دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionبخصوص المكتب الكندي CBIE Emptyبخصوص المكتب الكندي CBIE

more_horiz
قبل دقايق وصلني عدد 2 مسج من المكتب الكندي فالاول نحسابها بخصوص رسالة الدعم امتاعت التأشيرة لكن بعد فتحتها تفاجأت ونص الرسالة جزء منها عربي وجزء انجليزي والرسالة الاخرى كلها بالانجليزي والمضمون واحد ونص الرسالة اللي بالعربي كما يلي:
السادة الطلاب المبتعثين لأميركا وكندا المحترمين

,تحية طيبة وبعد

نظرا للصعوبات المادية التي نجمت عن الوضع الراهن في ليبيا فإننا ننصح طلاب بعثات أميركا وكندا الجدد بتأجيل السفر وتفعيل ملفاتهم الى ان يتم استلام ميزانية العام المنصرم لتغطية كافة المستحقات للعام الجاري

كما انه يجب التنبيه للطلبة الذين ينوون القدوم الى بلد الابتعاث في هذا الشهر بانه لن يكون لديهم اي ضمان مالي

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
وصلنا نفس الشي الايميل قبل دقائق وفيه حتى ان التامين الصحي يوقف من 1يوليو..ما السبب ان ساحة كندا وأمريكا اكتر الساحات تضرر ومشاكل؟وعلاش مايصكرهمش أحسن من ان نتبهدلو في بلاد الغربة؟ الله المستعان ربي يفرج عالبلاد والعباد

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
كلامك صح اخت ميار...بالله توا شن الحل سفري ان شاء الله بعد اسبوع .....شن رأيكم؟؟؟؟؟؟؟؟؟

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
هدا نتيجة الوضع فى ليبيا...ونتيجة وقف المصدر الوحيد لدخل الليبين الشهور الماضيه..(.فلوس معاش فى)
المكتب الكندى ياخد فى مبلغ كبير كل سنة....ولو يتم الاستغناء على المكتب الكندى والرجوع الى السفارة الليبيه....
هل السفارة تقدر اتمشى الامور للطلبة؟؟؟؟؟؟؟

والايميل الاخير اللهجة كانت شديده شويه ونوع من التهديد الرسمى.
ان شاالله تنحل العملية, لان الطلبة للى فى كندا وامريكا مش ناقصين مشاكل...البحث على القبول الاكاديمى يعتبر اكبر مشكله وزيد مافيش تامين من الشهر الجاى والمنحة مافيش...

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
شيء غريب جدا! معقولة الوزارة ماتحركتش وحولت الفلوس الوقت هذا كله ؟ شن المشكلة بالضبط ؟

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
ننصحكم شباب وبنات وسعوا بالكم شوية وما تجوش خير الا اللي ظروفه المادية تسمح لان احني حصلنا ياريتنا قعدنا في ليبيا خير لانا بقرايتنا ولانا مرتاحين كل يوم تخميم و الدهن مشتت بين ليبيا و الكتب الكندي والله تعبنا و كرهتها كندا بكل من المطبات هادي ننصحكم تتريثوا في المجئ لكندا لان الحياة فيها نار و السكن نار و الكشف الطبي نارين و بدون تأمين طبي مش عارف كيف بيصير فينا خاصة اللي عنده اطفال ياريت تمارسوا كل الضغوط الممكنة علي الوزارة احني الله غالب بعيد قاعدين كنهدا والله الا ما نرقدلهم رقاد في الوزارة نين يحولوا الفلوس شنو يلوحوا فينا ماوراء البحار و يخلوا فينا نشحتوا

descriptionبخصوص المكتب الكندي CBIE Emptytry not to come to canada

more_horiz
salam alikum every body
if u wanna come to canada u hv to bring at least 10000 dollars with u specially if u got kids with u then u ll need more
life here is so expensive so if u can change to go somewr else other than canada then just do it
i am stuck in here with a pregnant wife and no money from the goverment yet
its not easy in here

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
salam alikum
many thanks Mr mustafa, i wd love to talk to u and get more information about the hospitals in here
my number is 6474665253
if u could give us a call i ll be so grateful and it wd be so nice to talk to u
best regards

descriptionبخصوص المكتب الكندي CBIE Emptyسبب تاخر المنحة علي الطلبة

more_horiz
السلام عليكم ورحمة الله وبركاته
انا كنت طالب في كندا وعشت الحلوة قبل المرة ولكن بشكل عام والله اللي صاير كندا مش طيب لليبين
الاول ان المكتب لا يوفر اي خدمات غير البريدية او الادارية اللي اي شخص ليبي قادر عليها
لا يوفر قبول ولايضمن اي طالب ماديا مهما كانت ظروفه
المبلغ الذي يتقاضاه المكتب الكندي علي كل طالب يدخل الساحة يعتبر رهيب وخصوصا عندما تعرف ان هذه المبالغ لا تعود بالنفع علي اي شخص ليبي
والبعثات مقصرة والوزارة اكثر ولكن علي حد تقييمي الشخصي
يبو الطلبة يتظاهروا ويطالبوا بالغاء المكتب الكندي وتعود الاجراءات الي السفارة والملحق الثقافي
وانا اوويد هذا لعدة اسباب
اهل مكة ادري بشعابها ( الليبين سيكونون حريصين علي اخوتهم (ان شاء الله) وخصوصا علي عودة الاطباء بعد انتهاء دراستهم))
العائد المادي مقابل الخدمات سيكون لليبين العاملين في السفارة او الملحق
تنمية المهارات والتطوير للييبن في ادارة مثل هذا البرامج التعليمية
اجبار الموسسات الكندية علي قبول الطلبة الليبين وتوقيع اتفاقيات بشكل مباشر وليس عن طريق وسيط همه جمع المال من الحكومة الليبية
سلاسة التعامل فيما بينهم (السفارة والطالب)
ولكن هذا يعني ان نتوقع خدمات افضل من المكتب الكندي وسرعة ودقة في الرد علي التساؤلات وتسهيل الاجراءات
الاستعانة بالخبرات الليبية في هذا الموضع
معاقبة اي شخص يحاول المتاجرة بهولاء الطلبة
استخدام ساحات اوفر بكثير في تعليم اللغة الانجليزية وتشجيع الطلبة ماديا ومعنويا (ساحة الفلبين والهند وغيرها من الدول الناطقة بالانجليزية) ومضاعفة المنحة في فترة دراسة اللغة علي الاقل
انا شخصيا تعرفت علي طلبه تعلموا اللغة في الفلبين واكملوا الاكاديمي في كندا

والله ولي التوفيق والسداد
بالامس قراءت ايميل مرسل من CBIE الي طالب جديد لم يسافر بعد ولكنه افتتح ملف يطلبون منه عدم السفر الي كندا في الوقت الراهن الي حين احالة الديون المتراكمة والله اعلم
السفارة تضغط علي المكتب وبدوره يضغط علي الطالب ليطالب بتغيير المكتب والغاء العقد معه حتي يتسني للسفارة استعادة خدماتها
وربي يكون في العون
والسلام عليكم ورحمة الله وبركاته

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
شنو الكلام اللي نقرا فيه اكثر حاجه لفتت نظري ان اي طالب يقرا في امريكا ايقولك راك تقرا في امريكا شوف بنما افضل واي طالب قاعد في كندا ايكرهك فيها ويقولك المنحه ما المنحه والقبول الاكاديمي شوف تنزانيا خير.. عندا ماني قاري الا في كندا ان شاء الله
بالنسبة لي انا شخصيا قاعد نجري ع التأشيرة وان شاء الله بعد تطلع توا انسافر وكن انحلت مشكلة المكتب الكندي كان بها وكن ما نحلت انعنها والله ما تنحل توا نشوفلي خدمه ونقرا على حسابي لكن انغير الساحه لا

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
الأمور يا أخي dernamz مش زي ما تتوقع احني ما ناش رافعينك علي ظهورنا بيش نقولولك كلام مش واقعي احني عايشين في وسط المعمعة و ما يحس النار الا اللي عافس فيها زي ما يقولوا والمنتدي المحترم هذا للتشاور وابداء الرأي و النصيحة وتبادل المعلومات ويعلم الله ان كل ما ذكرته وذكره الاخوة والاخوات صحيح وما فيش حد ما يبيش خوه يستفيد فاتهام الناس جزافا لا يصح واما من ناحية الحلم فمن حق اي واحد يحلم و لكن الحلم شي والواقع شي اخر

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
dernamz فعلا هكذا يجب ان تكون

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
الى الجميع ..
الاخوة في كندا .. يحاولون توضيح الامور للقادمين وليس كما فهم بعض الاخوة .. ليس الامر انه محاولة لصرف النظر عن كندا او امريكا ..
لكنهم يحاولون نقل الصورة وما يحدث ..
من ليديه الاصرار فله الحق في اكمال المشور فلا بأس عليه تجربة ويخضوها وينقل تجربة للاخرين ..
نقل الصورة لا يتعارض مع طموحاتك .. ولك الاختيار والحرية والقرار .
الاخوة بذلوا الجهد في توضح المشاكل والمصاعب .ز لكن لكل شخص عقل وطريقة تختلف عن غيره في معالجة الامور ..
انا مني قد تحصلت على التأشير والحمد لله .. وحتى لو اوقفت الدولة المنحة وتم إلغاء المكتب الكندي فقراري هو .
خوض هذه التجرية ولو على حسابي الخاص ..
لانني والحمد لله راسلت احد الجامعات في كندا وراسلت احد المشرفين الكبار في كندا وقد تحصلت منه على قبول مبدئ بالتسجيل .. واحتاج فقط للتوفل ..
حيث حاليا اقوم بعمل مشروع الدكتوره في ليبيا وسوف اكمله ان شاء الله في كندا في تخصص مطلوب في كندا ..
نصيحة انقلها للجميع .. في جانب مرحة الدكتوراه خصوصا ..
قبل الذهاب الى كندا ..
" يجب تحديد مجال البحث وتحديد توجهك الاكاديمي ودراسة كل ما له علاقة بالبحث .. وتجهيز ما سوف تقوم به قبل ومراسلة المشرف قبل الدخول الى كندا ليكون لك الوقت الكافي في دراسة اللغة مع قطع مشوار في علمية البحث عن موضوع للاطروحة او الحصول على مشرف .."
تحية لكل شخص ساهم في توضوح الامور وفي ميزان حسناتكم ..
تحياتي للجميع

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
omran2013 كتب:
الى الجميع ..
الاخوة في كندا .. يحاولون توضيح الامور للقادمين وليس كما فهم بعض الاخوة .. ليس الامر انه محاولة لصرف النظر عن كندا او امريكا ..
لكنهم يحاولون نقل الصورة وما يحدث ..
من ليديه الاصرار فله الحق في اكمال المشور فلا بأس عليه تجربة ويخضوها وينقل تجربة للاخرين ..
نقل الصورة لا يتعارض مع طموحاتك .. ولك الاختيار والحرية والقرار .
الاخوة بذلوا الجهد في توضح المشاكل والمصاعب .ز لكن لكل شخص عقل وطريقة تختلف عن غيره في معالجة الامور ..
انا مني قد تحصلت على التأشير والحمد لله .. وحتى لو اوقفت الدولة المنحة وتم إلغاء المكتب الكندي فقراري هو .
خوض هذه التجرية ولو على حسابي الخاص ..
لانني والحمد لله راسلت احد الجامعات في كندا وراسلت احد المشرفين الكبار في كندا وقد تحصلت منه على قبول مبدئ بالتسجيل .. واحتاج فقط للتوفل ..
حيث حاليا اقوم بعمل مشروع الدكتوره في ليبيا وسوف اكمله ان شاء الله في كندا في تخصص مطلوب في كندا ..
نصيحة انقلها للجميع .. في جانب مرحة الدكتوراه خصوصا ..
قبل الذهاب الى كندا ..
" يجب تحديد مجال البحث وتحديد توجهك الاكاديمي ودراسة كل ما له علاقة بالبحث .. وتجهيز ما سوف تقوم به قبل ومراسلة المشرف قبل الدخول الى كندا ليكون لك الوقت الكافي في دراسة اللغة مع قطع مشوار في علمية البحث عن موضوع للاطروحة او الحصول على مشرف .."
تحية لكل شخص ساهم في توضوح الامور وفي ميزان حسناتكم ..
تحياتي للجميع

ربي يوفقك و جميع الموفدين  .

descriptionبخصوص المكتب الكندي CBIE Emptyالسلام عليكم

more_horiz
الأخ الكريم الي مصر يمشي لكندا أنا انقولك نعم الإختيار.
أنا من ضمن الناس الي عاصرت الوقت الي كانت فيه السفارة مسؤولة وعاصرت المكتب الكندي..
أيام السفارة:
* الايميل ما يعرفوشي بكل (يمكن كان حضك اكويس من 3 ايميل ايردوا عليك).
* التلفون من 5 مرة ايردوا عليك ..ومن ايرد عليك؟؟ واحد أفريقي من جنوب السودان (فرنسي + انجليزي بس)
وايقولك انحولك علي واحد من الموضفين ... ووطبعا ايحطوك علي الانتضار نين دقايقك ايكملن ... وبعدين اتعاود نفس القصة.
* اذا حدث مثلا وواحد رد عليك ... ميش حيقضيلك شغلك إلا بعد تفنيص وتكشيخ وبعض الاشياء الاخري.
* معظم الي شاغلين السفارات والملحقيات ارحم من قرة وورا ... الي باهي فيهم عنده اشوية انجليزي .. ما يعرفوش كيف يتواصلوا مع الجامعات ... ما يعرفوش كيف النظام الكندي ماشي ... ما يعرفوش شني الي يمكن اديره والي ما يمكنش ..
وللعلم الي اتمشي في الامور والي قايم عليها الشغل موضفة مغربية او فلسطينية ...والباقي سامحوني فيها طراطير.
أيام المكتب الكندي:
* كل مقاطعة بالمشرف الاكاديمي امتاعها.
* المشرف حسن في التعامل معاك ومع جامعتك (اسلوب راقي في المراسلات).
* المكتب لانه كندي ووعنده خبرة ... موثوق من قبل الجامعات الكندية وكلمته يوخذ بها.
النقطة الوحيدة أنه شديد اشوية ... وما تعباش اتحصل حاجة مش ليك
...
علي العموم الكلام يطول ... لاكن ان شاء الله ما يمسكوهاش جماعتنا ... كنهذا توة اتشوفوا الي ما عمركم شفتوه ... حتشوفو الي قطعوا عليه منحته لانه دار او ناقش علي مشكلة مع موضف ... حتشوفوا الي منحته تنزل كل شهر والي منحته كل شهرين ... حتشوفوا الي الماجستير امتاعه 3 سنين والي 4 سنين ...

القصة وما فيها ان فيه جماعة ليبيين هما الي يبوا يمسكوا مكان المكتب الكندي... يبوا يطلعوا بعايلاتهم واصغارهم ... ويا ريت يخدموا ويعرفوا شغلهم اكويس ... المشكلة هي من ادارة البعثات وليس المكتب الكندي.

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
الاخ SAME يعلم الله ان كلامك صح ، وكان يمسكوا الموضوع السفارة تبقى المعاناه اضغاف مضاعفة وارحم من قرا ورا كيف ما قلت ،، يريحوا ارواحهم خير لما يوصلوا للكفاءة والمقدرة على تسيير هذا الموضوع اوكي بس توة يطلعوا منها

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
ربك ايسهل الامور ان شاء الله. وما ايشدوها هالبزقليف هضوم.

descriptionبخصوص المكتب الكندي CBIE Emptyرد: بخصوص المكتب الكندي CBIE

more_horiz
من رايي اللي كمل اجراءاته يتوكل علي الله بس يحسبها كويس باش مكايبداش يعيط ويتحسر علي ايامه ولو ماجاش ولو ما سافرش ولو ولو وامنيات هلبة تندرج تحت كلمة ياريت

كل شيء محلول طالما ماديا مستقر كيف ياعني

عندك فلوس تضمن ايجار وين تكسن وماتمونش في الشارع واللي هو في الاول ايجار شهرين لانهم كلهم ياخدو شهرين مقدم بعدها تالت شهر تخلصه بروحه وربع شهر ونفس الشي اللي بعده .. باش تاكل مصروفمك ياعني فطور غدي عشي اكيد مش حتموت بالشر بس مصاريف الماكلة مش رخيصة وانت وحسبتك .... لا قدر الله مرضت او حافظ علي صحتك لا تنكسر لا تبرد لا تنزكم اللهم صار لا قدر الله اي شي مفاجأ الله اعلم بس ديرله جسبته لا قدر الله مرات من الوضع الراهن تتطربق المرارة بكل #_# ... بعيد الشر علي الجميع لكن المهم ديرها في الحسبان وحط في بالك انه التامين مش متغطي الي حين مايفرجها ربي ... والمدرسة مش حتقرا لعند مايتحولوهم الفلوس واول ماتتحول تبدا تقرا عادي ...
كيف تمشي وتجي للمدرسة المواصلات لانه سكنك مستحيل حيكون لاصق في المدرسة ياعني حتستحق تستحق فلوس باش تركب باص ولا ميترو ولا تاكسي مش اقل من 140 دولار نقولو في الشهر ... مصاريف كروتك في الشهر باش تتكلم وتعبي انترنت في الشفرة قول متلا واخدينها باقة كاملة مكالمات مش محدودة وانترنت وابصر شنو معاها مش اقل متلا من 60 دولار شهريا متلا ياعني مع اانك تصرفهم في يومين رصيد في ليبيامنا ولا مدار بس هدي شبه نبدة مختصرة واللي هيا تعتمد علي الفلوس ...لو وجدت حتوجد الراحة والامان ... وحتكون كندا جنة

برغم انه ملفي تأخر وقعدين من غير تأمين وياعالم شهر 6 تنزل المنحة ولا لا والسكن طل مرة في مكان نتبعو في الارخص بس الحق كندا اللي يبيها يشد فيها ويتحدي اي ظروف زيها زي اي بلاد تانية ممكن تواجهك فيها الف بلاء ومصيبة وياتقدرها يا تسكر ملف الايفاد وتقعد في مكانك ماتحركش ...

في كندا مش طالب ولا اتنين ولا تلاته ليبين ... ياعني العراقيل هدي مش عليك بس غيرك هلبة في نفس الوضع .... وبالاكيد حينحل طالما كل واحد حد شيء تحته ويضمن منه كيف يصرف ومايخليشي رايح .. انا قبل مانجي هني كان بندور طل واحد شن يقول علي الحياة في كندا ممكن اول شيء نديره نبعت لجمانة اايميل هزبها فيه علي خاطر تعكل وتقعج 3 اسابيع باش ترد ...لكن اي حد يعطي رايه راهو من وجهة نظره بس ومن اللي صاير معاه ومن اللي عاناه او فرح فيه وعاشه علي قولت خوي مستر كولد مافيش واحد كار التاني علي اكتافه .... وكندا مش مكتوبة باسم حد اللي بيجي خلي يجي المهم يحسبها بس تفاديا لاي شي ممكن يصير وفي كندا ولا حتي في السودان ليش اسمها غربة امالا ؟؟؟؟؟ بتتعلم الف شيء ... اولها كيف تفكر وتقدر تقاوم وانت تعاني وتقرأ في نفس الوقت ولا ومعاك عيلة ... كله يهون الواحد يتوكل علي ربه ويسأل الله تيسيير الامور وتسخير الصالح في الطريق وكله حيكون بادن الله


_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "
صلاحيات هذا المنتدى:
لاتستطيع الرد على المواضيع في هذا المنتدى