دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionوصلنا لتورنتو بالله مساعده Emptyوصلنا لتورنتو بالله مساعده

more_horiz
السلام عليكم.....انا وصلت اليوم تورنتو وزعماتك حاجز فندق حاجة كويسه من النت مع الصور يبان حاجة مليحة ل 3 انفار...بعد ماخشيت الفندق لقيته غرفه بسرسرين وحمام بس...وتعاركنا مع مالك الفندق و كان جي موعد وصولنا في النهار راهو طلعنا منه لكن وصلنا في الليل....من الاخير بالله اي حد عنده خبره في البحت عن الشقق يساعدنا ويكلمني عالخاص والله لا يضيع اجر من احسن عملا.

descriptionوصلنا لتورنتو بالله مساعده Emptyرد: وصلنا لتورنتو بالله مساعده

more_horiz
@allebee كتب:
السلام عليكم.....انا وصلت اليوم تورنتو وزعماتك حاجز فندق حاجة كويسه من النت مع الصور يبان حاجة مليحة ل 3 انفار...بعد ماخشيت الفندق لقيته غرفه بسرسرين وحمام بس...وتعاركنا مع مالك الفندق و كان جي موعد وصولنا في النهار راهو طلعنا منه لكن وصلنا في الليل....من الاخير بالله اي حد عنده خبره في البحت عن الشقق يساعدنا ويكلمني عالخاص والله لا يضيع اجر من احسن عملا.


بعتلك رقمي اتصل بيا

descriptionوصلنا لتورنتو بالله مساعده Emptyرد: وصلنا لتورنتو بالله مساعده

more_horiz
السلام عليكم ،، اخي بالله بنسالك قداش ليها تأشيرتك صادره؟؟ لان في ناس تم إلغاء تاشيرتهم ،، سامحني غيرت الموضوع

descriptionوصلنا لتورنتو بالله مساعده Emptyرد: وصلنا لتورنتو بالله مساعده

more_horiz
يا ريت يا أخ allbee تزيد تساعدنا وتقولنا على طريقة سفرك إلى كندا . المسار اللي خديته والتكلفة قداش . بالإضافة هل انت سافرت بعد ما قالولك ان فلوس تفويضك وصلو والا مشيت اول ما حصلت التفويض . ويا ريت تحكيلنا هل واجهتك أي مشاكل في الدخول ألي كندا أو لا وشكرا ليك

descriptionوصلنا لتورنتو بالله مساعده Emptyرد: وصلنا لتورنتو بالله مساعده

more_horiz
لو سمحت اخي ياري تعلمنا امتا تحصلت على تأشيرتك وهل معك عائلة؟ والمدة بين حصولك على التأشيرة ووصول التفويض للمكتب الكندي لاننا سمعنا اخبار مزعجة بخصوص وصول طلبة الى كندا ورجوعهم الى ليبيا بسبب الغاء تأشيراتهم ونود ان نعرف ما السبب لتفادي هذه المشكلة. وربي يوفقك ان شاء الله في الحصول على فندق مناسب

descriptionوصلنا لتورنتو بالله مساعده Emptyرد: وصلنا لتورنتو بالله مساعده

more_horiz
بتوسع بالك شوية وبتتحمل يا خوي مع عايلتك لانه الشقة راهي مش ساهلة ومش اول شقة تشوفها تقول خلاص هيا هدي لا لا فيه حتشوف هلللللبة ركز علي الاقرب متلا علي معهد اللغة بتاعك شوف المحطة تاع الصب وي كم بعدها منك وكان بتاخذ باص شوف وين الستوب الباص الي بتوقف فيه دير قدامك الدنيا مطر وصغارك اي مدرسة اقربلهم هذو اهم حاجات لانه جاي شتااء وتقادي للتعب والتشحوير تور لانه بعيلتك وسع بالك يا خوي وتحمل في الفنذق ايامات بس بدل ماتستعجل وتمشي لشقة هروب من حاله الفندق ببضايعك وصغارك وتمشي تنقل منها مره تانية ... حط معهدك يساعد نعروفلك االاقرب

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionوصلنا لتورنتو بالله مساعده Emptyرد: وصلنا لتورنتو بالله مساعده

more_horiz
افتح الموقع هذا مع المواقع اللي حتلقاهم في المواضيع المتبته هني

http://www.expedia.ca/Toronto-Hotels-Town-Inn-Suites-Toronto.h8010.Hotel-Information?chkin=13%2F09%2F2014&chkout=27%2F09%2F2014&rm1=a2%3Ac1%3Ac3&hwrqCacheKey=9bcc828e-5ddb-43e7-9be3-feaf6f385dbfHWRQ1409505030054&c=802ee028-3ebc-4308-a7ab-62b4b99f44c2

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionوصلنا لتورنتو بالله مساعده Emptyرد: وصلنا لتورنتو بالله مساعده

more_horiz
السلام عليكم:
عندكم علم اني قاعد لي توا ماحصلتش شقه الا هاليومين كيف شدت وطلبو مني كشف حساب وانا توا كيف فاتح حساب ((غريب الايجار هني)).
وبالنسبه لحق التدكره 1640 تونس-المانيا-كندا وما واجهتنيش اي مشاكل...بعض الاسئله البسيطه وشوية ورق...رسالة القبول وورق التاشيره والجواز ومرحبا بك في كندا....ونصيحه مني عبو جيوبكم راهي الدنيا غاليه نار.
وانا عزابي سافرت انا وزو صحابي يوم 9/15لما سمعت ان التفويض 11 وصل للمكتب الكندي مع ان تفويضي رقم 12.
تاشيرتي واخدها عالنت تميت اجراءاتها من الاردن وخديتها شهر 3 من برج طرابلس.

توكلو على الله وسافرو

والله ولي التوفيق

descriptionوصلنا لتورنتو بالله مساعده Emptyرد: وصلنا لتورنتو بالله مساعده

more_horiz
الحمد لله علي سلامتكم ياشباب واي خدمه في تورنتو تفضلوا

descriptionوصلنا لتورنتو بالله مساعده Emptyرد: وصلنا لتورنتو بالله مساعده

more_horiz
@tark gharab كتب:
الحمد لله علي سلامتكم ياشباب واي خدمه في تورنتو تفضلوا


منور يا طارق بارك الله فيك....انا اللي قابلتك في محطة كيبلينق عرفتنا ولا لا....والله ماقصرت بارك الله فيك
وبالنسبه للشقه يوم الاتنين بنوقعو العقد لاذن الله. cheers
صلاحيات هذا المنتدى:
لاتستطيع الرد على المواضيع في هذا المنتدى