دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionرحلة العذاب من طرابلس الى كندا Emptyرحلة العذاب من طرابلس الى كندا

more_horiz
السلام عليكم:
طبعا رحلتي كانت يوم 30/3/2014 على البريطانية , لكن نظرا لظروف الامنية في المطار تم الغاءها , وقبل الرحلة بيوم كلمتنا البريطانية على اساس بيطلعونا من طرابلس على المالطية.

كانت الرحلة يوم 30/3/2014 الساعة 6:30 بتوقيت طرابلس : طبعا المفروض نتعاملوا معاملة درجة الاعمال على البريطانية من حيث الوزن , فالاول الموظف ارفض لكن بعد ما كلم مدير المحطة علي اساس احني تم نحويلنا من البريطانية وافق . طبعا الموظفة في البريطانية قالت ان الحقائب حينزلوا في مطار قاتوك في لندن لكن مدير المحطة رفض و قال تلقوا شناطيكم في مالطا.

ركبنا الطائرة و قعمزنا فيما يسمى درجة الاعمال ساعة و وصلنا لمالطا , طبعا اول ما خشيت للمطار في مكتب ( انسيت اسمه) في موظفة و ريتلها التذكرة فصدرتلي كارت الصعود لقاتوك _ لندن علي البريطانية و قتلها اني عندي شناطي قتلي امشي خوذيهم , قتلها كيف تبيني نمر من الجوازات و اني ما عنديش الشنقن او الفيزا المالطية , قتلي تو نسالك , مشت و جت قتلي ما تقدريش تخشي , قتلى اعطني الوصلات متع الشناطي و تو ندورهم و نشحونهملك و انت امشي للبوابة و تو نجيك و نجيبلك الوصلات الجديدة ( شكلها موظفة في البريطانية , لان بعدين شوفتها في البوابة تنظم في الرحلة.)

قعدنا في البوابة نستنوا , الترانزيت كان ساعتين , لكن الرحلة تاخرت 45 دقيقة !!!!
ركبنا لطائرة و جلسنا فيما يسمى درجة الاعمال و كانت الرحلة 3 ساعات وصلنا لقاتوك , لندن 12 ليلا , ختمونا الجوزات و اخذنا الشنط و مشينا للمكتب المعلومات نزلنا واحد و معاه فاوتشر الفندق و سالنا غلى تذاكر الباص قال ادفعوهم بروحكم مشيتا للفندق و تاني يوم الصبح فطرنا و مشينا شرينا تذاكر الباص للندن هيترو كانت الرحلة ساغة و نص .

وصلنا للمطار ديرتا التشك ان وقعمزنا في درجة الاعمال (الصالة) و بعدين مشينا للبوابة و ركبنا الطائرة و المرة هذه كانت فعلا درجة رجال الاعمال . كانت الرحلة 7 ساعات و صلنا لتورزنتو الساعة 5 مساءً , الصراحة كانت الامور بسيطة في المطار اخذينا شناطينا و المفروض كانت عندنا رحلة داخلية , لكن من التعب ماقدرتش لقيت قدامي الشيراتون خشينا فيه و خلاص


وكل تشحوير وانتم بالف خير.

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
الله ييسر لكم اموركم ...و الحمد لله على السلامه المهم وصلتو طيبين و ان شاء الله عاقبة امرك خيرا

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
خيانة اختي جوي انها لخيانة تمشي وماتقوليش ^_^

حتي برسالة ^_^

ياودي كان غير قلتيلي راه قلتك ردي بالك علي تشحوير المالطية لانهم يحطو في جاتويك وانتي بتطلعي من هيترو قصة عذاب الحق ومابعدك ...ممكن اللي مايبيش او اقل تشحوير يسكن جنب هيترو من الاول ع الاقل ينوض الصبح يمشي طول للمطار ....والمالطية مافيش كيف تريحي في مالطا الا لو عندك المحلية المالطية او الشنقن ..لا لا والله مابعدك ياوخيتي الحق

بس نقولك حاجة حمد الله علي سلامممممتك ونورتي اوتاوا ^_^ واكيد بالاضافة الي نور عربها ^_^

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
@سراب الحقيقة كتب:
خيانة اختي جوي انها لخيانة تمشي وماتقوليش ^_^

حتي برسالة ^_^

ياودي كان غير قلتيلي راه قلتك ردي بالك علي تشحوير المالطية لانهم يحطو في جاتويك وانتي بتطلعي من هيترو قصة عذاب الحق ومابعدك ...ممكن اللي مايبيش او اقل تشحوير يسكن جنب هيترو من الاول ع الاقل ينوض الصبح يمشي طول للمطار ....والمالطية مافيش كيف تريحي في مالطا الا  لو عندك المحلية المالطية او الشنقن ..لا لا والله مابعدك ياوخيتي الحق

بس نقولك حاجة حمد الله علي سلامممممتك ونورتي اوتاوا ^_^ واكيد بالاضافة الي نور عربها ^_^


اهلين سراب حاولت نتصل بك كدة مرة تلفونك يعطي خارج الخدمة؟؟
بالنسبة المالطية هذا كان خيار البريطانية , و قالولي كان تبي هيترو طول امشي للافريقية علي حسابك ..

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
الحمد لله على سلامتكم وربي يسهلكم الطريق في الدراسة والمعيشة في كندا

تحياتي

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
حمدا لله علي سلامتكم وربي يوفقكم وياريت تحكولنا بعد وصولكم لكندا الخطوات التالية ؟ وهل كان ظنكم بكندا في محله والا صدمة من الواقع؟

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
الحمد لله علي سلامتكم وربي يوفقكم في دراستكم

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
[quote="Mustafa atia"]حمدا لله علي سلامتكم وربي يوفقكم وياريت تحكولنا بعد وصولكم لكندا الخطوات التالية ؟ وهل كان ظنكم بكندا في محله والا صدمة من الواقع؟
[/quتحote]

الصراحة زوج صديقتي هو اللي دارنا كل شي من ايجار شقة و فتح حساب

اني اول ما وصلت تعباتة و قاعدة ما تاقلمتش مزبوط

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
االحمد لله علي السلامه وان شاء الله بالتوفيق

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
الحمد لله علي السلامه لحظات ومرات وان شاء الله الخير لقدام

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
جوي قداش ايجار شقتك ؟؟مفروشة وللا فرشتوها بارواحكم ؟

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionرحلة العذاب من طرابلس الى كندا Emptyرد: رحلة العذاب من طرابلس الى كندا

more_horiz
والله انها لرحلة عذاب.......ربي يسهل للجميع
صلاحيات هذا المنتدى:
لاتستطيع الرد على المواضيع في هذا المنتدى