دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionكندا تستاهل هذا كله ؟؟؟ Emptyكندا تستاهل هذا كله ؟؟؟

more_horiz
السلام عليكم 
بالله أمانة ،،، الأخوة اللي سبقونا إلى كندا هل تستاهل كندا إن الواحد يقطع المسافات هذي كلها ، و إلا الواحد ياخذها من قصيرها و يخليه قريّب ،،، بريطانيا ، ألمانيا ، فرنسا ،، و غيرها من الدول القريبة و التي تعتبر راقية في تعليمها، بمعنى آخر ما هــــي عوامل الجــذب في كنـــــدا التي تميزها عن غيرها . تكرما أريد معلومة مـــن أهـل التجربـة ،،، و مشكورين .

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
خوي مهاجر ..نبي نعطي رأيي بس اخر سطر ممكن يمنعني لاني ببساطة مازلت ماكنتش من اهل التجربة ياعني معلوماتي حتكون منم المسموع


في اعتقادي وجهة بلد الدراسة حتكون علي الموفد في المرتبةو الاولي وين يبي ... واي عراقيل حتكون في القريب والبعيد ..تخصصك وين ..وين انت مرتاح نفسيا قبل كل شيء ومائل لاي جهة ...في اللي موفدين لتونس واستغنو علي امريكا وبريطانيا ...والله تلاقيت معاهم في البعتات شادين في تونس بايديهم ورجليهم ويشوفولها يقولو انها ينيويورك ...قصدي كل حد وميوله وطموحاته وتأقلمه وتحديه للوسط المحيط مش معني انه الطريق الاسهل ياعني مش تحدي لا لا لا

بس من غير المفيد حتي البيئة المحيطة حتأثر متلا في اللي يفكر القدام وعنده عيلة وصغار ماشاء الله في اللي ينظر لمستقبلهم كيف حيكون بعد مش اقل من 4 سنين غربة في بلد وشن استفاد منها بالمعني شن حصل منها غير شهادته اللي هيا تحصيل حاصل حيحصلها لانه موفد ليها....ياعني تعليمهم تقافتهم في اللي مايبيش الاختلاص ومتخوف شوي من ساحات بسبب عائلته للمستقبل في اللي شايف مستقبلهم في التعليم والمغامرة ... والله ياوخيي ماعرفت شن نقولك ... بس نقولك قليل النادر ماتلقي واحد مرتاح والقلة القليلة اللي تلقاه سعيد وراضي .. لانه كل واحد وحياته وشخصيته واسلوب حياته وتخصصه وضروفه الشخصية وتعامله مع الناس وطبعه .. فكندا ممكن تكون الافضل عند سين وممكن تكون الاوحش عند ص ... علي سبيل المتال انا واعود بالله من كلمة انا عندي بلد فرنسا جحيم الدنيا لو صح التعبير من اللي عانيته غادي من كل شيء تعليم وناس وطبيعة وحياة وهدا مايعنيش انه مش كويسة بالعكس في اللي يعتبرها جنة ومافيش لا قبلها ولا بعدها ونفس الشيء لكندا

ياريت تكون وصلتلك شن في بالي يا وخيي وربي يوفقك وينورلك دربك ويسخرلك الخير فيما تحبه وترضاه في دنيتك يارب العالمين

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
مشكورة يا أخت سراب على رأيك ، و كلامك متفقين عليه،، الراحة النفسية و الميول الشخصي و الغاية من اختيار الساحة، هذي كلها عوامل تؤثر في الاختيار، في مني يفكر في التوفير ، و آخر في سمعة الدولة ، و غيره في قرب المسافة ، و في من عنده عائلة ، و اللي يفكر في الاستقرار، و كذلك في مني يدوّر على جامعة ـ مسّ و روّح ـ إن جاز لي التعبير،،،، و مسألة التأقلم مع المجتمع اللي ماشيله هذي كل واحد ونفسيته و أسلوبه في التعامل مع الآخرين، و ما فيش مجتمع يخلو من المشاكل و لكن بنسب تتفاوت ،،، و أني اللي قصدته من سؤالي هو ما هي الآشياء الموجودة في كندا و في جامعات كندا اللي تخليني نفضلها على غيرها ،،،، مشكورة جداً جداً على اهتمامك و ربي يوفقك .

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
باهي خلي ناش في شيء نعرفه متلا


نخلو الخيارات تتقلص في الساحات من ناحية التعليم والميزات والاستفادة

متلا كندا -بريطانيا امريكا وبين الساحات الاخري بالميزة الاقوي ع الاقل لانهم متحدثو اللغة الانجليزية كلغة سائدة وعالمية بالمرتبة الاولي وتعلمها واتقانها مكسب بالدرجة الاولي باعتبارهم دول ناطقة الانجليزية (لغة الأم) في كل شيء تعليم وطبيعة حياة... ع الاقل من وجهة نظري متلا لما ولدي يتنقن الانجليزية بطلاقة احسنلي من يتعلم الماليزية حتي ولو تخصصي موجود في ماليزيا ..شفتلها من زاوية تانية .. وكلامك عين الحكمة والعقل وصحيح100% علي اللي اشرتلهم متلا كندا وامريكا وحتي بريطانيا حنستفيد من لغة وحتي مستوي حياة ونظام وتكوين شخصيات .. غير اني لو سكنت في بلاد غالية ولنفرض فرنسا نوعا ما غالية الحق .. ايطاليا ؟؟؟ المانيا لو تخصصي في الطب اول بلاد نحددلها وجهتي

كندا المتعارف عليها من اللي قرو راه فيها ونعرفهم شخصيا دعمهم للطالب ياعني نفسيا مافيش او قلما يكونو في ضغوطات وإن وجدت ..حتكون من الجانب ليبي ودولتنا الموقرة ^_^... المنحة ممكن يكون فيها متاعب صح بس علميا تقدر توصل وين ماتبي واحسن من تشجيع اللي معاك وظروف ملائمة وعمل غير الفرص اللي ممكن تحصلها في بلاد تانية او ساحة اخري ...

في كلام هلبة بنقوله بس نقول الموضوع بيكبر هلبة وياريت علي كلمتك حد من اللي غادي يفهمنا واهو يزيد ينورنا بميزات عايشينها علي ارض الواقع ^_^

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
علي قولتك ،، بالك تجينا معلومة من خوتنا اللي في كندا آهو زيادة تشجيع و تحفيز ،، القرار خذيناه وتمّ ، و ربي يسهل إن شاء الله .

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
كندا تو حلاص بعد مشكلة تامكتب الكندى تقعد متبهدل انت والعائلة وكندا تعقيد اكتر واكتر من اى مكان فى العالم وقصة القبول الاكاديمى قصة قصة لوكان عندك عائلة كبيرة نصيح منى كندا فوته من الان وكندا ليست جنة الله على الارض الكل يحلم بكندا والله ماتستهل هد التعب وطبعا فى مدينة فانكوفر هي مدينة جميلة ولكن مكلفة جدا بالنسبة لنا طالب أيضا جامعاتهم من الصعب الحصول على قبول في بعض الجامعات وسهلة ولكن في مكان مملة و كندا غالية لو عندك اسرة والقرا ليك فى الاخير

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
كندا تو حلاص بعد مشكلة تامكتب الكندى تقعد متبهدل انت والعائلة وكندا تعقيد اكتر واكتر من اى مكان فى العالم وقصة القبول الاكاديمى قصة قصة لوكان عندك عائلة كبيرة نصيح منى كندا فوته من الان وكندا ليست جنة الله على الارض الكل يحلم بكندا والله ماتستهل هد التعب وطبعا فى مدينة فانكوفر هي مدينة جميلة ولكن مكلفة جدا بالنسبة لنا طالب أيضا جامعاتهم من الصعب الحصول على قبول في بعض الجامعات وسهلة ولكن في مكان مملة و كندا غالية لو عندك اسرة والقرا ليك فى الاخير

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
almohager كتب:
السلام عليكم 
بالله أمانة ،،، الأخوة اللي سبقونا إلى كندا هل تستاهل كندا إن الواحد يقطع المسافات هذي كلها ، و إلا الواحد ياخذها من قصيرها و يخليه قريّب ،،، بريطانيا ، ألمانيا ، فرنسا ،، و غيرها من الدول القريبة و التي تعتبر راقية في تعليمها، بمعنى آخر ما هــــي عوامل الجــذب في كنـــــدا التي تميزها عن غيرها . تكرما أريد معلومة مـــن أهـل التجربـة ،،، و مشكورين .


تسال علي عوامل الجذب !!!!!!!!!!!!!!!!!!!!!!!!!
بالنسبه للمتزوجين وعندهم اطفال لما تسالهم ليش اخترتو كندا يقولولك عشان الصغار يتعلمو "الغالبيه هكي " حتى اللي يكمل سنه اللغه يمدد ويسكر ملفه  ويقعد علي حسابه لين صغاره يكملو المدرسة
النوع ال2 اللي ماعندهمش صغار ,, بس يبو اصغارهم يجو في كندا ويحصلو الاقامه والكثييييييييييييييييير منهم هكي بالدليل يجي هوا ومرته حامل قبل لا يكمل الاجراءات وشفت حالات واجد هكي ,, علي فكره شركة التامين دايره مشكله علي الموفدات اللي يجو لكندا وبعد شهر او 2 تدخل للمستشفى في حالة وضع,, في مدة  محدده للحمل يتحطها شركة التامين للنساء الحوامل قبل دخول لكندا (( يعني الحمل يكون عنده عمر محدد مش اخر شهر )))
3- ان كثير من الشباب يفكر في الهجره والحصول علي الاقامه  باعتبار كندا اسهل نسبيا من غيرها ,,, لكن بعد تغير قانون الهجره من شهرين فاتن اصبح صعب شوي خاصه للناس اللي ما اشتغلوش في كندا وكملو دراستهم
4- كندا معروفه باحترام جميع الاديان والثقافات و العنصريه تكاد لا تذكر .
اخيرا والاهم الدراسه في كندا ممتازه جدا وشهادات الجامعات الكنديه مرحب بيها في كل  الشركات ودول العالم بالعموم
 

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
كندا بالنسبه للترفيه لا يوجد ترفيه فقط المولات لا غير واذا جا الصيف تقدر تطلع للبارك كله اخضر وتتشمس فيه اما المعيشه الصراحه المنحه مغطيه ولكن بدون اى توفير يعنى لو تأخرت الطلبه كلهم يكونو على اعصابهم وبعض منهم يبعثو من اهلهم فى ليبيا ولكن تمشى الاحوال المشكله الاصعب فى كندا القبول الاكاديمى ليس من السهل الحصول عليه ولكن هناك استثناء للطلبه المحظوظين بعض منهم يقبل وبكل سهوله وبدون اى تعب المشكله فى التقديم الطلبه الليبين لدينا سنه للغه ولهم الحق فى تمديد 3 اشهر خلال هذه الفتره تود الدراسه وترتيب امورك والحصول على قبول فى نفس الوقت وهذا الصراحه مجهد لان لا يوجد وقت للبقاء امام الكمبيوتر ومراسله الدكاترة والاهتمام بموضوع القبول وخصوصا ان الجامعات بطيئه فى الرد يعنى عندهم موعد نهائى للتقديم مثلا لتقدم على شهر 9 اخر موعد للتقديم 5 وايضا احيانا بعد شهرين يبعثولك ايميل طلبين ورقه الصراحه خدماتهم روتينيه وبطيئه جدا جدا فيجد الطالب نفسه ضايع ومش ملحق على شئ ولكن اذا حصلت على قبول وكملت دراستك فان الشهاده من كندا مميزة من دون دول العالم والله موفق الجميع

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
اهو اني شبيب و شند عنك ... بلاد صقع فصل شتي كامل ما تقدر اتدير حاجة و ديمة محبوس لين ايجيك ادممل و احباط تي شن ديمة قراية هيا شاب و يبي ايفرعهد و يغير جو ..... بلاد الصحة فيها ايزيدوك مرض و شحورة معاهم اني نبي نشوف دكتور اعصاب اقرب موعد بعد شهر و نص.... فيه ناس تعيط نبي نهاجر يسحاب روحه بيشد مدير... تقوله شن عندك ايقولي شهادة الماجستير يسحابو الشرركات هنا تراجي في حد عنده شهادة مامجستير ... اغلب المهندسين ايجي من ليبيا ما يعرف يخدم بيده شي و غير النظري في راسه مافيش و ما ايوكلش عيش هنا في كندا.... و كان عالخدمة في المطاعم والله بلادي ارجلي جنب لعويلة ولا نغسل صواني للكنديين مانبيهاش الققعدة

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
انا اعتقد ان اراء الطلبة الدارسين في كل من (بريطانيا - امريكا - المانيا - فنلندا ) وغيرها ، لن تكون مختلفة كثيرا . لذا انا انصحك اخ مهاجر الا تتاثر كثيرا ، والله ولى التوفبق.

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
بالاضافة اللي قالوه الشباب كندا من غير الشهادة المحترمة مافيهاش حاجة تشجع عليها

_______________________________

لا إله إلا أنت سبحانك إني كنت من الظالمين

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
ياريت الاخوة ذوي الخبرة يعطونا اكتر معلومات لان هدا الموضوع حتى اني محيرنـــــــــــــــــــــــــي

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
اختصار لكندا في ثلاث نقاط:
1- من اغلى دول العالم.
2- الضريبة عالية جدا.
3- ابرد منطقة في العالم.

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
بارك الله فيكم جميعا على المرور و إبداء الرأي ،،، مشكورين جدا .

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
عجبتني رد انه شهادة محترمة وتعليم راقي ..وهدا بدوره يشجع اكثر . ياعني ايخوي مهاجر ممكن علي قولتهم مش بلاد توفير وحتي اللي يبي يوفر يقدر ..الجيب يتحكم فيه صاحبه مش الظروف حتي ولو البيئة المحيطة غالية ..اهم شيء يكون مضمون ومطمن من ناحيته السكن من وجهة نظري الباقي حني مكرونة تشبعنا تلاته ايام ^_^...

مشكلتنا اقرب من انها تكون اوجه مقارنة ..كيف ... انا الاولي لما نطلع برة ليبيا اول شيء نقعد نقارن في شيشة المية كم غادي وهني ..ننسي انه حني بلاد رخيصة اقل واحد عنده زوز سيارات في قراجاه تعليمنا بلاش حياشنا بلاش مية ضي بنسبة 1% اللي يخلصو .. هدا كله بنمسح في سبيل اني نحصل اللي مش لاقينه فيها وهو التعليم الصح ..حتي لو محفوف بصعوبات ومشاكل ونفسية تتعب في البداية ..تعقيبا علي خوي latwish لاباس عليك من دكتور الاعصاب وربي يكون في عونك ..بس مش كندا بس هكي ... اغلب الساحات فيها مشاكل وهم مايلتم ... بس التحدي انك تشوف هدا كله شيء طبيعي والتصرف والتدبر عند الموفد بيكون اقصي مدي ليه عشان ماياتر عليه شي ..احسب كل شيء ان شاء الله بالورقة والبيرو .. ابداها متلا من تاخر المنحة او لا سمح الله من انقطاعها ...نقولك شيء لو ماديا مستقر اي ساحة واي مكان حيكون لاي موفد جنة ومافيشي ولا عيوب ..واي حد صادفاته مشكلة حيصورلك هالمكان هدا اسوء مايكون ..مش شرط ضروفي زي ضروفك ..شخصيتي زي شخصيتك ممكن انت تتحمل وتشوف فيه عادي ممكن انا علي اول عثرة تكسرني ونلم حوايجي ونروح ..

تبقي اي ساحة مهما كانت عوائقها ومشاكلها ....الاهم اللي فيها تعليمها

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
مشكورة جدا يا سراب الحقيقة و ربي يوفقك . 

descriptionكندا تستاهل هذا كله ؟؟؟ Emptyرد: كندا تستاهل هذا كله ؟؟؟

more_horiz
كلام جميل وواقعي من اختي سراب
صلاحيات هذا المنتدى:
لاتستطيع الرد على المواضيع في هذا المنتدى