دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionالرفض بعد الموافقة  Emptyالرفض بعد الموافقة

more_horiz
السلام عليكم .
للاسف الشديد لدي صديق كان موجود معاي في كندا استنا التاشيرة مدة ستة شهور والحمد لله خدي التاشيرة من طرابلس من شهر اربعة وكمل الاجرات ووصل لكندا وبعد شهرين من الوصل رجع الي ليبيا حتي يتم العرس وياتي بزوجتة علما بان زوجتة قدمت اون لاين بداية شهر خمسة انتظرت شهر وبعتولها الكشف وداراته في جنزور والامور تمام بعدين قعدت تستنا في التاشيرة وكانت موقفة العرس علي خاطر التاشيرة طبعا الاسبوعين الي فاتو البلاد خشت بعضها الراجل لغي العرس ودارة عائلي واستلمت ايميل من تونس قبل العرس بعشرة ايام علي اساس قالوله تعالي جيب الجواز بتع جوزتك وتعالي الي هني تمام
بعدين مشي لتونس ومشي للسفارة قالوله اعطينا الجواز ورقم تليفونك وبعد يومين نكلموك
تاني يوم استلم ايميل برفض الزوجة والسبب غير مقنع كلموه تاني يوم قالوله تعالي استلم الجواز ومعاه الرفض معاش عرف شنو يدير
بالله عليكم الي عنده اي حل يرد علينا الراجل قاعد في تونس هو وزوجتة ومعاش عرف شنو يدير ومع العلم بان الدراسة بتبدا شهر تسعة ومعنداش حوش في ليبيا عابي علي كندا . والمعاملة في تونس زي الزفت حشاكم , والسلام عليكم ورحمة الله وباركاتة

descriptionالرفض بعد الموافقة  Emptyرد: الرفض بعد الموافقة

more_horiz
السلام عليكم .. خوي قدر الله ماشاء فعل .... الرفض كاثر في الفترة الاخيرة ياعني مش في حالة صديقك بس... التقديم من جديد وليكن اون لاين هيا توة حاليا وحتي ماتبيش ولا ورقه من الوزرة لانه كاملات تدير قبول جديد باش تقدم بيه تاني اون لاين اسرع ع الاقل شويه غير توة الظروف الماليه عطلو فيه .. وهو يكلم المدرسة انه احتمال يتاخر ،،، او حلها يسافر يبدا الدراسه وزوجته تقعد مع اهلها لين تتحصل علي التاشيرة وتلحق عليه ،، فيه حاله قريب عليه هني جي زوجها بعدين لحقت عليه زوجته لانه رافضينا بسبب صحتها ماتمسحهش الي ان ترزق بمولود.. ياخذ اجراء سريع.

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالرفض بعد الموافقة  Emptyرد: الرفض بعد الموافقة

more_horiz
بارك الله فيك سراب الحقيقة
صلاحيات هذا المنتدى:
لاتستطيع الرد على المواضيع في هذا المنتدى