دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionنصيحة اخوية للطلبة الراغبين لذهاب الى كندا Emptyنصيحة اخوية للطلبة الراغبين لذهاب الى كندا

more_horiz
اني ننصح اي حد يبتعد عن كندا للدراسة الاكاديمية لعدة اسباب:
1-القبولات صعبة جدا مشكلة ايعانوا منها الطلبة
2-مشاكل المنحة كثيرة جدا توقف من حين الى اخر
3-الحياة غاليه في كندا
الكلام هدا عن تجربة
وشكرا

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
وعليكم السلام ورحمة الله وبركاته خوي بارك الله فيك ع النصيحة أولا
ثانيا مافيش حد يختار كندا ويستمر في اوراقها بدون ما يكون صاحب عزيمة وتصميم
وثالثا شخص حصل التفويض أعتقد انه بإذن الله لاخوف عليه من باقي العقبات

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
صدقتي يااختي عندك الحق هي التاشيره بروحها علمتنا الصبروالعزيمه علي مواصله الدراسه وتحمل الظروف الصعبه علي الاستمرار والنجاح باذن الله ومن يتوكل علي الله فهو حسبه والفرصة تأتي مره واحده ويجب علينا استغلالها باذن الله وان شاء الله بالتوفيق لجميع الموفدين واللي يبي الورد يتحمل شوكه والسلام

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
الى أخوتي الاعزاء .
كندا تحتاج الى صبر وعزيمة .. وتحتاج الى تجربة وهي مغامرة لكل شخص يحب التحدي .. والواحد ما خاسر شئ من التجربة ..
صحيح صعبة ولكن تحتاج الى عزيمة وطول نفس ..
احترم كل رأي لمن يريد ان ينصح الابتعاد عن كندا ..
لكل من يرى في نفسه انه غير قادر على تحمل مشاق الامور ولا يريد ان يلعب على هذه الورقة ... عليه ان يقرر قبل دخول المغامرة ..
لكن اقول انها تجربة ولكل مجتهد نصيب .. فالظروف تختلف من شخص لأخر .. ولا تقارن نفسك بغير لان ظروفك تختلف عن ظروفه ..
وللجميع التحية والتوفيق ..

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
السلام عليكم
صحيح ان الدراسه فى كندا تعتبر مغامره فى حد ذاتها والمعيشه صعبه وغاليه الى حد اخر بس فى نفس الوقت الجامعات الكنديه من افضل الجامعات من حيت التحصيل العلمى والخبره لذلك انصح الجميع بالتحلى بالصبر والعزيمه مع التوكل على الله
 نصيحة اخوية للطلبة الراغبين لذهاب الى كندا 347839 

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
مافيش مكان كويس مية فى المية باهى متلا وين بنمشو اما بلاد وانا شخصيا ضد انى نمشى لدولة مش ناطقة بالانجليزية لانى ماخاطريش نقعد نعانى سنة بش نتعلم لغة جديدة الواحد مش ناقص

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
النصيحه مفروض تكون موجهة لضعاف القلوب
وبعدين ايش فيها كن مشيت وما حصلتش قبول اكاديمي مش يكفيني تعلمت لغه وايش فيها لو انقطعت المنحه لو معش قدرت انواصل توا انروح وبالنسبه للمعيشه الغاليه انا مش دافع حاجه من جيبي وكن نبي انحوش افلوس راني درت محل ملابس
النصيحه الصح مفروض تكون وضع حد للمشاكل اللي يتعرضولهن الطلبه اللي في الساحتين الامريكيه والكنديه وتحديدا مع وزارة التعليم العالي ضروري ادير صرفه للموضوع ما همش خير منا الطلبه السعوديين والخليجيين
عشان دراهم معدوده تسكر افضل ساحتين للدراسه في العالم

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
السلام عليكم ،
عن تجربه ، اوافق الاخ انيس ولاكن اني كنت متوقع التعليقات قبل مانقراهم ،
صحيح ان الحياه مغامره وتجارب ولاكن لما تجي لي كندا رح تعرف مراره التجربه وخصوصا لو كنت متوقع الاتي :
1-انك طالب موفد علي حساب الدوله يعني القبول الاكاديمي مضمون وماتفكرش فيه ،انحب انقولك فيه دول تدفع حتي في تكاليف المعامل والمواد ،يعني افضل منا
2-جاي لدوله تتكلم اللغه الانجليزيه يعني رح تتعلمها بسهوله ومدارس اللغه عندهم ممتازه .انحب انقولك انها بزنس
3-السنه الاولي بنفكر في اللغه بس مش مفكر في القبول ، انقولك ان القبول الاكاديمي كابوس يبدا من ثاني شهر توصل فيه .
نصيحتي ليكم ياخوتي قبل ماتجي لي كندا استفيد من الوقت واقرا انجليزي حتي علي حسابك الخاص راه انتا رابح هلبا وخصوصا لو درت الايلتس ،يعني
تعرف فرصه قبولك من عدمها قبل ماتجي .
واذا نويت اتجي ياريت تتواصل معاي وباذن الله الي نقدر بيه نساعدك
وربي يوفق الجميع

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
عالعموم بارك الله فيك وجزاك الله خيرا لكن بجد والله ما نقصنا هموم المرحلة المقبله التفويض المالي له 4 اشهور وماطلع واعصابنا خلاص من الانتظار ومازال دارما المكتب الكندي ويستر الله يعني لسان حالنا يقول ان شاء الله نطلع فالطيارة علي خير وسلامة

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
انا تشحطت لي الاردن باش نحصل ع تاشيره كندا Shocked .....وفي الاخير مانمشيش,, لازم نطق فيها حتى لو نقرا لغه ونغير الساحة. rabbit .وزي ما قال المتنبي : على قدر أهل العزم تأتي العزائم.

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
انا انصح كل شاب وكل فتاة لاتتهور وفكر وأحسبها صح مئة في المئة لان كندا الدراسة فيها مش ساهلة تبي تقعميزه علي الأقل اربع ساعات يوميا غير المحاضرات يعني في الحوش بتقعمزلها ثانيا انا حاليا في الشهر الخامس (مش حامل) ولكن في كندا ليا 5 شهور وفي وجهة نظري تستأهل التعب لأنهم بصراحة يعطوك علم مش زي أوروبا اللغة في المدن الكبيرة ممتازة جداً طريقة التدريس ممتازة النجاح لازم ماتجيب 80 في المئة (مش 50%) زي ليبيا وبعض الجامعات النجاح 70% اغلب اللي بجو لكندا بهدف الهجرة راهو الموضوع مش زي ماتتوقعوا القوانين تغيرت هلبه لو عندك شهادة من كندا وتتكلم انجليزي وفرنسي عندك أمل تحصل هجرة أما غيرها لا ، إضافة الي ان الحياة غالية و المنحة متوقفة لينا ثلاث شهور و لكن كندا دولة ممتازة في التعليم فإذا عزمت فتوكل علي الله وربي يوفق الجميع

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
ربي يوفق الجميع لكن مع الصبر والتحمل لانه انت ماشي تبي تقرا معناها لازم تختار احسن تحصيل علمي واللي ناوي السترة ربي يستره

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
صحيتي فطمة علي كلامك بس مستر اول مرة نقرا تعليق ايجابي لك اغلب تعليقات بخصوص كندا اغلب مش الكل سلبية مع كامل احترامي وتقديري لك بارك الله فيك عالدفعه الإيجابية هدي ^_^

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
لا يا أخت حليمة بالعكس انا دائماً إنسان واقعي في حياتي وفي قراراتي وحتي تعليقاتي بس عمري ماكنت سلبي مع حد اذا كنت متتبعة لتعليقاتي في المنتدي ومادام الواحد عنده رغبة يجئ لكندا فان شاء الله ربي ما يكسرلا خاطر ويجي ويشوفها و أضعف الإيمان يستفيد اللغة واغلب اللي كملوا سنة اللغة في كندا روحوا بعلي الأقل 6.5 في الايلتس وهذه درجة ممتازة يحصل بيها قبول علي طول في بريطانيا او باقي الدول الناطقة بالانجليزية فيعني مش خسارة وإذا حصل قبول في كندا فخير وبركة وان شاء الله ربي يوفق الجميع

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
اخي مستر علي العكس تماماً ادرك انه تعليقات واقعية وخاليه من اي كلام غير حقيقي واجدد شكري وتقديري لك بارك الله فيك وجزاك الله خيرا بالنسبة للايلس الحمد لله حصلت فيه 5 امتحنت في ليبيا وان شاء الله كم شهر لغه غادي يخلو مستواي افضل وربي يوفقنا جميعا يارب ويحفظ ليبيا

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
لا مادام هكي تعالي وحطي ايديك ورجليك في مية دافية مادام جبتي خمسة في ليبيا معناها خمسية عليك ومعاها حويته وقرين لان المشكلة اللي يجو من ليبيا و لم يدرسوا انجليزية في اي مكان في ليبيا فيبدوا من المستوي المبتدئ وانا كتبت عليها اكثر من مرة النقطة هدي لان المستويات الأولي في اللغة عادة ماتكون مليانة بالعرب والليبيين خصوصا فتفقد جانب مهم في اللغة وهو التطبيق والممارسة والتعلم من الآخرين لان الليبي مستحيل بيتكلم مع ليبي آخر بالانجليزي و العرب بصفة عامة يميلون الي استخدام اللغة العربية فيفقد الهدف من التعلم أصلا انا جئت من ليبيا و مستواي 6 في الايلتس فحطوني في مستوي متقدم advanced استفدت كثيرا خاصة في المحادثة والاستماع من رفاق الصف وعلي أية حال نتمنالك كل التوفيق وأحلي حاجة لما تجئ لكندا و تكملي كل إجراءات المطار تمشي في ممر فيه بساط وفي نهايته باب من ضرفتين بمجرد ما تقربي منه ينفتحن الضرفتين أوتوماتيكيا و تسمعي كلمة ويلكوم تو كندا شعور بصراحة رائع ان شاء الله ربي يوفقك

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
كندا من البلدان الراقية في التعليم لاكن فيه شوية صعوبة في القبول الاكاديمي لانهم مصابين الموضوع لاكن في نفس الوقت فيه امل انك تحصل قبول والتسويق من عند الله انا موجود في كندا وفيه هلبا طلبة محصنين قبولات

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
آسف التوفيق من عند الله

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
صعوبة كندا من البداية فمثلا التأشيرة صعبة جدا

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
بارك الله فيك مستر كلد وربي يبارك فيك وفي دراستك ومبروك المنحه

descriptionنصيحة اخوية للطلبة الراغبين لذهاب الى كندا Emptyرد: نصيحة اخوية للطلبة الراغبين لذهاب الى كندا

more_horiz
السلام عليكم
اني كنت مانيش امعلق في الموضوع نظرا لاختلاف الطباع من شخص لاخر ، يعني مرات شي مايمشيش معك يمشي مع غيرك . لاكن مع هذه الفروقات هناك نقاط مشتركة . مثلا زي مشاكل القبول ، المنحة والتي تنزل شهر ولا شهرين وتنقطع ثلاثة شهور او اربعة ، ارتفاع مستوى المعيشة وغلا الاسعار و بعد المسافة بين ليبيا وكنداء . يعني الكلام اللي سبق ذكره او العيوب اللتي قالها الاخوة سابقا صحيحة مئه في المئه. وخصوصا هلي امعاه عائلة لازم يحسبه صح قبل كل شي وبالتوفيق .
صلاحيات هذا المنتدى:
لاتستطيع الرد على المواضيع في هذا المنتدى