دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionاستفسار حول الدراسة في كندا على الحساب الخاص Emptyاستفسار حول الدراسة في كندا على الحساب الخاص

more_horiz
السلام عليكم

كيف حالكم ياخوتي، وبارك الله فيكم علي مجهوداتكم لمساعدة خوتكم.

انا طالب جامعي، نويت باذن الله تغيير مجال دراستي والبدء من جديد لأسباب متعددة، ولهالسبب نويت السفر لكندا لدراسة اللغة ثم دراسة الطيران اذا ربي سخر طبعا على حسابي الخاص، وعندي هلبا معارف للوالد في كندا اغلبهم يحملون الجنسية الكندية يعني ماعنديش مشكلة في السكن غادي على الاقل في ايامي الاولى، اللي نبي نعرفه منكم يا خوتي وجزاكم الله كل خير:

اني فيه شخص نصحني بالتقديم لدراسة لغة 6 شهور (مثلا) بعدين نمدد التصريح غادي وناخد قبول لدراسة الطيران لما نكون موجود في كندا، لأن بخصوص قبول الطيران يطلبو فحص طبي من نوع خاص ومبلغ ضخم مقدما واني الحاجة هذي نقدر نوفرها لما نكون في كندا ان شاء الله، نبي نسألكم هل هذا النوع من التقديم ممكن ومافيشي مشاكل وهل يقبلو التمديد لدراسة الطيران بعدين؟
وهل تعتبر فرصتي قوية في التأشيرة بوجود معارف كنديين غادي؟ وهل مفروض يبعتولي دعوة؟ او نجيب قبول لغة لواحد من المعاهد وخلاص ونعطي للسفارة علم بوجودهم؟
وشن الاحسن في رأيكم وبحسب خبرتكم، نقدم علي التأشيرة عن طريق مكتب او بنفسي؟ واذا مكتب ياريت تقولولي مكتب ممتاز في خدماته ومضمون.

وشكرا وبارك الله فيكم ومنورين وان شاء الله في ميزان حسناتكم.

descriptionاستفسار حول الدراسة في كندا على الحساب الخاص Emptyرد: استفسار حول الدراسة في كندا على الحساب الخاص

more_horiz
مافيش مساعدة يا شباب ؟

descriptionاستفسار حول الدراسة في كندا على الحساب الخاص Emptyرد: استفسار حول الدراسة في كندا على الحساب الخاص

more_horiz
و عليكم السلام و رحمة الله اخي الكريم اولا بخصوص التمديد امر عادي جدا وتقدر ان شاء الله ادير تمديد بعد اللغه وتقرا القسم الي تبيه
بالنسبة للتاشيرة ضروري اتجيب قبول لغه من كندا وتقدم بيه اون لاين بصراحة ضروري من وجود رصيد في البنك يدعم طلبك وأيضا من وجود جهة عمل وورقة اسمها اخلاء طرف حتي تضمن الدولة الكندية رجوعك للوطن بعد انهاء الدراسة بالنسبة للمعارف في كندا هذي المكتب الي تقدم فيه يقولك كيف ايدير فيها
انا شخصيا قدمت في مكتب العزال في سنتر الواحات في حي الأندلس وكان مكتب ممتاز جدا بارك الله فيهم اي سؤال تفضل مايهمك شيء وان شاء الله نقدرو انفيدوك

descriptionاستفسار حول الدراسة في كندا على الحساب الخاص Emptyرد: استفسار حول الدراسة في كندا على الحساب الخاص

more_horiz
@halema almesmary كتب:
و عليكم السلام و رحمة الله اخي الكريم اولا بخصوص التمديد امر عادي جدا وتقدر ان شاء الله ادير تمديد بعد اللغه وتقرا القسم الي تبيه
بالنسبة للتاشيرة ضروري اتجيب قبول لغه من كندا وتقدم بيه اون لاين بصراحة ضروري من وجود رصيد في البنك يدعم طلبك وأيضا من وجود جهة عمل وورقة اسمها اخلاء طرف حتي تضمن الدولة الكندية رجوعك للوطن بعد انهاء الدراسة بالنسبة للمعارف في كندا هذي المكتب الي تقدم فيه يقولك كيف ايدير فيها
انا شخصيا قدمت في مكتب العزال في سنتر الواحات في حي الأندلس وكان مكتب ممتاز جدا بارك الله فيهم اي سؤال تفضل مايهمك شيء وان شاء الله نقدرو انفيدوك


الله يبارك فيك اختي

قبول اللغة هذا ان شاء الله حاجة ساهلة، وكذلك رصيد في البنك يكون في حدود كم مثلا ؟
بالمناسبة انا شخصيا مانشتغلش، انا طالب جامعي ومازلت نقرا، نبي نوقف قيدي ونطلع لكندا، كيف حلها هذي؟ يعني كان الشخص مايشتغلش مايقدرش يسافر لكندا؟

descriptionاستفسار حول الدراسة في كندا على الحساب الخاص Emptyرد: استفسار حول الدراسة في كندا على الحساب الخاص

more_horiz
انا شخصيا قصتي زي قصتك بالزبط ، وتقدر تقول كملت الاوراق الخاصة بي كلها وحنقدم عن طريق مكتب ان شاء الله ، بس فاضلّي نقطة رسالة من جهة العمل ، وانا طالب مانخدمش ، هل نرفعلهم ورقة تفيد بي ايقاف القيد ؟
بس لو لزم الأمر نقدر نخدم رسالة من جهة العمل ، تلخبيطة ! ،،،،، هدا سؤالي ،،، فإن أجابوك اجابوني ، وان شالله ربي يوفقك ويسهلك امورك وتحصل التأشيرة ان شاء الله .

descriptionاستفسار حول الدراسة في كندا على الحساب الخاص Emptyرد: استفسار حول الدراسة في كندا على الحساب الخاص

more_horiz
نصيحتى قدم بنفسك وابتعد عن المكاتب التى تستخدم بطاقات الفيزا نت لدفع مصاريف التاشيرة وهى بطاقات محرمة لانها رباوية لهدا جمع اوراقك وقدم مباشرة للسفارة

descriptionاستفسار حول الدراسة في كندا على الحساب الخاص Emptyرد: استفسار حول الدراسة في كندا على الحساب الخاص

more_horiz
وعليكم السلام ،
خوي نبي ننصحك نصيحه وياريت ماتفهمنيش غلط ،
بالنسبه للطيران في كندا ممتاز جدا وكندا دوله متقدمه في المجال هذا ، لاكن ننصحك قبل ماتجي اقرا لغه في ليبيا وخصوصا انت بتقرا علي حسابك
راه اللغه مكلفه هلبا ،حاول تقرا في ليبيا ودير ايلتس قبل ماتجي ،
تاني شئ باش انكون معاك صريح وواضح ، لو تفكر في انك بتستقر في كندا ،معناه الطيران مش خيار سليم ، لانه فرص العمل في كندا للاجانب كاطيارين اكثر من مستحيل ،
لو مثلا غيرت رايك ، ننصحك بي افضل مجال تقراه في كندا هو petroleum engineering هذا زي مايقولو صالح لي كل زمان ومكان تقدر تشتغل بيه في اي مكان في العالم ،
ربي يوفق الجميع ،تحياتي

descriptionاستفسار حول الدراسة في كندا على الحساب الخاص Emptyرد: استفسار حول الدراسة في كندا على الحساب الخاص

more_horiz
@Special260 كتب:
وعليكم السلام ،
خوي نبي ننصحك نصيحه وياريت ماتفهمنيش غلط ،
بالنسبه للطيران في كندا ممتاز جدا وكندا دوله متقدمه في المجال هذا ، لاكن ننصحك قبل ماتجي اقرا لغه في ليبيا وخصوصا انت بتقرا علي حسابك
راه اللغه مكلفه هلبا ،حاول تقرا في ليبيا ودير ايلتس قبل ماتجي ،
تاني شئ باش انكون معاك صريح وواضح ، لو تفكر في انك بتستقر في كندا ،معناه الطيران مش خيار سليم ، لانه فرص العمل في كندا للاجانب كاطيارين اكثر من مستحيل ،
لو مثلا غيرت رايك ، ننصحك بي افضل مجال تقراه في كندا هو petroleum engineering هذا زي مايقولو صالح لي كل زمان ومكان تقدر تشتغل بيه في اي مكان في العالم ،
ربي يوفق الجميع ،تحياتي

اود الاستفسار انا حاصل على بكالوريوس هندسة نفطية ونبي انكمل دراسة الماجستير في كندا ان شاء الله وللعلم على حسابي الخاص

كيف الاجراءات واما احسن جامعة وشن تنصحني بخصوص الموضوع

descriptionاستفسار حول الدراسة في كندا على الحساب الخاص Emptyرد: استفسار حول الدراسة في كندا على الحساب الخاص

more_horiz
بالنسبة لدراسة الطيران في كندا هناك الكتير لا يعرف كيفية الدراسة هنا
أولا هناك من يريد شهادة اكاديمية مع رخصة الطيران وهدا تعطيه الجامعات ولكنها في كندا محدودة تعد على أصابع اليد وساشرح هنا هده الجامعات
في شرق كندا كاملا لا يوجد الا جامعه واحدة هيا جامعه ماوينت اليسون في مدينة ساكشفيل فى ولاية نيوبرونزويك وتعطى بكالوريوس في علوم الطيران مع رخصة مزاولة اما في اونتاريو فهناك 3جامعات الأولى الأشهر جامعه ويسترن اونتاريو في لندن اونتاريو وتعطى بكالوريوس إدارة طيران مع رخصة مزاولة والثانية كلية سانيكا في تورنتو وتعطى بكالوريوس في تقنية الطيران مع رخصة مزاولة والتالتة جامعة واترلو فى مدينة واترلو وتعطى بكالوريوس علوم طيران مع رخصة مزاولة وفى البيرتا هناك جامعتان الأولى جامعه ماوينت رويال في كالغاري وتعطى دبلوم عالى في علوم الطيران مع رخصة مزاولة والاخري جامعه ماك اوين في ادمنتون وتعطى دبلوم عالى في إدارة الطيران مع رخصة مزاولة وبالنسبة لولاية بريتش كولومبيا هناك تلات جامعات الأولى جامعه فريزر فالى فى مدينه ابوتسفورد وتعطى بكالوريوس إدارة طيران مع رخصة مزاولة والتانية كلية سالكريك في بلدة كاسلغر وتعطى دبلوم عالى في الطيران مع رخصة مزاولة والأخيرة كلية اوكانغان في بلدة كيلونا وتعطى دبلوم عالى في الطيران مع رخصة مزاولة وجميع الجامعات التي دكرتها معاهد اللغة في جامعاتها باستناء جامعه ماونت اليسون معهد اللغة في مدينه اخري هي هاليفاكس اسمه ili اما الباقى فجميعها داخل الحرم الجامعى ولهدا من أراد شهادة اكاديمية مع رحصة الطيران فيفضل دراسة اللغة في معهد الجامعه الى يبي يدرس بها .
اما الخيار التانى هناك من يريد تعلم الطيران واخد رخصة دون الحصول معها على شهادة اكاديمية وهدا تلقاه في مراكز تعليم الطيران ومن اشهرها في كندا تلات مراكز والاشهر على الاطلاق هارفساير في مدينه ستين باش في ولاية مينتوبا والتانى مركز بريمبتون في مدينة كاليدون في اونتاريو والأخير مركز جرينوود في بلدة غرينوود في ولاية نوفاسكوتشا وكلها لها مراكز تعليم لغة في مراكزها ارجو اننى اوفيت المعلومات حول دراسة الطيران في كندا

descriptionاستفسار حول الدراسة في كندا على الحساب الخاص Emptyرد: استفسار حول الدراسة في كندا على الحساب الخاص

more_horiz
اجابة اكثر من رائعة في ميزان حسناتك يارب وكثر الله من امثالك
صلاحيات هذا المنتدى:
لاتستطيع الرد على المواضيع في هذا المنتدى