مسافر يطلب المساعده

السلام عليكم ورحمة الله.. خوكم مسافر بعد اسبوعين الى تورنتو...فياريت تنصحوني شن نرفع معاي وماهي احوال الطقس في تورنتو هده الايام (السؤال موجه للطلبه المتواجدين في كندا الآن)...الرجاء الاجابه في اقرب وقت...والله لا يضيع اخر من احسن عملا.

الجو كويس بس الشمس قويه درجه الحرارة في العشرينات وان شا الله تقعد هكى حتى يكمل الشهر وبالنسبة للدبش ماتشرى شى من ليبيا لانه بتاخد الحوايج من كندا على خاطر الشتاء جاي والحوايج الى عندنا ماتمشيش مع الجو متاعهم لهدا خود من كندا

مشكور يا طارق...انا مسافر يوم 9/15 من تونس ... ان شا ءالله مايردوناش من كندا بسبب الوضع المزري للبلاد.

بلتوفيق انشالله -----

هل يمكنك اعطائي عنوان لمكتب او وكاله للحجز الي كندا
شكراا

السلام عليكم: اولا ان شاء الله توصل بالسلامة ثانيا فعلا اخي مثل ما اوضح اخ طارق ان هنا عندهم اللبس الخاص بالشتا ولازم تشري من هنايا البالطوا الخاص بس ممكن اتجيب معك جاكيت لأن في الليل الجو بارد مع ان اغلب طالعاتك حتكون بالنهار لأنهم هنايا ايصكروا بكري ولكن ع الاحتياط. كذلك اكيد انك امداير حسابك ورافع معاك مبلغ راهوا مهم جدا خاصة بالفترة الاولى كل شيء حيكون على حسابك لحين نزول المنحة ان شاء الله. كذلك اذا كان جهازك سامسونج انصحك بأنك اتجيب معك بطارية اضافية دائما تكون مشحونة معك لأن هنايا الشحن ايتم بسرعة ومرات تبدا محتاج للتليفون. اخي اغلب الاشياء متوفرة هنا فلا تخف خاصة تورنتو بها جالية عربية كبيرة. اهم نقطة عند نزولك مطار تورنتو على خير تأكد من ان موظف الهجرة اعطاك ورقة study permit بعد ختمها. بالتوفيق ان شاء الله

@اسامه السنوسي كتب:

بلتوفيق انشالله  -----

هل يمكنك  اعطائي  عنوان  لمكتب  او  وكاله  للحجز   الي  كندا
شكراا

هده ارقام  المكتب اللي حجزت منه في صبراته يا "اسامه السنوسي"..
00218233623123 Fax
00218925216177 mobile
00218917585627

وطبعا كل ما يكون تاريخ الحجز بعيد كل ما ترخص التدكره
بالتوفيق

مشكوره اخت رنا على التوضيح الشامل.
بالتوفيق.

السلام عليكم: اخت احلام التكلفة انت ممكن تتحكمي فيها بشكل كبير يعني اذا بتأثثي بالاثاث المستعمل راح ايجيك ارخص بكثير لكن طبعا في اشياء على الاغلب حتشريها جديدة زي ادوات المطبخ ودار النوم (او على الاقل المراتب) اما الباقي كله من صالون وتلفزيون وطاولة اكل ممكن تشريه مستعمل ونظيف وارخص بكثير وهذا كله ممكن ايكلف لشقة من حجرة واحدة مابين 2000- 3000 ومرات اقل او اكثر ماهو قلتلك انت تتحكمي كل ما شريتي من المستعمل بتقل التكلفة مرات للنصف. اما اذا حابة تشري جديد فالمحلات متوفرة وفيه محلات ارخص زي اكيا او الول مارت بس التكلفة حتكون اكثر. على العموم انا انصح اي طالب موفد خلال سنة اللغة ميكثرش من الاثاث وميتعبش روحه هلبة بتجهيز الشقة لحين ان شاء الله يستقر ويحصل قبول اكاديمي وقتها ايجهز الشقة وهو مرتاح انه باقي فيها مدة طويلة. وان شاء الله افدتك

حالة الجو بدت تبرد جيب علي الاقل الشالات وكبوط وماليات الشتاء اللي عنذك ويدفو مش غير تجيبهم وخلاص

السلام عليكم .....فعلا أخي حالة الجو بدأت تبرد ومتدبدبة مرات أول النهار تصل إلى 5 أو 6 وبعدها تتغير 8 أو 11 ومرات تصل ل15 وكلها قاعدة برودة خصوصا أصحاب الأطفال يستبردوا جيب معاك بعض الملابس الشتوية يلي عندنا في ليبيا لان الجو مش ثلج ولكن بارد فعلا مثل الداخليات والجبوطيات والقفازات والشالات كلهم تحتاجهم وتوصلوا بالسلامة .