قرار أيفاد معيدي وأعضاء هيئة تدريس المعاهد العليا والكليات التقنية أي معلومة أخوتي

اهم شى انه يكون فعلا توقع هدي المعلومه اللى لا حد الان لم تتأكد بعد و اما التعميم و التنفيد هدا تحصيل حاصل اهم شى توقيع او صدور القرار بس  ارجو من الاخوه اللى عنده تأكيد او معلومه مؤكده على الموضوع يفيدنا بيها الله يرحم والديكم و بالتوفيق للجميع

شكرا اخي عادل على الايفادة وشكرا اخي الككلي عالمشاركة وانا سمعت اليوم بأن الفرار صدر و واقف عالتعميم في المدة القادمة وأن شاء الله الخبر صحيح لان اللي قال لي المعلومة أكدلي الكلام وان شاء الله ربي يسخر الامور دعواتكم اخوتي

ان شاء الله خير و بالتوفيق للجميع

مش باين فيها لا تعميم ولا قرار

اليوم تأكدت من المعهد بأن القرار توقع ومنتضرين التعميم فقط وان كل الاسماء الي تم بعتها تم ترشيحها فمبروك للكل

نبي نعرف منين الفلوس اللي الدولة تبي توفد بيهم هي يالله تخلص اللي تم ايفادهم ، هو تصدير النفط في الحضيض والايرادات لا تكفي حتى المرتبات والدعم وقاعدين يصرفوا من الاحتياط لين نوصلوا كلنا للإفلاس وبعدين يرتاحوا أصحاب المطالب الشرعية
يا ريت الناس تبعد على النفط والكهرباء والغاز

الأشلم هو اللي انفلق شاربه (شفته) كيف بينفخ النار ما يقدرش

ان شاء الله خــــــــــــــــــــــير

ننتظر وان شاء الله خير

مافيش اي حد عند معلومة عالقرار

أخر معلومة تفيد بأن القرار جاهز وتم توقيعه وهو موجود بالوزارة ولن يتم تعميمه إلا بعد تحويل الميزانية الخاصة بوزارة التعليم العالي / المعلومة من شخص يعمل مع وكيل وزارة التعليم ونسأل الله خير

ان شاء الله خير

شكرا عالافادة اخي mohammed_almograbi77

السلام عليكم
ان شا الله ربي يوفق الجميع

موفقين ان شاء الله " من لخير رمضوهاااااااااااااااااااا خلاصصصصصصصصص مااا عاششش فيه صبر لعبو بأعصااابنا هلبه هلبه هلبه

السلام عليكم

منو اللي يشملهم القرار هذا ؟

رغم اني نعتبر حصلت ايفاد بطريقة غير مباشرة وبديت نقرأ لأني مرافق

لكن ضايقتني هلبة اللقطة اللي صارت لما طلعو قرار ايفاد اوائل الدفعات القديمة للمعاهد العليا ، وعلي الرغم من اني ناجح الاول علي المعهد العالي للمهن الألكترونية - طرابلس دفعة ال 2002 لكن لم يشملني القرار لأن خدو من 2005 وبرة غادي

مفيش منطق بكل اللقطة اللي صارت لأن حتي من ناحية العمر وقتها قاعدين مصكرناش حتي 30 سنة باش يقولو ان شرط العمر لم يتحقق

المهم ربي يعاون ان شاء الله واللي يحصل فرصة ميضيعهاش رغم انه بجديات مفيش عدل وحاجة مفيهاش عدل يستر الله عليها.

شباب آخر معلومة لقرار إيفاد المعاهد الآتي:
مش صار في ضرب من بعض الأشخاص بسبب توقيع إيفاد طلبة معاهد .
وفي جهة عارضت في الدولة وقالوا نبوا حتى نحن قرار وهدوا ع إدارة البعثات وصارت مشكلة وفي رماية ع ادارة البعثات الله اعلم .
صار اجتماع وقرروا ان قرار طلبة المعاهد مش راح يتوقف وبيعمموه بعد العيد بعون الله وزادوا الجهة اللي عارضت بس مش منحة كاملة الدولة بتخلص عليهم دراسة بس والمنحة يدبروا روسهم فيها .
مبروك لكل طلبة المعاهد خاصة لأنهم عانوا وانتظروا هلبا هلبا.

منقول .... أكرم المزوغي

مع احترامى الشديد و الله الا صلاته و خلوها خل زى ما يقولو دسكة بعد العيد خشت على الخط توه اى حاجه بعد العيد و راجى يا على بعشاك نسئل الله ان يهدينى و يهدي كل الناس سامحونى يا شباب موفقين ان شاء الله

خلوها بتسخير الله العلي القدير وتنحل ان شاء الله اخوتي ولكم كل التوفيق والتحية

السلام عليكم ورحمة الله وبركاته
مافيش اي حد عندا معلومة على متى يتم تعميم القرار

@alazepe كتب:

السلام عليكم ورحمة الله وبركاته
مافيش اي حد عندا معلومة على متى يتم تعميم القرار

غر خلى نتأكدو منه فعلاً توقع القرار قبل و بعدين التعميم امتى ما يتعمم مش مشكله المشكله انه الى حد الان ما فيهش واحد يقولك اكيد اكيد اكيد توقع لأنه الاخبار كلها مش اكيد و ان شاء الله يكون خير و بالتوفيق للجميع

والله هرمنا ونحن نستانوا في القرار ... يعني صار منه والا لالالا ... اعطونا الزبده .... مش اللي ايقول عندي صاحبي قالي ... شكرا