هدا والله اعلم

ربي يسهلك يا وخيتي ويوقفلك من يشير عليك

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionعندي الاتنين دبلوم وبكالوريس فكرو معاي في الحل Emptyرد: عندي الاتنين دبلوم وبكالوريس فكرو معاي في الحل

more_horiz
نعم أخت سراب البعثات يوفدوا على الدرجة لكن مراعاة التخصص مطلوب، التخصص اللي تحصلتي بيه على قرار الإيفاد هو اللي بتقري بيه الدرجة الموفدة من أجلها، و تغيير التخصص بيسبب مشكلة بعد الرجوع إلى ليبيا و خصوصا للمعيدين و أعضاء هيئة التدريس بما يسمى بتغيير المسار . 
صلاحيات هذا المنتدى:
لاتستطيع الرد على المواضيع في هذا المنتدى