تعليق التأشيرة بعد استلام إميل الموافقة

السلام عليكم
بعد التحية الطيبة لجميع
أنا إستلمت إميل الموافقة وسحبته وارفعتههو والجواز للبرج قالولى برا الى المكتب حي الاندلس وسلمت الجواز من يوم 20\4\2014 وادفعت مئة دينار وقالولى ثلاثة ايام ونتصلو بيك الى اليوم مهناك شيئ
كانه فيه حد عند اى معلومة ايفيدنى ارجو المساعدة

وعليكم السلام
اول شي مافيش دفع في تعليق التأشيرة
الله اعلم
بس ننصحك تمشيلهم في المكتب تراجي بنفسك

مرحبا ايه الاجراء بدى فى مكتب التاشيرات حى الاندلس والسفارة معادش تلصق الا فى حالات نادرة
المهم بما انه الخميس عطلة حيتصلو بيك بادن الله السبت فى حالة انك سلمتى فى التاريخ المدكور....
انا سلمت الباسبور متعى يوم 20-4 واتصلو بيا يوم 29-4 على حسب البريد وهما شبه يوميا يجيبو فى بريدمن السفارة وفى تونس تاخد تلات ايام باش يردو عليهم بالاوكى

مش عارف بس راجعتهم الثلاثاء السابق وخرج الشرطى قالى كانه ما اتصلوش بيك توا اكلموك بس مقالش حتى حاجة كأنك مسلم الجواز ليك يومين بس

مهناش اى اتصال يايدرورغ مش ايش الحل

وعليكم السلام ورحمة الله اختي رغدة راهو حتي انا عطلت اسبوعين واتصلو بي امس واستلمتها والحمدلله لكن حطوني فالشمس برا ساعه نين صارلي ضربة شمس وسعفوني بعد استملت الجواز حسبي الله ونعم الوكيل في معاملتهم التعبانه

السلام عليكم
مبارك عليك التأشيرة وربى إيوفق ويسهلك الحال