دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionنداء الي الطلبة الليبين في ترونتو Emptyنداء الي الطلبة الليبين في ترونتو

more_horiz
السلام عليكم اخوتي ان شاء الله ولو الامور مشت كويس حنكون الاسبوع القادم في ترونتو ..ثم سوف اتجه الي اتاوا اليوم التالي ..آمل منكم المساعده

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
عليك السلام واي خدمه في تورنتو اتفضل

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
شكرا اخي طارق الله يرحم ولديك

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
اخي اي خدمة في اوتاوا ان شاءالله نساعدوك صح ماعندناش سيارة بس اي خدمة نقدروا عليها حاضر

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
اختي نانو قاعدة في اوتاوا ؟؟؟بالله عليك كم من الوقت يستغرق الموفد يقعد باش يكمل اجراءات لامكتب الكندي كلها؟؟؟ لانه اوتاوا مش الوجهة الرئيسية ياعني المشية ليها فقط لفتح الملف وتفعيله ^_^

خوي دحنوس ربي يسهلك امورك وويوصلك سالم غانم مع عويلتك يارب العالمين

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
المكتب الكندي مش ضروري تمشيلهم صديقتي وصلت من اسبوع كملت اجراءاتها بالايميل وبالنسبة للوقت اسرع مما تتخيل يعني تعبيلهم النماذج وتبعثهم بالايميل ويبعتولك بعد يومين او اربعة بالكثير رسالة تبين قيمة المنحة باش تسحبها وتستخدمها في فتح الحساب وايجار الشقة ويبعتلوك بعد اسبوع او اقل رسالة توضح اجراءات التامين الصحي وربي يوفق الجميع

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
يلا يا سراب ... توكلي على الله .... نستنى فيك أمتى تمشي وشن بتكتبيلنا بعد ما توصلي .... دعواتي ليك بالتوفيق ولكل أعضاء الموفد اللي مشوا واللي ناويين يمشوا

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
شكرا اختي nano اكيد نحتاج مسعدتكم تو اني اجرت شقه 1900 لمدة شهر ..وبعدين نبي نبحث عن سكن ...وبالله عليكم نبي نسال على الجو في اتاوا هل قعد صقع لان عندي طفل ومش عارف شني البسه....ختي سراب والله الحق نتمنولك اني والعيله كل خير وان شاء الله توصلي بالسلامه حتي انتي

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
شكر اخي طارق ..اني دزتلك على الخاص

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
الحمد لله علي السلامة اخ DHNOS موفق وربي يسهلك وييسرلك ......

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
اخي dhnos وين الشقة اللي اجرتها ووين بتقرا لانها بصراحة غالية انا اجرت ب 1600 دارين وصالة ومؤتثة ..بالنسبة للملابس توا الجو احسن لكن تقدر تقول زي شتاء ليبيا تقريبا وربي يسهلك

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
1900!!!!!!!!!!!!!!!!!!!!!!! هللللللللللللللللللللللبة يا وخيي تربح

توة حاليا شفت اكتر من موقع وفي من فيه غادي كلمهم اخر واحدة كانت 1500 جديدة ومؤثثة بالكامل في تورنتو وراء معهد ILSC بالضبط وفي تانيات شفتهم 1600 زي ماقالت اختي نانو ....انا غير حتي 1500 يجلطني الرقم هدا ^_^ ونشوف فيه غالي هلبة الله يستر

اختي نانو مافيش اقل باعتبارك في اوتاوا ماعتقدش عندك معلومات علي تورنتو؟
خوي دحنوس الوليد ربي يحفظه ان شاء الله ماتكدسلاش هلبة حوايج لين يسخن وتريحو في حوايجه بعدين لانه قالو غادي مش صقع الهلبة حاليا حتي للكبار مش كبابيط وصوف هكي قالو .. ماتنساش تطعيماته الوليد واهم حاجة العفريتات الدخلانية يشدو الصقع هلبة يا وخيي وربي يحفظه

اختي احلام .انا والله ماني عارفة في شنو مازال نراجي ...قلتك مازال مش متسخرة من ربي Sad

خلي نديرو سبلة الحوش نبو حويش صغير ورخيص ^_^ ...بعد ما وخيي دحنوس يستقر في تورنتو ويعرف دغاريقها يعلمنا وجزاه الله الف الف الف خير ^_^

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
مش قالك الى مش فيدك التكيدك...الى عندي الكل حطيته ...كرهت الانتظار ....
قلت هو شهر وبعدين يستر الله ..اني كنت نتوعق 1200 والا حاجه لكن فنهايه تلقى وين اتروح خير من فندق في الايام لوله...نتوقعها الشقه ميه ميه لان الى حزلي صديق قديم

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
السلام عليكم
ألف مليون تريليون الحمد لله علي السلامة للي وصلوا لكندا وربي يسهلنا والباقين اللي بيسافروا.
عندي استفسار من الاخت nano عن أسعار أجار شقة من غرفتين وصالة بدون أثاث لو عندكم فكرة عن الأسعار

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
السلام عليكم فيه شقه في الكبلينج قريبه منالصوب وي للموفد ليبي وموثثه يريد ان ياجرها لان هو مروح نهاءي لليبيا والحق شقه نظيفه في عماره جديده قريب مني ونفس الشركه التي اسكن فيها هو عقده ينتهي في شهر 10 او 9 تقريبا ويقدر اي احد يسكن فيها حتي ينتهي العقد تم ايغير لو التقي مع من يريدها يساعده في الاثاث وهي سعر الايجار1700$ شامله الماء والكهرباء وللعلم حي جميل ومن يريد ان يتوصل معاه كلمني وسوف اعطيكم رقم تليفونه وللعلم ان فاعل خير فقط وان تكون من حظ احد الموفدين وهي غرفتين وصاله وشكرا

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
بالنسبة للشقق من غرفتين لو من غير اثاث وعقد لمدة سنة مابين 1200 و1300هكي لقيت ارخص شي طبعا ديما في اغلى لكن نصيحة فتشوا ع شقق قريبة من مكان الدراسة لام الواحد دافع دافع علاش يدفع في مكان بعيد وفي موقع ممتاز هو kijiji.ca ل

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
اخي dhnosللاسف عندي مشكلة في الخاص مانقدرش نرد المهم حاضر ولا يهمك اول ما توصل وتسكن اعطينا تلفون شقتك وتواصل مع زوجي وحاضر نساعدوك في البحث عن شقة واي خدمة تفضل ان شاء الله نساعدوك ول عندك توا فايبر ابعتلي الرقم عالخاص وتو زوجي يتواصل معاك زمني انا اي خدمة نقدر عليها حاضر

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
شكرا ليك اختي انت وزوجك وربي يحفظكم ان شاء الله ...

descriptionنداء الي الطلبة الليبين في ترونتو Emptyرد: نداء الي الطلبة الليبين في ترونتو

more_horiz
السلام عليكم
بالنسبة للمقيمين في كندا يعني ليه فترة .استفسار عالتامين للسيارة بنشري سيارة والصراحة راسلت أكثر من شركة تأمين وطلب مبلغ خيالي أقل مبلغ تحصلت عليه 360 دولار كندي علما بأن الإقامة في تورنتو
صلاحيات هذا المنتدى:
لاتستطيع الرد على المواضيع في هذا المنتدى