دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyوضع الموفدين فى كندا مع الاحداث الراهنة فى ليبيا لا يبشر بالخير

more_horiz
السلام عليكم أولا اللهم أنا نسالك ان تهدى الناس الى ما فيه خير للبلاد وأمان للعباد تزامنا مع الأحداث الراهنة فى ليبيا فان الطالب الليبي فى كندا يعانى نفسيا و ماديا و الحل غير معروف ارجو منكم طرح بعض الحلول لوضعنا الحالى فاذا استطعنا ان نصبر شهر أو اثنين فلن نستطيع ان نصبر أكثر من هذا و الله يكون فى عوننا

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
والله صدقتي ياختي عندك الحق ان شاء الله ربي يهنيء البلاد ويهدي الليبين ويجعهم علي خدمه الوطن ووضع الطالب غير معروف حتي وصلت بنا الدرجة ان الموضوع غير مهم لا ادري لماذا هل لان تعودنا ان تكون منحه لماذا السلبيه

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
اعتقد ان اتحاد الطلبة الذي انتخبناه من فترة يجب ان يتحرك لان الوزارات في ليبيا تشتغل ولم تتوقف والفلوس في مراحلها الأخيرة من الإجراء نتمني منهم ان يقوموا بواجبهم وإلا فما الجدوي من انتخابهم الطلبة الليبيين يشحتوا ويائسين محبطين بعضهم توقف عن الذهاب للمحاضرات وانا واحد منهم لا يوجد اي دافع العائلات والأطفال مرضي مش قادرين يدفعوا ثمن العلاج

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
انشالله ربي يفرجها عليكم

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
انشالله ربي يسير الامور بس اهم شي ما تيأس لان لا يأس مع الحياة و ان الله مع الصابرين و ربي يفرجها علي بلادنا لكن التغيب عن المحاضرات مش حل ابدا بالعكس لازم تقروا وتحطوا بلادكم قدام عيونكم انتم بادن الله اللي تروحوا وتبنوها وبعدين صغاركم يتعلموا منكم كيف يواجهوا المشاكل ادا ضعفتوا حتطلعوهم ناس ضعاف ما يقدروا يواجهوا اي مشكله ومش هدا الجيل اللي تعول عليه ليبيا باش تنهض علي رجليها الله يبارك فيكم الهمم علي شان بلادنا والله حالها يبكي والشكوة لغير الله مذلة
(اللهم اليك اشكو بثي وحزني ربنا انا مسنا الضر وانت ارحم الراحمين)

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
ربي يكون في عونكم وانا مع اختي فطمة ... وما عليكم إلا الصبر .... مش عارفة هل البحث عن فرصة للعمل تساعدكم في محنتكم ؟!!! أو أن الموضوع صعب؟؟؟ وما نوع الصعوبة؟؟؟

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
صحيح أخت فطمة صدقتي بارك الله فيك رفعتيلي معنوياتي المشكلة في النية والرغبة في الدراسة معاش فيه لكن بإذن الله حين أخذ بكلامك بارك الله فيك وبالنسبة للعمل أخت أحلام متوفر بس محتاج تصريح عمل واحني في فترة اللغة ما يحقلناش نشتغلوا إلا في الأكاديمي بس هذه القوانين الجديدة في شهر 6 -2014

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
ربي يفرج علي الجميع ويحفظ بلادنا

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
اللهم آمين

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
يا اخوان موضوع المنحة وين وصل خاصة كيف ماقلت حضرتك في المراحل الاخيرة الغريب مافيش حد يحكي عالمنحة هل الجميع عندهم فلوس ولا ايسوا ولا شنوا القصة ،،، ياريت يفيدونا وين وصلت المنحة لان الوضع اصبح ماساوي

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
والله تكلمنا تكلمنا وعيينا شئ سلبية من الكثيرين لو كان فيه فعلا ناس علي قلب واحد راهو كان صوتنا مسموع زي طلبة بريطانيا او بعض الدول الأخري لكن للأسف

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
وسعوا وسعوا اهو الحل جاكم !!!!
معقولة تستنوا في الحل لموا بعضكم وديروا وقفه في اي مكان
والا اتصلوا بعمي محمود في قناة ليبيا ون
و حيجيكم الحل يجري بس زي ما قلتلكم وسعوله راهوا ما يحبش الضيق و الزحمه وضع الموفدين فى كندا مع الاحداث الراهنة فى ليبيا لا يبشر بالخير 44597 

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
يفترض يكون في كل مدينه مكان او تجمع يشمل كل الطلبه الليبين لكي يجتمعوا فيه ويحلوا فيه مشاكل البعض ومن كل مدينه يطلع مندوب ويتصلوا ببعضهم من كل مدن كندا ونشوف الحل المناسب ام بخصوص اتحاد الطلبه سمعنا به في الفيس فقط اما بخصوص السلبيه هذا متعودين عليه احني الليبين راهو هذا مش حال بلادنا وربي يهدي ولاحول ولاقوه الا بالله

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
السلام عليكم
هذا رد السيد عصام العول وهو مدير مكتب الاعلام بمصرف ليبيا المركزي مشكورا رد على تساؤلاتنا مشكور وبارك الله فيه

عصام العول
33 دقيقة ·
توضيح بخصوص التحويلات الخارجية بما فيها تحويلات العلاج والطلبة الدارسين بالخارج :
بسم الله .. بدايةً نترحم على جميع ابناء ليبيا من الطرفين الذين سقطوا في المواجهات التي اندلعت مؤخراً في بلادنا، سائلين المولى عز وجل ان يتقبلهم برحمته وأن يحقن الدماء وان يجمع الجميع على كلمة سواء وان يكفينا شر الفتن والفرقة وتمزيق الوطن ...
وردتني في الايام القليلة الماضية العديد من التساؤلات والاستفسارات بشأن عمل مصرف ليبيا المركزي في ظل الظروف الراهنة ، إضافة الى التحويلات الخارجية وبخاصة الى اخوتنا الطلبة الدارسين في الخارج ..
وهنا وجب التوضيح ان الأزمة الراهنة تأثر بها المصرف المركزي تأثير مباشر ، ومع هذا فإن موظفي المصرف وحتى اواخر شهر رمضان المبارك مع بداية الاشتباكات في طرابلس عملوا قدر الإمكان على موضوع التحويلات الخارجية وبخاصة تحويلات الطلبة في الخارج حيث تم تنفيذ جزء من المعاملات ..
ولكن مع تصاعد وتيرة العنف في الفترة الأخيرة الذي تأثرت به بشكل مباشر كل المصالح والوزارات والهيئات في الدولة وكذلك مصرف ليبيا المركزي، مما تسبب في عزوف كامل لحضور الموظفين بسبب العامل الأمني اولاً ، ونفاد الوقود ، وكذلك ان اغلب الموظفين يقيمون في مناطق الاشتباكات ، الأمر الذي نتج عنه توقف بعض الخدمات المصرفية مؤقتا ومنها التحويلات الخارجية والتي تشمل ايضا الطلبة بالخارج..
ونظرا لتقديرنا الكبير لمعاناة الطلبة واسرهم في الخارج وكذلك المرضى والجرحى إضافة إلى ضخ السيولة في المصارف والعمل على فتحها بشكل عاجل .. تنادى الشرفاء في مصرف ليبيا المركزي وتم التشاور مع بعض مدراء الإدارات ومدير مكتب نائب المحافظ لتشكيل فريق عمل خاص بمواجهة الأزمة خلال هذه الأيام، وكانت أولى خطوات العمل هو وضع تقدير للعدد الضروري من الموظفين لتسيير أهم أعمال الإدارات خلال هذه الفترة وبدأ فعلا مدراء الإدارات إعداد قائمة بالأسماء المقترحة، بحيث نعمل على ضمان وجودهم في الإدارات قدر الإمكان، إما بتوفير سكن لهم بالقرب من المصرف وبخاصة للقاطنين في المنطقة الغربية (جنزور والسراج وما حولها) أو بتوفير الوقود لمن يستطيعون الحضور من المناطق الأخرى، وقد تم التواصل مع المجلس المحلي طرابلس للعمل على توفير الوقود اللازم لسيارات الموظفين او لتشغيل المحركات لدى المصارف بحيث نضمن تشغيل أكبر قدر ممكن من فروع المصارف والبدء في استئناف تنفيد التحويلات الخارجية وضخ السيولة وتأمين المصارف..
مع التأكيد على ان السيولة بمصرف ليبيا المركزي متوفرة ولا مشاكل بها ، كما ان تعليمات محافظ مصرف ليبيا المركزي واضحة وصريحة بخصوص التنفيذ الفوري لأي معاملات تخص المرتبات ودعم المحروقات والسلع التموينية وكذلك تحويلات الطلبة الدارسين بالخارج .
بعون الله خلال هذه الايام سيتم العمل على حل العديد من الاشكاليات واننا نبذل كل ما في جهدنا من اجل خدمة الوطن والمواطن في الداخل والخارج ... مع تقديرنا الكامل للمعاناة التي يعانيها الجميع بسبب تداعيات هذه الازمة التي يمر بها الوطن ...
اللهم وفقنا لخدمة الوطن واحقن الدماء واحفظ ليبيا وشعبها .. والسلام عليكم ..

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
وفقك الله 

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
يجب على الطلبة الليبيين المتواجدين في الخارج أن يتماسكو مع بعض وأسألو على بعضكم وأتركو الأنانية التي تقتلكم ويجب أن تتحدو أجعلو الحن على بعضكم لأن هناك من معه أطفال مرافقين وأكيد ضاق بهم الحال (أرحمو بعضكم أرحمو من في الأرض يرحمكم من في السماء) وربي أنشاء الله يفرج عليكم (ما تسيبوش بعضكم) تعلمو الدرس أرجوكم

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
بارك الله فيك يا خوي فعلا اكتر شي يحتاج له الشعب الليبي انه يحس بوجع غيره و يحن عليهمش عارفه الطيبه اللي كانت فينا وين مشت ربي يحنن قلوبنا على بعضنا وعلي بلادنا الحبيبه ليبيا

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
بارك الله فيك كلام جميل

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
السلام عليكم ورحمة الله وبركاته
بخصوص المنحة الدراسية واحد قالي من مصدر موتوق من مصرف ليبيا المركزي انا الحوالة تم تحويلها وتصل الي السفارة في اتاوا يوم الجمعة 8-8-2014 يعني والاسبوع هدا نازلة بأذن الله .صديقي اكدلي الخبر حبيت انطمنكم

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
يجب أن تتماسكو و تتعاونو مع بعض حتى يكون حمل الجماعة ريش وكما يقول ( يد الله مع الجماعة)
هناك بعض الموفدين معهم مرافقين و قد يكونو أطفال فأرجو أن تكونو كالجسد الواحد ولو على خاطر الأطفال الأبرياء أرحمو بعضكم وأتركو الأنانية لأن الوضع في ليبيا مخيف (هذا هو الواقع دون مجاملة) لذلك توكلو على الله و تراحمو مع بعض
 وفقك الله 

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
الله يطمن بالك و يستر حالك و الناس اللي تراجي في التاشيرة شني يصير فيهم لانه قالوا بعد تنحل المشكلة الماليه العالقه

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
أنا آسف كررت الكلام لأن النت عندي ضعيف جدا ظننت أن الرسالة الأولى لم يتم أرسالها فكررت الرسالة . آسف

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
أن شاء الله يارب يسمع منك والله ضاق بينا الحال يا إخوان ان شاء الله ربي يفرج عبي مل مضايق اللهم امين

descriptionوضع الموفدين فى كندا مع الاحداث الراهنة فى ليبيا لا يبشر بالخير Emptyرد: وضع الموفدين فى كندا مع الاحداث الراهنة فى ليبيا لا يبشر بالخير

more_horiz
بارك الله في كل من أعطى معلومة صادقة
صلاحيات هذا المنتدى:
لاتستطيع الرد على المواضيع في هذا المنتدى