دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionنصيحه جزاكم الله خير Emptyنصيحه جزاكم الله خير

more_horiz
السلام عليكم خوتي
لو سمحتم انا مسافر ان شاء الله اوتاوا الشهر هذا نبي نصيحه شن نرفع معاي من ملابس وشن هيا الملابس في الصيف او اشياء اخري مش متوفره غادي ونبي اسم فندق ننزل فيه لين نحصل سكن
وبارك الله فيكم خوتي

descriptionنصيحه جزاكم الله خير Emptyرد: نصيحه جزاكم الله خير

more_horiz
وعليكم السلام ورحمة الله
اخي بالنسبة للأسئلة الأولى ليس لدي اجابة ولكن يمكنني افادتك من ناحية الحجز في الفنادق هذا موقع لأرخص عروض الفنادق في العالم كل ماعليك هو ان تكتب اسم المدينة التي ستنزل فيها ويعطيك قائمة بارخص عروض الفنادق فيها ويمكنك الحجز اون لاين اذا كنت تعرف موعد وصولك بالضبط
http://www.hotwire.com/hotel/
وفقك الله

_______________________________

(وَمَن يَتّقِ اللّهَ يَجْعَل لّهُ مَخْرَجاً *
وَيَرْزُقْهُ مِنْ حَيْثُ لاَ يَحْتَسِبُ وَمَن يَتَوَكّلْ عَلَى اللّهِ
فَهُوَ حَسْبُهُ إِنّ اللّهَ بَالِغُ أَمْرِهِ قَدْ جَعَلَ اللّهُ لِكُلّ شَيْءٍ
قَدْراً)

descriptionنصيحه جزاكم الله خير Emptyرد: نصيحه جزاكم الله خير

more_horiz
مشكور اخي بارك الله فيك

descriptionنصيحه جزاكم الله خير Emptyرد: نصيحه جزاكم الله خير

more_horiz
السلام عليكم: اولا ان شاء الله توصل بالسلامة اخونا anes o azzabi ثانيا بالنسبة للحاجات اللي ترفعها معاك اول حاجة صلايتك ومصحفك، وطبعا اكيد طنجرة الكسكاس وبالنسبة للكسكسي متوفر هناك ولكن صناعة كندية كما ممكن ترفع القهوة والقليل من التوابل ما يكفي المدة الاولى لحين ان تعرف اماكن بيعها واذا كنت من محبي الزميطة زالبسيسة ممكن ترفع معاك ما اتمشي بيه الايام الاولى، الملابس طبعا الشال والطاقية من الاشياء المهمة لأنهم لحد توا ماشاء الله المطر والبرد في الليل كذلك البالطوا ضد المطر بالنسبة للكنادر فمن الاحسن انك متكترش وتشري من غادي افضل بس طبعا ممكن السبيدروا العملي تمشي بيه من هني، ولو ماشيين معاك العيلة مثلا لا تنسوا ملابس المحجبات الصيفية والاوشحة، كذلك نقطة مهمة جدا ان صديقتي توا ليها شهرين غادي وقالتلي ان اجهزة النقال اللي ماشي حالها غادي الايفون والافضل انك تشريه من غادي ارخص ولما سألتها على السامسونج قالتلي ممكن ولكن يبيله شحن 80$ كل شهر!! ارفع معاك الاب توب وراك تنسي الاسئلة السرية للايميل ورتب كل اوراقك من توا وحط نسخ من كل مستنداتك في الفلاش وارفع صور شخصية، ولازم ترفع معاك كاش اتمشي بيه لين تنزلك المنحة راهوا تتأخر ومن غير فلوس ما يعرفك حد، ومن المهم انك تراسل المكتب وتبلغهم بموعد سفرك وتتأكد ان اسمك وصلهم. نصيحة ماتكثرش من الملابس راهو غادي ايديروا في تنزيلات دايما ممكن تشري بعدين، اتمنى لك رحلة ميسرة وان شاء الله تكون غيرت على الدرجة الاولى لأنها اريح ويعطوك وزن اكثر.

descriptionنصيحه جزاكم الله خير Emptyرد: نصيحه جزاكم الله خير

more_horiz
جزاك الله خير اختي
بصراحه انا ماشي بروحي والتطيب بالهون ان شاء الله خير وخلاص
معليش اختي تقصدي تلفوناتنا ميمشوش غادي. ?
لان انا عندي اي فون كان هذا خلي نخليه لخوي وخلاص ويعوض عليا ربي كيف شاريه

descriptionنصيحه جزاكم الله خير Emptyرد: نصيحه جزاكم الله خير

more_horiz
وبالنسبه للسكن مخليها علي الله وان شاء الله ربي يسخرلي حد يساعدني
وبالله معليش بالنسبه للصيف ناخد معاي سواري وتشيرتات ولا صيفهم زي الشتاء عندنا ?
وبارك الاه فيك

descriptionنصيحه جزاكم الله خير Emptyرد: نصيحه جزاكم الله خير

more_horiz
صلايتك و مصحفك ،، ذكرتيه و ذكرتينا بأفضل شيء ، بارك الله فيك، و ربي يحفظ الجميع في الغربة.

descriptionنصيحه جزاكم الله خير Emptyرد: نصيحه جزاكم الله خير

more_horiz
السلام عليكم: اخي لو تليفونك اي فون 100% ماشي حاله بإذن الله، وبالنسبة للسكن ممكن في الاول تنزل في شقة فندقية في حدود 80$ لليلة وفي هالمدة ادير جهدك وتدور على شقة مناسبة لك ومدامك ابروحك ان شاء الله مافيش مشكلة قصدي انك اخف من اللي رافع العيلة معاه.
اللبس: صيفهم معقول اني نعرف دكتور قالي اني كنت نطلع بالبدلة عادي بس عندهم المطر في الصيف خاصة شهر 7 والبرد في الليل طبعا هما مراكزهم كلها بالتدفئة المركزية يعني ادير حسابك لو بتطلع حط فوق لبسك العادي جاكة او بالطوا ضد المطر، ولين ما ايجي الشتاء ننصحك اشري من غادي لأن عندهم البواط والبالطوات اللي تمشي مع جوهم وطبعا الشال والطاقية اللي نازلة على الاذن وربي ايسهلك امورك

descriptionنصيحه جزاكم الله خير Emptyرد: نصيحه جزاكم الله خير

more_horiz
السﻻم عليكم..ننصحك خوي ماتجيبش معتك من ليبيا غير الماكلة الليبية كي البسيسة والزميطة والقديد هدي هي الحاجة الوحبجة اللي ماتلقاهاش هني بعد امك وبوك وخوتك...راهو كل شئ متوفر واحسن من في ليبيا..هدي نصيحتي وماتكترش حوايج غير متاع لبستك في الطريق بعد توصل اتحصل خير من اللي غادي وجودة وتخفيصات هني اسبوعيا تقريبا

descriptionنصيحه جزاكم الله خير Emptyرد: نصيحه جزاكم الله خير

more_horiz
الله يبارك فيك زمرده وان شاء الله في مسزان حسناتك
بصراحه استفدت من كلامكم
مشكورين جدااا

descriptionنصيحه جزاكم الله خير Emptyرد: نصيحه جزاكم الله خير

more_horiz
السلام عليكم: توصل بالسلامة خونا وان شاء الله ربي يفتحها قدامك وايسرلك كل الخير في طريقك
صلاحيات هذا المنتدى:
لاتستطيع الرد على المواضيع في هذا المنتدى