دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

ان شاء الله اتحدد موعد السفر

descriptionان شاء الله اتحدد موعد السفر Emptyان شاء الله اتحدد موعد السفر

more_horiz
السلام عليكم
اخواني الطلبة اعضاء منتدى الموفد، الحمد لله تحدد سفري يوم الخميس القادم 29-5 الى ساسكاتون بإذن الله
خط السير:
على الخطوط الانجليزية طرابلس/لندن تطلع مع 3، ترانزيت ليلة في الهيثروا (طبعا لو غيرت على البزنس الفندق حيكون على حساب الشركة+مسموح لك بـ 3 شنط وزن كل وحدة 30كجم (لا انصح بزيادة الوزن يعني حتى شنطتين كويس)) والفرق بالنسبة ليا كان جدا رخيص يعني مابين 150 للـ 250 انت وحظك،تاني يوم 30-5 لندن/تورنتو، في هالنقطة بتستلم شناطيك وبيعاودوا الوزن مرة اخرى لذلك متكترش من الاول لأن الى هذه النقطة ينتهي دلع البزنس، الرحلة الداخلية سياحية، في الاول حجزولنا ع الامريكية لكن الصراحة خفنا من اجراءاتهم وخصوصا نحن الليبيين مخوفينهم ان شاء الله اتحدد موعد السفر 44597 ! لهذا لحقنا وغيرنا على الكندية وان شاء الله ايكون اختيار افضل، تورنتو/ساسكاتون تقريبا 3ساعات ونص  يعني نوصلوا نحنا ونص اليل وطبعا كله بإذن الله.
دعواتكم لينا وان شاء الله كل موفد يجري على اوراقيه تتسهل قدامه، راهو العراقيل لازم منها
وشكرا لها المنتدى الرائع اللي استفدنا منه جميعا، ومن غير ما اتوصوا كل ما نحصل نت حنكتب شن ايصير خاصة اجراءات المطار[/color]

عدل سابقا من قبل Rana-$-Ca في الجمعة 23 مايو 2014, 5:35 am عدل 1 مرات

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
مبروووووووووك اختي
فرحتلك كثيرا واتمنى لك حظ طيب ورحلة موفقة بإذن الله تعالى

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
Rana-$-Ca كتب:
السلام عليكم
اخواني الطلبة اعضاء منتدى الموفد، الحمد لله تحدد سفري يوم الخميس القادم 29-5 الى ساسكاتون بإذن الله
خط السير:
على الخطوط الانجليزية طرابلس/لندن تطلع مع 3 وتوصل ان شاء الله مع الـ 5 ومعاها، ترانزيت ليلة في الهيثروا (طبعا لو غيرت على البزنس الفندق حيكون على حساب الشركة+مسموح لك بـ 3 شنط وزن كل وحدة 30كجم (لا انصح بزيادة الوزن يعني حتى شنطتين كويس)) والفرق بالنسبة ليا كان جدا رخيص يعني مابين 150 للـ 250 انت وحظك،تاني يوم 30-5 لندن/تورنتو  7ساعات و40 دقيقة، في هالنقطة بتستلم شناطيك وبيعاودوا الوزن مرة اخرى لذلك متكترش من الاول لأن الى هذه النقطة ينتهي دلع البزنس، الرحلة الداخلية سياحية، في الاول حجزولنا ع الامريكية لكن الصراحة خفنا من اجراءاتهم وخصوصا نحن الليبيين مخوفينهم ان شاء الله اتحدد موعد السفر 44597 ! لهذا لحقنا وغيرنا على الكندية وان شاء الله ايكون اختيار افضل، تورنتو/ساسكاتون تقريبا 3ساعات ونص  يعني نوصلوا نحنا ونص اليل وطبعا كله بإذن الله.
دعواتكم لينا وان شاء الله كل موفد يجري على اوراقيه تتسهل قدامه، راهو العراقيل لازم منها
وشكرا لها المنتدى الرائع اللي استفدنا منه جميعا، ومن غير ما اتوصوا كل ما نحصل نت حنكتب شن ايصير خاصة اجراءات المطار[/color]


مبارك عليك .. في امان وحفظ الله .. وأن شاء توصل بالسلامة .. و بالتوفيق في الدراسة

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
يا رب توصلي بالسلامة ،، وربي يحفظك و يوفقك ..

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
توصلي بالسلامة و بالتوفيق إن شاء الله

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
طريق السلامة و ربي يجبر بالخاطر إن شاء الله

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
ايوصلك الله طيب ان شاء الله

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
اتمنى لكم رحلة مريحة وممتعة اختي رنا وان شاء الله توصلوا بصحة وسلامة

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
دعاء السفر.
الله أكبر الله أكبر الله أكبر(سبحان الذي سخر لنا هذا وما كنا له مقرنين. وإنا إلى ربنا لمنقلبون ) اللهم إنا نسألك في سفرنا هذا البر والتقوى ، ومن العمل ما ترضى ، اللهم هون علينا سفرنا هذا واطو عنا بعده ،اللهم انت الصاحب في السفر، والخليفة في الأهل ،اللهم إني أعوذ بك من وعثاء السفر ،وكآبة المنظر وسوء المنقلب في المال والأهل. موفقة وفي أمان الله

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
كويس بكل توصلو برعاية الله وحفظه ان شاء الله
خط الرحلة الاجليزية مريح هلبة الحق بس من طرابلس لي لندن تعب شوية لانها ايرباص 320 وحتي لو غيرتو عل يالبزنس الحق مافيهاش اختلاف هلبة لانه هكي ولا هكي 3 ساعات وتوصلو لهيترو ياعني مش هداك الخدمات القوية من غير الماكلة علي اساس الزايدة بس الاريحية في من لندن لتورنتو ...هني علي قولتك وخيتي رنا الدلع بام عينه ^_^ .. لانه الرحلة طويلة فالطيارة كبيرة بوينغ جمبو 747 لو علي البزنس حتشوفو بجد ابزنس في كل شي الكراسي اللي يبدو سرير والماكلة والاهتمام بالاخص لو عائلة ...
لما تنزلي في لندن الفنادق اطلبي هلتون حلو الحق ويسد الوقت تتجهوري في لندن ^_^ لانه اخر باص فيه الساعة 11 ^_^

وتوصلو بالسلامة

ععلي فكرة الجو متعدل ياعني شبه بيبدا الصيف والوزن عادي حتي لو بتزيدو للرحلات اللي نهايتهم تورنتو ومافيش عندهم داخلية لانه الوزن معاش يوزنوه تاني من لما بوردينغ يشنحو طول الشناطي لمطار الوصول النهائي اهم شي الشنطة اللي تقعد معاك تقعد فيها اللي بيتستخحقوه في لندن والستوب الاول والتاني باش ماتقولوش خي الشناطي مشو وحوايجنا فيهم

وربي يوصلكم سالمين غانمين

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
السلام عليكم:اشكركم جميعا وان شاء الله ايسدد خطانا وايسهل المشوار لكل طالب علم
اخت lalasalim ان شاء الله تتسهل امورك قريبا، واول ما تنحل مشكلتك فرحينا امعاك.
اخت سراب الحقيقة مشاركاتك السابقة بخصوص تجهيزات السفر كفيتي ووفيتي فيها شكرا لك وان شاء الله في ميزان حسناتك، بخصوص الفندق الحجز لما نوصل لندن وانا وحظي كان في مكان فاضي بأحد الفنادق القريبة.
بخصوص الرحلة الداخلية من تورنتو لـ ساسكاتون ياريت لو حد يعرف تقريبا كم تكلفة الزيادة في وزن الشناطي حتى الواحد ايدير احتياطاته. بالله عندي استفسار هل مصرف ليبيا المركزي يعطي عملة $$ للطلبة الموفدين والا لا لأن الصراحة الصرافة مستغليين الوضع وسعر شري الدولار اضرب في العااالي.
دعواتي لكم جميعا بالتوفيق وان شاء الله تتسهل قدامكم

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
تسكتي ساكتة يا وخيتي معليشي لما صرفت كان 1 ب 1 واربعين..انصدمت قريب يلحق علي اليورو..فشوفي كان في حد معرفة في التجارة ولا الامان يطلعو عادي..المهم ردي بالك المطار مستغليييييييين

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
ربي يسهلك كل خير يا رنا ويفتحها قدامك ...... والعقبة ليك يا سراب وللجميع ربي يسهل الأمور .
بالله نبي نعرف الفترة الزمنية بين تسليم ملف التفويض والموافقة عليه .....

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
اختي احلام ^_^ وصلنا بحمد الله ^_^... لكن رايحين مازال ^_^ ... الفترة الحق تقريبا انا حطيته في نص واحد وبداية اربعة طلعت رسالة ادن الصرف ونهاية اربعة طلعو التداكر

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
السلام عليكم: اخت سراب الحمد لله على وصولكم سالميين، بالنسبة ليا اني سلمت الملف يوم 11-2 واستلمت البرقية بعد 3 شهور والتذاكر بعدها بحوالي اسبوعين ولكن كل خطأ ايصير يزيد من المدة. تمنياتي للجميع بالتوفيق وكله بإذن الله.

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
سفر ميمون أخت RANAوإن شـاء الله توصلوا بالسلامة وادعوا لنا ربي يسرلنا أمورنا ونلتحقوا بالدراسة.
ملأ الله قلبك حمدا
وكتب لك في العباد ودا
وأمدك من فضله في الرزق مدا
ولا يسلط عليك من اهل السوء أحد

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
Rana-$-Ca كتب:
السلام عليكم
اخواني الطلبة اعضاء منتدى الموفد، الحمد لله تحدد سفري يوم الخميس القادم 29-5 الى ساسكاتون بإذن الله
خط السير:
على الخطوط الانجليزية طرابلس/لندن تطلع مع 3، ترانزيت ليلة في الهيثروا (طبعا لو غيرت على البزنس الفندق حيكون على حساب الشركة+مسموح لك بـ 3 شنط وزن كل وحدة 30كجم (لا انصح بزيادة الوزن يعني حتى شنطتين كويس)) والفرق بالنسبة ليا كان جدا رخيص يعني مابين 150 للـ 250 انت وحظك،تاني يوم 30-5 لندن/تورنتو، في هالنقطة بتستلم شناطيك وبيعاودوا الوزن مرة اخرى لذلك متكترش من الاول لأن الى هذه النقطة ينتهي دلع البزنس، الرحلة الداخلية سياحية، في الاول حجزولنا ع الامريكية لكن الصراحة خفنا من اجراءاتهم وخصوصا نحن الليبيين مخوفينهم ان شاء الله اتحدد موعد السفر 44597 ! لهذا لحقنا وغيرنا على الكندية وان شاء الله ايكون اختيار افضل، تورنتو/ساسكاتون تقريبا 3ساعات ونص  يعني نوصلوا نحنا ونص اليل وطبعا كله بإذن الله.
دعواتكم لينا وان شاء الله كل موفد يجري على اوراقيه تتسهل قدامه، راهو العراقيل لازم منها
وشكرا لها المنتدى الرائع اللي استفدنا منه جميعا، ومن غير ما اتوصوا كل ما نحصل نت حنكتب شن ايصير خاصة اجراءات المطار[/color]



" فِي حِفْظِ اللَّهِ وَفِي كَنَفِهِ ، زَوَّدَكَ اللَّهُ التَّقْوَى ، وَغَفَرَ ذَنْبَكَ ، وَوَجَّهَكَ فِي الْخَيْرِ حَيْثُ مَا كُنْتَ "

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
السلام عليكم: بارك الله فيكم اخواني وسدد الله خطاكم

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
مشكورة اختي رنا على مشاعرك الطيبة وربي يسمع منك وتتسهل امورنا يارب

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
السلام عليكم
ان شاء الله بكرة سنسافر الى لندن على الخطوط االافريقية س8:30ص ؛ طبعا على حسابنا لان تذاكر البعثات مازال غير جاهزة والحمد لله على كل حال
اريد ان اشكر كل من ساعدني ونصحني وشاركني في رحلة الاجراءات واخص بالذكر الاخ ابو محمد وارجو ان تسامحوني ....
والى لقاء حتى حين ...استودعكم الله الذي لا تضيع ودائعه

* ربنا عليك توكلنا واليك انبنا واليك المصير *

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
موفقة ويوصلكم الله سالمين غانمين ..

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
Rana-$-Ca كتب:
السلام عليكم
اخواني الطلبة اعضاء منتدى الموفد، الحمد لله تحدد سفري يوم الخميس القادم 29-5 الى ساسكاتون بإذن الله
خط السير:
على الخطوط الانجليزية طرابلس/لندن تطلع مع 3، ترانزيت ليلة في الهيثروا (طبعا لو غيرت على البزنس الفندق حيكون على حساب الشركة+مسموح لك بـ 3 شنط وزن كل وحدة 30كجم (لا انصح بزيادة الوزن يعني حتى شنطتين كويس)) والفرق بالنسبة ليا كان جدا رخيص يعني مابين 150 للـ 250 انت وحظك،تاني يوم 30-5 لندن/تورنتو، في هالنقطة بتستلم شناطيك وبيعاودوا الوزن مرة اخرى لذلك متكترش من الاول لأن الى هذه النقطة ينتهي دلع البزنس، الرحلة الداخلية سياحية، في الاول حجزولنا ع الامريكية لكن الصراحة خفنا من اجراءاتهم وخصوصا نحن الليبيين مخوفينهم ان شاء الله اتحدد موعد السفر 44597 ! لهذا لحقنا وغيرنا على الكندية وان شاء الله ايكون اختيار افضل، تورنتو/ساسكاتون تقريبا 3ساعات ونص  يعني نوصلوا نحنا ونص اليل وطبعا كله بإذن الله.
دعواتكم لينا وان شاء الله كل موفد يجري على اوراقيه تتسهل قدامه، راهو العراقيل لازم منها
وشكرا لها المنتدى الرائع اللي استفدنا منه جميعا، ومن غير ما اتوصوا كل ما نحصل نت حنكتب شن ايصير خاصة اجراءات المطار[/color]


نسأل الله ان يهون عليك السفر وتتيسر الامور وبالتوفيق والنجاح في الي مازال جاي

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
السلام عليكم:الحمد لله وصلت لساسكاتون بعد رحلة طويلة المهم الجزء اﻻول من الرحلة اخ اسامة كفى في شرحه ورحلتي من طرابلس للندن كانت عادية مش سيئة وﻻ ممتازة بس من لندن لتورنتو كانت ممتازة والخدمة على البزنس حاجة تانية دلع واﻻكل كان جيد ممكن وجبة وحدة بس كانت لحم ما بيتش ناكلها لكن من العصائر والسناك والحلويات لين ما تقولي خلاااااااص معاش نبي طبعا انزلنا ترانزيت في هيثروا لندن وحجزولنا في الهيلتون حلو جدا مع عشا وفطور الحجز يندار قبل ما تمر على الايميجريشن تلقى كونترات الترانسفير دسك هما اللي يحجزولك الفندق ويعطوك تذاكر للباص من المطار للفندق والعكس في الوجبات طبعا ردوا بالكم ﻻنهم عاااااشقين للحوم الخنازير اكرمكم الله فلازم تنتبهوا تلقوا مكتوب كفتة( بورك او هام او بوكانوا ) المهم وصلنا تورنتو تاني يوم بعد 6 ساعات و40 دقيقة تقريبا بتوقيت تورنتو كانت الساعة 5 ومعاها مساءا كملنا اجراءات الشناطي كنت خايفة من الوزن لكن هما اخدوهم مني بدون ما يوزنوهم استغربت وحتى لما كانوا ايفتشوا عند المرور نافتشونيش قريب امشيت وقولتلها راهوا مافتشتينيش صارتلي مرتين في بوابة لندن و تورنتوا قلت بالك على خاطر محجبة لكن هما حاطين وحدة للنساء باش اتفتشهم والمشكلة ان اللي قبلي بهدلتهم نحتلهم الكندرة والسبتة الحمد لله حظي حلو اه حاجة مهمة بنقول عليها طبعا اي ريحة او زيت اكثر من 150مل بينحوها منك فانت حط هالحاجات في الشناطي الكبيرة ولو بتحط معجون اسنان او بودرة او اي لوشن صغير او شامبو ﻻزم من ا ول تريح راسك وحطهم في كيس بلاستك اللي يتصكر من فوق علاش لانهم بيمرروا الشناطي على السير واي سواااائل بيلقوها بيوقفولك شناطيك اني صارلي هكي كنت حاطة هلبة حاجات امخلطة في كيس بلاستك امصكر وقبل ما انسافر جبت زيت للشعر باراشوت في المطار اخدوه مني اوﻻ لانه اكثر من 150 مل وتانيا كان بدون تغليف بلاستك فللي عنده رحلة داخلية ممكن هالاجراءات اتعطله فمن اﻻول يعمل احسابه احنا ﻻن كان عندنا وقت ما عدلناش رحلتنا الداخلية على الكندية لساسكاتون كانت ترانزيت بعد تقريبا 4 ساعات ونص المهم في هالرحلة كل الدلع اللي شوفناه ع الانجليزية نسوهولنا اوﻻ الطيارة كانت صغيرة ممكن تحمل 100راكب فقط تانيا كراسيها ضيقة ثالثا رحلة مدتها 4 ساعات ماعطوناش اﻻ عصير فعلا اتعبنا هلبا وصلنا اخيرااااا ساسكاتون مع الساعة 12 ليلا وانزلنا مطارهم كان صغير المهم وقفنا نستنوا في الشناطي اهي ايجوا فاتوا الشناطي كلهم والناس روحت واحنى شناطينا ماجوش على طول بحدى الشناطي كان فيه رسبشن خاص بالشناطي لو ماوصلوش زي حاﻻتنا المهم هما ناس متعاونين جدا اخدوا منا رقم الشناطي واوصافهم من شكل ولون المهم واعطيناه عنوان الفندق والحمد لله تاني يوم جابوهملنا لقدام الفندق
على فكرة كل اﻻجراءات درناها بروحنا يعني مكانش عندنا مين يسأل او يستنانا واﻻمور امشت تمام الحمد لله يعني مش صعبة اهم شيء دايما اسأل قبل ما تتوجه ﻻي نقطة في المطار وهما متعاونين جدا وكان في اي شيء انسيته توا نتفكره ونكتبه اه اني لما وصلت مقدرتش نشحن تليفوني مع انه ثلاتي لكن هما فيشتهم ثلاتية صغيرة مش الكبيرة امس الحمد لله امشيت الول مارت ولقيت الراس اللي تركب عليه لكن راهو مش متوفرة اني دورت لين تعبت في اﻻخير حصلت وحدة تركب عليها اخديتها ب 30 دوﻻر واكيد مازال كل ما انمر بموقف بنكتبهولكم باش تعم اﻻفاد الواحد يتعلم من اخطاء الغير
وشكرا لكل من دعا لي دعوة خير وربي يفتحها قدامكم
اه اخت lalasalim الحمد لله على السلااامة والله فرحتلك
واخت سراب موضوعك والله جميييييل
في حفظ الله

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
Rana-$-Ca كتب:
السلام عليكم:الحمد لله وصلت لساسكاتون بعد رحلة طويلة 

الحمد لله على سلامة وصولك ، و في حفظ الله و توفيقه .

descriptionان شاء الله اتحدد موعد السفر Emptyرد: ان شاء الله اتحدد موعد السفر

more_horiz
الحمدلله على سلامة الوصول .... وما زلنا بانتظار مزيدا من الأخبار
صلاحيات هذا المنتدى:
لاتستطيع الرد على المواضيع في هذا المنتدى