دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionقفل الملف  Emptyقفل الملف

more_horiz
السلام عليكم
بالله عليكم انا عندي ايفاد ماستر وكملت قبل المدة وباقي سنة من الايفاد واود التمديد للدكتوراه , نبي نعرف لما ندير طلب حيسكر الملف متاعي في السفارة وتقف المنحة او يبقى مفتوح والمنحة تنزل ونتم اجراءاتي ....

descriptionقفل الملف  Emptyرد: قفل الملف

more_horiz
شن مافيه حد عنده معلومة

descriptionقفل الملف  Emptyرد: قفل الملف

more_horiz
ما شاء الله وتبارك الله .... انشالله حد يقدر ايفيدك

descriptionقفل الملف  Emptyرد: قفل الملف

more_horiz
شن ياشباب مافيه حد عنده معلومة

descriptionقفل الملف  Emptyرد: قفل الملف

more_horiz
والله يا ريت نحصلوا اجابة حتى انا تفكيري زي تفكيرك ونقلت سؤالك لصفحة الشؤون الأكاديمية للطلبة الليبيه ف الساحة البريطانية ولم اتحصل على اجابة الى هذه اللحظة..

descriptionقفل الملف  Emptyرد: قفل الملف

more_horiz
شكلهم كلهم تمو وروحو ههههههههههه

descriptionقفل الملف  Emptyرد: قفل الملف

more_horiz
معلومة ياشباب بالله عليكم

descriptionقفل الملف  Emptyرد: قفل الملف

more_horiz
خوي ابن الجبل الغربي إليك بعض المشاركات من الإخوة المبتعثين في الساحة البريطانية:

Khalil Az: شروط التمديد انك تكون معيد ومرشح من قبل وزارة التعليم أو غيرها.. تكمل مرحلة الماجستير قبل انتهاء المدة المخصصة لك. يكون تقديرك اثناء التخرج كويس..
همى اللي توا متفكرهم

Zizo Sonima : بارك الله فيك..
بس استفساري لو اني كملت واستلمت شهادتي و قدمت عالتمديد عن طريق الملحقية فهل نقدر نقعد في بريطانيا و نستلم المنحة لعند ما تجيني الموافقة او لازم نقفل الملف و نروح و نجري عالتمديد من البعثات في ليبيا ؟

Khalil Az : على حسب علمي لين يصدر قرار التمديد

Zizo Sonima : يعني مش حيوقفوا علي المنحة؟

Khalil Az : ماهو انت لما يبقى ليك مدة من مرحلة الماجستير بتمشي تقدم على الدكتوراء والافضل انك نبدا تقرا من الشهور اللي بقوا من الماجستير وتراجي لين يطلع قرار التمديد...والمنحة بالزبط مش عارف هل توقف ولا لا...

Poja jaja : المفترض ان المنحة ما توقفش تستمر طالما مازال عندك مدة متبقيه و طالما ما سكرتش ملفك و ما قمتش باعلام الملحقية بانتهاءك و استلامك لشهادة الماجستير بس التمديد و التنسيق للموضوع هدا يتم عن طريق المشرف متاعك و انت و حظك يا يكون معاك متعاون يا ينوى الكفر .. ربي يسهل ع الجميع ...

Zizo Sonima: انا رح نخلص و يكون باقيلي 14 شهر من مدة الماجستير يعني فترة طويلة.. بس خايف يقصوا علي المنحة و نتورط؟

Poja jaja : نو نو انت توا ما تقولش كملت و اجري علي قبول للبي اتش دي بعد تحصل القبول و توتي اوراقك تمشي للملحقية و تطلب انه يديرولك رسالة تمديد و من حقك طالما متبقي عندك فترة طويله بعد ما تصدر الرسالة تبعتها لليبيا و يبدأ الجري من غادي.. بس المدة كافيه اللي عندك عشان تكمل موضوعك ان شاء الله و ربي يسهلك Smile

نجمة الاستقلال : على حسب علمي ان المنحة تصرف على حسب المدة المكتوبة في القبول الاكاديمي يعني حتى لو مكملش الطالب دراسته خلال 12 شهر حتتوقف عليه المنحة يعني نفس المعاملة فترة اللغة ....وان شاء الله هذا الكلام غير صحيح

Abubaker Rfida : ايامات قبل المنحة لا توقف حتى لو خديت الشهادة لكن توا حيوقفوا عليك المنحة بعد ما تاخد شهادتك وحتى ولو عندك مدة مش حينزلولك شى لين اتجيب تمديد للدرجة اخرى

هذا الحوار جرى بيني و بين المشتركين في صفحة الطلبة الأكادميين و من خلال ما جرى من حديث تبين لي ان هناك تباين في الآراء ( هذا ينفي و هذا يؤكد) و حقيقة لا نستطيع ان نبني عليها آمالنا.. فلننتظر فقد نجد من يسقينا بالأخبار من هو على تجربة و يساعدنا في الاجابة على هذه التساؤلات.. حاول ان تجد طلاب ليبيين يدرسون في جامعتك و اسألهم و اذا علمت منهم شي لا تبخل علي به.. وانا اعدك اني سأبحث وسأعود إليك و اطلعك عن اي شيء اتوصل اليه..

إلى لقاء جديد..

descriptionقفل الملف  Emptyرد: قفل الملف

more_horiz
بارك الله فيك خوي وان شاء الله نلقو حد يعاونا

descriptionقفل الملف  Emptyرد: قفل الملف

more_horiz
شباب فيه حد عنه معلومة على الموضوع يفيدنا

descriptionقفل الملف  Emptyقفل الملف

more_horiz
السلام عليكم
اخوي بعض المعلومات بخصوص التمديد
1- يجب تقديم ورقة اغلاق الملف من قبل الملحق الثقافي ببلد الدراسة (مفادها ان الشخص قد انهي الدراسة قبل استكمال المددة المفررة وعليه نأمل منكم تمديد دراسته)
2- رسالة من  قبل الملحق الثقافي ببلد الدراسة تفيد بحصولك علي الافادة التخرج
3- الافادة الاصل معنمدة من  قبل الملحق الثقافي ببلد الدراسة
ملاخظة :
1- المنحة سوف توقف مباشرة بعد اغلاق الملف
2- ادراة البعثات لن تنظر الي اي طلب تمديد بدون رسالة اقفال الملف من  قبل الملحق الثقافي ببلد الدراسة (طبعا الا اذا كان واسطة كبيرة متستحقش كل هذا



ولك التوفيق        
    ( هده المعلومة من شخص امجرب )

descriptionقفل الملف  Emptyرد: قفل الملف

more_horiz
بارك الله فيك خوي سمير الزليتني على مشاركتك الطيبة..

بس يا ريت توضحلنا او تسأل صديقك هل المدة بين اغلاق الملف و الموافقة على التمديد من قبل ادارة البعثات طويلة؟؟ يعني شهر ولا شهرين ولا أكثر؟؟

انا لاحظت ان معظم الشباب يلي قاموا بالتمديد لم يرجعوا الى ليبيا فهل لديك توضيخ بهذا الخصوص؟؟

بارك الله فيك

descriptionقفل الملف  Emptyرد: قفل الملف

more_horiz
السلام عليكم ايها الأحبة..

كم يأخذ من الوقت اقفال الملف في الملحقية؟ هل في امكانية ننهي اجراء القفل في نفس اليوم؟

descriptionقفل الملف  Emptyرد: قفل الملف

more_horiz
اخي الكريم لابد انك تصكر الملف باش تقدر تقدم في تمديد الدرجة .. وبأذن الله كلما كانت المدة المتبقية اكثر كلما كان فرصتك في الحصول علي تمديد الدرجة اكبر.. لهذا هاذي تعتبر ميزة وليس عيب... والتضحية ب 12 شهر لاشيئ لانك راح تتحصل علي تمديد 5 سنوات... راهو اذا بقيت هكي راح تخطم علي المراجعة في وزارة التعليم العالي وراح يعرفو انك متخرج ليك اكثر من سنة من تاريخ التقديم علي التمديد الدرجة وقد يحذف اسمك في قسم المراجعة . طبعا يلي عنده واسطة لاينطبق عليه الكلام هذا .

descriptionقفل الملف  Emptyرد: قفل الملف

more_horiz
السلام عليكم ايها الأحبة..

كم يأخذ من الوقت اقفال الملف في الملحقية؟ هل في امكانية ننهي اجراء القفل في نفس اليوم؟
صلاحيات هذا المنتدى:
لاتستطيع الرد على المواضيع في هذا المنتدى