دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionالأسبوع الأول في تورنتو  Emptyالأسبوع الأول في تورنتو

more_horiz
كيف تتم الإجراءات من ناحية التعامل مع المكتب الكندي و فتح الحساب و السكن و التامين الصحي ؟

descriptionالأسبوع الأول في تورنتو  Emptyرد: الأسبوع الأول في تورنتو

more_horiz
بالله مافيش اي شخص يعرف الإجراءات ؟؟؟؟؟؟؟
مافيش حد سافر قبل لكندا ؟؟؟؟؟؟؟؟؟

descriptionالأسبوع الأول في تورنتو  Emptyرد: الأسبوع الأول في تورنتو

more_horiz
راسلني على الخاص وراح اعطيك رقم اخ هناك في ترونتو كندا راح يسوي لك كل الامور ان شاء الله

descriptionالأسبوع الأول في تورنتو  Emptyرد: الأسبوع الأول في تورنتو

more_horiz
Farfor كتب:
كيف تتم الإجراءات من ناحية التعامل مع المكتب الكندي و  فتح الحساب و السكن و التامين الصحي ؟


السلام عليكم ,,
اولا تبعت للمكتب الكندي صوره من ختم الدخول لكندا و بعدين يبعتولك النماذج تعبيهن ومن ضمن النماذج ,, نموذج خاص بشركة التامين الصحي و بعدين يبعتولك البطقات في الاول يعطوك نموذج لدكتور الاسنان وطبيب العائله تقدر تمشي بيهن للمستشفى لعند توصلك بطاقة التامين
بخصوص فتح الحساب تاخذ جواز سفرك واي بطاقه تكون فيها صورتك لو عندك بس حتى الجواز يكفي وعندك اكثر من بنك تقدر تفتح فيه حساب كل البنوك جيده ,,, بعدين ترسل شيك ملغي للمكتب يكون فيه رقمtransit and account
اما السكن تقدر تاجر عن طريق المدرسة عندهم سكن عائلي او تبحث في النت والغالبيه تاجر من موقع kijiji
شوف الرابط هدا ممكن يساعدك
https://www.almofad.com/t19663-topic

descriptionالأسبوع الأول في تورنتو  Emptyرد: الأسبوع الأول في تورنتو

more_horiz
شكرا علي المعلومات ياخوي وربي يوفقك ان شاء الله
الله يرحم والديك

descriptionالأسبوع الأول في تورنتو  Emptyرد: الأسبوع الأول في تورنتو

more_horiz
mohamed tayse كتب:
راسلني على الخاص وراح اعطيك رقم اخ هناك في ترونتو كندا راح يسوي لك كل الامور ان شاء الله


بالله معليشي حت يفي هدي مش مخلي شي في حالة ؟؟؟؟

قصدي امور ساهلة هدي مكل طالب يديرها بروحه مش مستاهلة حد يديرها عليه بالفلوس

يبعت ختم الدخول بكنا ليه ولافراد عيلته وتصريح الدخول ليه ولافراد العيلة وشيك ملغي لما يمشي يفتح حساب وين يطلبو عليه باسبورته ورسالة قبول المعغهد اللي يقرا فيه ياخدها من المعهد يفتح حساب ويوجع فيه ع الاقل 50 جولار يعطوه في نفس الوقت ديبت فيزا يستخدمها في الدفع لكن مش في الحجز وبعد اسبوع توصله فيزا كرد وياخد منهم شيك ملغي يقولوه void cheque ياهده من المصرف ويديرله سكان ويبعتهم مع بعضهم لجمانة ولا لعبد الله

قصدي الحاجات هدو لو كل واخد متبع فتح ملفه والايميلات اللي يبعتو فيهم المكتب الكندي ليه فيهم تقريبا كل مرة يعادولك في نفس الكتيبة ونفس الطلبات لين شبه ينحفظو حفظ مش مستاهله حد يديرهم بالنيابة علي اي طالب لا بالفلوس لا حتي بالبلاش ..
اهم شي العنوان لما تعبي الايبليكشن اللي يبعتوهملك المكتب الكندي موقع في ايميل تكتب عنوان دائم اللي لستقريت فيه وكان مازل قاعد في الفندق مايعترفوش بيهم الفنادق والحاجات المؤقتة لانهم يحبعتولك عليهم بطاقات التامين بعدين فلو ما استقريتش مازال تقدر تكتب عنوان المدرسة اللي تقرا فيها نفسها كحل وعنوان مؤقت بس لحين ما تمشي لعنوان دائم وتبعته للمكتب الكندي

تفعيل الملف من 3 ايام الي عشرة ايام منحة اللاب توب بعد 10 من تغفعيل الملف والمنحة تنزل بعد شهر كان مافيش اي عراقيل

السكن الله غالب بتشوف هوتيل رخيض وخلاص قريب ع المعهد الايام الاولي ولو تبي تتفق مع المعهد يوشفولك سكن خير وخير يا اما يشوفولك عائلة يا ما سكن بروحك مفي الحرمك الجامعي وهدا كله متلا العائلة تبيلك اسبوعين باش يحصلولك مكان ... ياعني تدير في حسابك الشهر الاول كله عليك والشهر التاني برضو حطة علي الاحتياط

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالأسبوع الأول في تورنتو  Emptyرد: الأسبوع الأول في تورنتو

more_horiz
الله يرحم والديك اختنا سراب لكن بعد ماوصلتي كندا الاملاء متعك تلخبطت

descriptionالأسبوع الأول في تورنتو  Emptyرد: الأسبوع الأول في تورنتو

more_horiz
والسلام عليكم
والله الاخوه والاخوات كفوا ووفوا مخلوش حاجه نتكلموا عليها واي خدمه تورنتو اتفضل

descriptionالأسبوع الأول في تورنتو  Emptyرد: الأسبوع الأول في تورنتو

more_horiz
simao dando كتب:
الله يرحم والديك اختنا سراب لكن بعد ماوصلتي كندا الاملاء متعك تلخبطت


هههههههههههههههه لا لا لا هيا من اول مشاركة ليا الاملاء مش معاي بكل ..خلي نقولك لاش ..نطبع بسرعة والحروف في التلفون لازم نغير باش ناخد الحروف ومادابيا نطبعها بسرعة باش نرسلها ^_^
قبل دايره في التوقيع اسفة علي الاملاء بعدين نحيتها وكل مشاركة نكتب نسبة الاخطاء الملائية 70 % ^_^ باهي شن بندير يا وخيي لكن مرات صح ماهو العربية تكسرت ^_^

يوصلك سالم غانم ..نجاوبو علي الي نعرفوه ...والحاجة اللي تعصب الحق انه الملف يعطلو بيه باش يتفعل والطالب يفعد علي اعصابه انا يفوتو عليا اللايام تقول سنين والاوراق قاعدين يمغطو فيهم عندهم #_# .. ان شاء الله خير وموفقين للجميع ^^

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالأسبوع الأول في تورنتو  Emptyرد: الأسبوع الأول في تورنتو

more_horiz
نسأل الله العظيم رب العرش العظيم اختنا سراب وجميع الاخوة والاخوات الموفدون ان ربي يسر لهم الامور وتتسهل معاهم الاجراءات والمعاملات (((المهم الي جاي يكون أفضل)))
صلاحيات هذا المنتدى:
لاتستطيع الرد على المواضيع في هذا المنتدى