دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionاوريد نصيحه من اي واحد في هاليفاكس  Emptyاوريد نصيحه من اي واحد في هاليفاكس

more_horiz
السلام عليكم
نبي نصيحه منكم يا موفدين يلي في هاليفاكس اناكيف حصلت التذكره والحمدالله ومسافر لي هاليفاكس واول مره نركب الطائره ((نبي اسم فندق قريب علي مطار هاليفاكس ويكون سعره معقول انا عزابي وجاي بروحي )) وكان عندكم اي نصيحه ماتبخلوش عليا لاني ناخد بالنصيحة مجرب الرجاء التفاعل ومساعدتي كيف نتصرف داخل المطار وشن قصة الورقه يلي بنعبيها في الطائره ولا المطار ؟؟؟؟؟؟؟؟؟؟؟؟؟؟ ياريت تشرحولي وحدا وحدا ولكم الاجر ياااااااااااااااارب
مع العلم اني اخترت معهد اللغه (ايست كوست )) وشن تنصحوني من ناحية السكن نقعد في فندق او ناجر شقه وكان حد عارف يساعدني في الحصول علي استوديو صغير انا في انتضار ردودكم ((( وشن تنصحوني كم نرفع معاي دولار ...........؟؟؟ وهل دولار عادي وغادي نصرف دولار كندي ولا كيف ))
وشكرااا

descriptionاوريد نصيحه من اي واحد في هاليفاكس  Emptyرد: اوريد نصيحه من اي واحد في هاليفاكس

more_horiz
الله يحفظك و توصل بالسلامة ،، لست من أهل التجربة و لكن عسى الله أن يمُنَّ عليك بمعلومات تفيدك،، فأهل الخير كثيرون و الحمد لله .

عدل سابقا من قبل almohager في الأحد 18 مايو 2014, 11:29 pm عدل 1 مرات

descriptionاوريد نصيحه من اي واحد في هاليفاكس  Emptyرد: اوريد نصيحه من اي واحد في هاليفاكس

more_horiz
وعليكم السلام ورحمة الله تعالي وبركاتة
اخي العزيز اني قاعد توا في هاليفاكس ونقرا في لغة في الايست كوست في فندق تقريبا الارخص في هاليفاكس ومش جنب المطار لكن انت مش بحاجة ان تسكن بجنب المطار اسم الفندق 4 Melrose Avenue, Halifax (NS), Canada B3N 2E2 اعطي العنوان هذا للسواق وهو يوصلك لعند الباب. وبعدين خش علي موقع Kijiji وشوف الاسعار حتي من ليبيا.

descriptionاوريد نصيحه من اي واحد في هاليفاكس  Emptyرد: اوريد نصيحه من اي واحد في هاليفاكس

more_horiz
السلام عليكم.اول شئ مبروك ع التذاكر.ثانيا الحجز في فندق شوف موقع www.booking.comفي فنادق بأسعار مختلفه وبالنسبه للسكن في موقع kijiji حدد المدينه ومواصفات الشقه اللي تبيإا اما أوراق اللي في الطياره معنديش فكره لكن يقولوا انك ارم متغلطش في شئ وأسأل المضيفه في الطياره ان شاء الله تساعدك .وان شاء الله الليبيين غادي يساعدوك .الأخ طارق في الموفد. يتواجد في هالفكس اتمنى انه يساعدك لانه عنده معلومات قيمه

descriptionاوريد نصيحه من اي واحد في هاليفاكس  Emptyرد: اوريد نصيحه من اي واحد في هاليفاكس

more_horiz
الاح منير فكرون اعطاك رقم فندق رخيص احنى انقولو عليه الصينى وعلى العموم بعد ماتوصل يمكنك انك اتدور على شير او هومستى في الكيجيجى وان شا الله نقدر نساعدوك

descriptionاوريد نصيحه من اي واحد في هاليفاكس  Emptyرد: اوريد نصيحه من اي واحد في هاليفاكس

more_horiz
جزاكم الله الف خير اخي المهاجر واخي منير فكرون واخي مهيمن واخي طارق علي جوابكم الشافي ونسال الله ان يسهل عليكم مشوار دراستكم ويوفقكم بادنه تعالي ...........

descriptionاوريد نصيحه من اي واحد في هاليفاكس  Emptyرد: اوريد نصيحه من اي واحد في هاليفاكس

more_horiz
بارك الله في الجميع .وخصوصا الأخ طارق الذي لا يتأخر ع المساعدة

descriptionاوريد نصيحه من اي واحد في هاليفاكس  Emptyرد: اوريد نصيحه من اي واحد في هاليفاكس

more_horiz
معلومات عن المعيشة في هاليفاكس "باللغة العربية"

https://www.dropbox.com/s/r1rxnojkl57pv8d/%D9%85%D8%AF%D9%8A%D9%86%D8%A9%20%D9%87%D8%A7%D9%84%D9%8A%D9%81%D8%A7%D9%83%D8%B3.docx

كتيب إرشادي للقادمين الجدد إلي هاليفاكس "باللغة العربية"
https://www.dropbox.com/s/6lbqowea9t1f4t1/Newcomers_Arabic_Web.pdf

descriptionاوريد نصيحه من اي واحد في هاليفاكس  Emptyرد: اوريد نصيحه من اي واحد في هاليفاكس

more_horiz
السلام عليكم اخوي طارق انا موفد واخترت كندا وعندي رسالة دعم مالي لغرض القبول ونبي قبول لغة من هاليفاكس
انا مسجل جديد بالمنتدى ولا استطيع استخدام الرسائل
وموفق اخوي صاحب الموضوع
صلاحيات هذا المنتدى:
لاتستطيع الرد على المواضيع في هذا المنتدى