طلبة قرار الضم 34 أرجو المساعدة

السلام عليكم
اخواني الطلبة الذي يشملهم قرار 34 وتم حصولهم علي قرار تغير الدرجة ونفذو بالله عليكم أرجو مساعدة إخوتكم باقي الطلبة الذين لا يعرفون ماهي الاجرات اللازمة لتنفيذ القرار وَبَارِكْ الله فيكم.

السلام عليكم, والله يا خوي أنا نفس البرنامج وبحكم البعد ما درتش أي إجراء

اخي هنيبال انا سمعت ان الامور ماشية تمام لكن لأسف زي ماقلت البعد وان شاء الله حد من خونتنا ايفهمنا شنو صاير بالزبط وربي ايوفقك

السلام عليكم اخوتي
بعد التحية..
العبدلله مررت بنفس التجربة والحمدلله فعلت القرار في سنة 2013
الخطوات كالتالي..
1- الحصول على قرار تعديل الدرجة
2- تقديم ملف شخصي يحتوي على نسخة من قرار تعديل الدرجة وصورة من شهادة المتحصل عليها وصور من جواز السفر وتسليمة الي قسم تقنية المعلومات لادراج اسمك في منظومة البعثات
متابعة قسم تقنية المعلومات حتي يتم ادراج الاسم في المنظومة لأنه لن يتم اي اجراء الا بعد ادراج الاسم
الذهاب لمكتب الساحة الدراسية وفقا لما ورد في القرار وتقدم طلب للحصول علي رسالة دعم مالي لغرض القبول
تتحصل علي قبول وتقدم في رسالة الدعم المالي لغرض التاشيرة
6-بعد التقديم والحصول على التاشيرة يتم اصدار رسالة بداية الصرف للسفارة في بلد الدراسة ومن ثم تسافر وتتوكل عالله
ملاحظات مهمه**
سيتم منحك مدة صرف 24 شهر للدكتوراه ويحق لك التمديد 8 اشهر + 4 اشهر
2- لايحق لك اي تذاكر او اي مزايا اخرى مثل زيادة المنحة وباقي مزايا الايفاد

لاي تفاصيل الرجاء التواصل

الي الأخ طير لندن
شكرًا علي الرد وبارك الله فيك لكن حسب كلامك القرار فيه ضلم واجد مش عارف عليش التميز هذا، لكن خير من بلاش وعلي كل حال الحمدالله

اخي طير لندن عندي سؤال لحضرتك:
في بداية الأحداث تم صرف منحة لبعض الطلبة الذي شملهم القرار هل يتم خصم هذي المنحة من القرار تغير الجديد وكم هي المنحة الحالية بالنسبة للعازب والمتزوج شكرًا وبارك الله فيك

شكرا..الحمدلله اكيد من قال يدفعو حتى الرسوم..لا علم لدي بخصم من المنحة لاني لم استلم اي منحة في الاحداث..
الاعزب 1070 متزوج 1280 .

شكرًا طير لندن علي المساعدة وربي يفتح عليك
لكن خويا زيد أكد لانه في طلبة يشملهم القرار في ساحات اخري ياخذو في زيادة في المنحة 25%والله اعلم

السلام عليكم, خويا غريب ممكن تبلغني أول بأول شنو صار معاك وشنو درت حتى الآن مع العلم أنا من بنغازي, إن شاء الله بالتوفيق

بإذن الله خوياLondon bird لكن لعند توا مازال مادرت شي نظرا لبعد المسافة ،ان شاء الله بعد رمظان

الأخ London bird
السلام عليكم
اليوم خويا مشا راجع البعثات قالوله بعثنا برقيه الي لندن تقول الصرف لمدة 24 شهر وكتابين فيها عازب وانا متزوج.
كيف يكمن تغير وضع الاجتماعي؟
لو مشيت الي لندن شنو هيا الخطوه التانيه؟
سلام عليكم

استغفر اللـًﮧ العظيم الذي لا إلًـﮧْ إلا هو الحي القيوم وأتًوب إليـﮧْ:.:
: استغفر اللـًﮧ العظيم الذي لا إلًـﮧْ إلا هو الحي القيوم وأتًوب إليـﮧْ:.:
: استغفر اللـًﮧ العظيم الذي لا إلًـﮧْ إلا هو الحي القيوم وأتًوب إليـﮧْ
اللهم فرج علي الطلبة من عندك بالخيررررررررررررر

يجب تغيير الوضع الاجتماعي في ليبيا ويتم اعادة رسالة البرقية الى لندن
فور وصولك الى لندن تتجه للملحقية لفتح ملف مع تقديم صورة من القبول + الشهادات + رسالة البرقية
وبعدها اتزودهم بحسابك المصرفي وعنوانك
بالنسبة للملحقية ستقوم بالصرف وفقا لبرقية البعثاث (اعزب أو متزوج) وبالتوفيق

السلام عليكم London bird
هل تاخذ وقت التغير كان عندك علم لآني اتعبت والله ولا يوجد عندي قبول حاليا هل يفتحولي ملف من غير قبول او ضروري قبول
وشكرا علي الرد وبارك الله فيك

التغيير من شهر الى شهرين
لا يتم فتح ملف الا بعد تقديم قبول غير مشروط او رسالة تفيد استمرارك في الدراسة من الجامعه

شكرًا علي المعلومات وبارك الله فيك خويا London