دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionقبول لغة في كندا Emptyقبول لغة في كندا

more_horiz
السلام عليكم..

اني فتحت موضوع مرة في هالمنتدى وبارك الله في اللي حاولو يقدمولي مساعدة، واسف ان بنتعبكم معاي مرة ثانية يا خوتي

اني نبي نجيب قبول لغة ESL من MacEwan University في مدينة ادمونتون مقاطعة البرتا، طبعا علي حسابي الخاص.
الحق تقريبا كل المطلوبات اللي في الابليكيشن فهمتها وجاهزة عندي، لكن فيه مطلوب درجات الثانوية، حاطين مواد من الثانوية العامة زي الفيزياء والكيمياء والاحياء اللي للاسف اني ماقريتهاش وقريت اقتصاد في ايام الثانوية التخصصية (الله لا تربحك يا معمر)


فلهذا نبي نسألكم، هل نخليها فاضية ونعبي المواد اللي قريتها بس؟ وطبعا اني نبي نرسل الابليكشن لشخص في كندا وهو يقدمه شخصيا، ويبعتولي القبول ان شاء الله، أفيدوني بالله عليكم هل مفروض نرسله مع الابليكيشن الشهادة الثانوية؟ واي مستندات ثانية؟

وطبعا يبو التوفل او الايلتس، فهل في مكان معتمد في طرابلس ومفتوح توا نقدر ندير فيه اختبار؟

هذا موقع الجامعة للي يبي يشوف:
www.macewan.ca

descriptionقبول لغة في كندا Emptyرد: قبول لغة في كندا

more_horiz
اخى العزيز
زي ما فهمت تبي تقرا في معهد جامعه ماكون ولكن هل انت بتدرس اكاديميا في نفس الجامعه لان معهد اللغة يشترط دلك زى ماقريت اما ادا اردت ان تدرس اللغة فقط دون دراسة الجامعه فالافضل ان تبحت عن معهد اخر متل معهد جامعه البرتا وهو معهد ممتاز
اما ادا اردت الدراسة في برنامج جامعى في جامعه ماكون متل الاقتصادفالمطلوب شهادة تانوية بغض النظر عن التخصص بمعدل 60 في الميه والمهم بعد ماتقدم وتحصل قبول مشروط تقرا في معهدهم

descriptionقبول لغة في كندا Emptyرد: قبول لغة في كندا

more_horiz
@tark772001 كتب:
اخى العزيز
زي ما فهمت تبي تقرا في معهد جامعه ماكون ولكن هل انت بتدرس اكاديميا في نفس الجامعه لان معهد اللغة يشترط دلك زى ماقريت اما ادا اردت ان تدرس اللغة فقط دون دراسة الجامعه فالافضل ان تبحت عن معهد اخر متل معهد جامعه البرتا وهو معهد ممتاز
اما ادا اردت الدراسة في برنامج جامعى في جامعه ماكون متل الاقتصادفالمطلوب شهادة تانوية بغض النظر عن التخصص بمعدل 60 في الميه والمهم بعد ماتقدم وتحصل قبول مشروط تقرا في معهدهم


شكرا على الرد اخي الكريم...
نعم بالضبط، نبي ندرس لغة فقط من غير الجامعة، لان ناوي ان شاء الله ندرس الطيران بعدها.

هل يعني مانقدرش نقرأ لغة فقط عندهم؟ وهل معهد البرتا موجود في ادمونتون؟ وممكن الموقع الالكتروني ليه لو سمحت.

descriptionقبول لغة في كندا Emptyرد: قبول لغة في كندا

more_horiz
وعلى فكرة يا خوي، وين قريتها ان ضروري نقرا اكاديميا عندهم باش يقبلوني للغة؟ لان الحق بحث عليها في الموقع متعهم مالقيتش شرط زي هذا، والشخص اللي اللي قالي عالمعهد عارفني نبي لغة فقط.

descriptionقبول لغة في كندا Emptyرد: قبول لغة في كندا

more_horiz
بالنسبة لجامعه ماكون عندهم دبلوم عالى إدارة طيران مع منح رخصة يعنى مجالك عندهم وما فيش دراسة اكاديمية للطيران في ادمنتون الا عندهم اما بالنسبة للغة وين الشرط القيته هدا هو الرابط
http://www.macewan.ca/wcm/SchoolsFaculties/ArtsScience/CentresandInstitutes/MacEwanEnglishLanguageInstitute/index.htm
وتلقاه في اخر الاسطر
بالنسبة لمعهد جامعه البرتا موجود اكيد في مدينه اديمنتون وهدا الرابط امتاعه
http://www.extension.ualberta.ca/study/english-language-esl/eap/
وعلى العموم انا بعتت لك في رسالة سابقة الجامعات الى فيها طيران اكاديمى وكدلك المراكز التي بتدرس طبران وهدا هو الرابط متاعها
https://www.almofad.com/t28128-topic

descriptionقبول لغة في كندا Emptyرد: قبول لغة في كندا

more_horiz
بالنسبة للايلتس في ليبيا في مكانين
الأول المركز التقافى البريطاني في السياحية طرابلس
والتانى مركز اليتا في حى الاندلس سمافرو التضامن

descriptionقبول لغة في كندا Emptyرد: قبول لغة في كندا

more_horiz
@tark772001 كتب:
بالنسبة لجامعه ماكون عندهم دبلوم عالى إدارة طيران مع منح رخصة يعنى مجالك عندهم وما فيش دراسة اكاديمية للطيران في ادمنتون الا عندهم اما بالنسبة للغة وين الشرط القيته هدا هو الرابط
http://www.macewan.ca/wcm/SchoolsFaculties/ArtsScience/CentresandInstitutes/MacEwanEnglishLanguageInstitute/index.htm
وتلقاه في اخر الاسطر
بالنسبة لمعهد جامعه البرتا موجود اكيد في مدينه اديمنتون  وهدا الرابط امتاعه
http://www.extension.ualberta.ca/study/english-language-esl/eap/
وعلى العموم انا بعتت لك في رسالة سابقة الجامعات الى فيها طيران اكاديمى وكدلك المراكز التي بتدرس طبران وهدا هو الرابط متاعها
https://www.almofad.com/t28128-topic


بارك الله فيك علي كل التوضيحات وتعبتك معاي، لكن اني قريت الشرط اللي قلته مافهمتاش زيك
International applicants (students studying in Canada on a study permit or other visa) interested in taking English as a Second Language courses must apply to MacEwan's University Studies International program

يعني فهمت ان التقديم يكون في الprogram متع الـESL للمهتمين بدراسة ESL واني ارسلت رسالة للجامعة للتوضيح.
عموما اني حنبعت لماكوان طلب قبول ولمعهد البرتا ونشوف الرد من الاثنين.

وبالله عليك يا خوي نبيك تفهمني شن نكتب في متع الدرجات الثانوية اللي حاطينهم في الابليكيشن اللي حكيت عليه في الموضوع.

descriptionقبول لغة في كندا Emptyرد: قبول لغة في كندا

more_horiz
بعتلك رسالة على الخاص

descriptionقبول لغة في كندا Emptyرد: قبول لغة في كندا

more_horiz
I would like to recommend you to apply for another institute that it  is more related to flying studies instead of generic one

descriptionقبول لغة في كندا Emptyرد: قبول لغة في كندا

more_horiz
ان شا الله نقدر انساعدك وبعتلك على الخاص

descriptionقبول لغة في كندا Emptyرد: قبول لغة في كندا

more_horiz
السلام عليكم ،
خوي ، ننصحك تقرا في لغه في ليبيا ، بتقولي كيف نقرا في ليبيا انقولك ؟
اول حاجه لو ماحصلتش مكان يعطي في كورس انجليزي في ليبيا ،حاول انك تقرا في الحوش .فيه مواقع في الانترنت مفيده جدا .ودير بريبرشن للايلتس وديره في ليبيا .حاول انك تجيب
حتي 6.0 . وبعدها راسل الجامعات ،
لانه علي حسب مافهت انك بتقرا علي حسابك الخاص، وقرايه اللغه مكلفه في كندا وماتحصلش من النتيجه المطلوبه .يعني الكورس الواحد في جامعه البيرتا 2290 دولار علما ان مدته 7 اسابيع وتبي اكثر من خمسه كورسات لو انتا مبتدأ ،
نصيحتي ليك باش تختصر الوقت والمال ، حاول انك تقرا لغه في ليبيا
ربي يوفقك

descriptionقبول لغة في كندا Emptyرد: قبول لغة في كندا

more_horiz
السلام عليكم ،
خوي ، ننصحك تقرا لغه في ليبيا ، بتقولي كيف نقرا في ليبيا انقولك ؟
اول حاجه لو ماحصلتش مكان يعطي في كورس انجليزي في ليبيا ،حاول انك تقرا في الحوش .فيه مواقع في الانترنت مفيده جدا .ودير بريبرشن للايلتس وديره في ليبيا .حاول انك تجيب
حتي 6.0 . وبعدها راسل الجامعات ،
لانه علي حسب مافهت انك بتقرا علي حسابك الخاص، وقرايه اللغه مكلفه في كندا وماتحصلش من النتيجه المطلوبه .يعني الكورس الواحد في جامعه البيرتا 2290 دولار علما ان مدته 7 اسابيع وتبي اكثر من خمسه كورسات لو انتا مبتدأ ،
نصيحتي ليك باش تختصر الوقت والمال ، حاول انك تقرا لغه في ليبيا
ربي يوفقك
صلاحيات هذا المنتدى:
لاتستطيع الرد على المواضيع في هذا المنتدى