دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionكندا هل هي الخيار المناسب؟؟  Emptyكندا هل هي الخيار المناسب؟؟

more_horiz
السلام عليكم

بالله عليكم قولولي كيف اندير؟؟ بريطانيا قعدت عندي حاجة ساهلة نعرف عنها هلبه حاجات و لو نبي أي شي أو عندي سؤال أو استفسار نلقى من يجاوبني. لكن بالنسبة لكندا ما لقيتش و علي قد ما أني متخوفة منها علي قد ما أني نبيها. بس ما نقدرش ناخد قراري قبل ما نعرف عنها كل شي و قبل ما نفهم كيفية إجراءاتها و شن هو المطلوب مني و كيف نعرف الجامعات و المعاهد الكويسة و كيف نقدر نحصل علي قبول من غادي؟؟؟؟؟؟؟؟؟؟؟؟؟؟ و غيره و غيره و غيره. فأرجووووووووووووووووووووووووكم ساعدوني. و الله راني نجري و ندور هني و هني بروحي Sad ما عندي حد كان ربي

descriptionكندا هل هي الخيار المناسب؟؟  Emptyرد: كندا هل هي الخيار المناسب؟؟

more_horiz
السلام عليكم اختي توكلي علي الله واقري البرامج المثبتة في اعلا المنتدى الكندي وان شاء الله تلقي كيف تراسلي المكتب الكندي وتلقي كيف تحصلي قبول لغه وبعدين التاشيرة ان شاء الله ما تخفيش ان شاء الله في غيري واجد يوفرو قبول لغه بالنسبة كان تبي مكتب يساعدك ويستلم عنك القبول عندك مكتب الغزال في حي الأندلس ممتاز جدا 0913209999 هضا رقمهم 0916619343

descriptionكندا هل هي الخيار المناسب؟؟  Emptyرد: كندا هل هي الخيار المناسب؟؟

more_horiz
أختي و الله قريت و قاعدة نقرا .. بس أني عندي مليون سؤال في سؤال في دماغي نبيلهم إجابة . و بالنسبة للقبول هدا مازال شوي لأني مازال ما قررتش. لأني لو قررت علي كندا ضروري بنمشي نغير الساحة من بريطانيا لكندا و نبدا بعدها في إجراءاتي. و المكتب الكندي هدا شن قصته؟؟؟ و ليش هلبه يذموا فيه؟؟ و نقدر نتواصل معاهم أو لا؟

descriptionكندا هل هي الخيار المناسب؟؟  Emptyرد: كندا هل هي الخيار المناسب؟؟

more_horiz
اختي والله العظيم انا الكلام الي مكتوب علي المكتب الكندي ما شفت منا حاجه صح في عرقلة صارت مع الدبلوم العالي كله من مده ااما غيرها جميع مرسلاتي ردو عليهم خلال 9 ايام بالكثير والحق ما عطلوش بكل في جزء كبير من اعضاء المنتدي يبالغو فالحديث عليه والمكتب الكندي مسؤول عن فتح ملف طالب لك واصدار ورقة دعم التاشيرة من المكتب وصرف المنح يعني مكتب خدمي

descriptionكندا هل هي الخيار المناسب؟؟  Emptyرد: كندا هل هي الخيار المناسب؟؟

more_horiz
باهي تمام. باهي ممكن أختي نكلمك عالخاص؟ أني جديدة عالمنتدى و الحق يدوخ فيا. فيا ريت لو عندك أكاونت عالفيس نقدر نتواصل معاك عليه؟؟ لو ما عندك مانع؟
صلاحيات هذا المنتدى:
لاتستطيع الرد على المواضيع في هذا المنتدى