دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionالغاء التاسيرة الكندية Emptyالغاء التاسيرة الكندية

more_horiz
اخوتي الاعزاء هناك موضوع مزعج جدا وهو الغاء التاشيرة الكندية بعد صدورها فمن منكم تعرض لمثل هذه القصة ؟ وفي رأيكم ماهو السبب هل هو تأخر السفر كثيرا منذ صدور التأشيرة ام توجد اسباب اخرى ؟ وما العمل في هذه الحالة ؟ نتمنى الا يتعرض احد الطلبة لهذا الموقف بعد تحمل مشاق وتكاليف السفر ليعود ادراجه خاصة اذا كانت لديه عائلة . وياريت الطلبة اللي دخلوا كندا مؤخرا يحكولنا امتا خدوا التأشيرة وهل واجهتهم مشاكل اثناء الدخول ام لا.

descriptionالغاء التاسيرة الكندية Emptyرد: الغاء التاسيرة الكندية

more_horiz
والله انا يا اختي بروحي استغربت لما قريت اكتر من حالة في الفيس تم الغاء تاشيرتهم بس بنقولك علي رايي لازم الموفد يكون علي اتصال ديما بالمكتب الكندي لانه التاشيره اصلا عا؛ينهاله بضمان من المكتب الكندي مش الواحد ياخذ تاشيرته وخلاص كانه ضمن المشية لا لا ... تواصله مع المكتب الكندي ممكن يخليه علي الاقل اب ديت باي معلومه ممكن تصير علي الاقل حتي يقوللهم بعد سنه بنجي لانه عندي متلا ظروف ... هما حيكونو في مسؤوليه قدام حكومتهم ... هكي توقعاتي وانسب الحلول لتفادي اي موضوع ممكن يصير اللموفد في غني عنه التاشيرة من صدورها تكون تحت المراقبه زي مايقولو ياعني حيسجلولك الدخول والخروج في سيستمهم واوي تعديلات او شكوك ممكن يديروها ومن حقهم ..

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "

descriptionالغاء التاسيرة الكندية Emptyرد: الغاء التاسيرة الكندية

more_horiz
ياريت اللي دخل كندا في هالفترة يطمنا ويحكيلنا عن تجربته وامتا خدا التأشيرة لاننا فعلا خايفين نوصلوا لعند غادي ويردونا ,انا شخصيا ما نعرفش حد ردوه لكن سمعت ان في شخص عازب ردوه وعائلة من يومين ردوها واللي مر بالتجربة يحكيلنا ارجوكم

descriptionالغاء التاسيرة الكندية Emptyو الله خوفتوني

more_horiz
بالله عليك اختي خبريني امتى حصلتي على التاشيرة بالضبط.......يعني تاريخ تعليقها فجواز سفرك.؟؟؟؟؟؟؟؟؟

و السلام عليكم

descriptionالغاء التاسيرة الكندية Emptyرد: الغاء التاسيرة الكندية

more_horiz
بالنسبة ليا تحصلت عليها في 15/5/2014 وقاعدة نستنا في التفويض لكن اللي ردوهم ما عنديش علم امتا وشنو السبب واللي خشوا كندا هذه الايام قاعدين نستنوا فيهم باش يردوا علينا ويحكولنا وان شاء الله خير

descriptionالغاء التاسيرة الكندية Emptyرد: الغاء التاسيرة الكندية

more_horiz
أنا لغولي التأشيرة وأخدتها من شهر واحد وسالت ما الأسباب لم يتم الرد عليا،، من العلم أني جميع مستحقا تي المالية وصلت للمكتب الكندي،، و المكتب قالي تقدري تسافري

descriptionالغاء التاسيرة الكندية Emptyإلغاء التأشيرة الكندية موضوع جدا مهم

more_horiz
بالنسبة ليا تحصلت عليها في 15/5/2014 وقاعد نستنا في التفويض

descriptionالغاء التاسيرة الكندية Emptyرد: الغاء التاسيرة الكندية

more_horiz
لا اله الا الله يعني توا اللي يسلم من الرفض يخاف من الرده من غادي..عليك حاله وخلاص..ربي يلطف بالحال

descriptionالغاء التاسيرة الكندية Emptyرد: الغاء التاسيرة الكندية

more_horiz
السلام عليكم
انا تحصلت على التاشيره شهر 3/2014 وسافرت يوم 15/9/2014 الغاء التاسيرة الكندية 637898  وماقابلتنيش ولا مشكله في المطارات باستثناء كثرة الاسئله الغاء التاسيرة الكندية 241993  وهي اسئله اجابتها ساهله مثل ليش جاي لكندا ::طبعا الاجابه للدراسه:: ولازم  يكون الورق التالي جاهز عندك:: ورقة دعم التاشيره من المكتب الكندي و الورق اللي عطوهواك لما درت التاشيره  وكان حصلت عنوان المكان اللي بتقيم فيه فندق ولا صديق ورسالة القبول من المعهد والا الجامعه اللي بتقرأ فيها وطبعا جواز السفر... الورق هدا طلبوه مني قبل ما نركب الطياره المتجه من المانيا لكندا وطلبوه تاني في مكتب الهجره اللي في مطار تورنتو.. وانا توا قاعد نجري ع ايجار شقه من يوم وصلت.....فلهادا كان عندكم حد يجهزلكم شقه قبل ما تجو احسن لانه صعبه هني في تورنتو..وموضوع ان يردوك من المطار هده ما اعتقدش صحيحه حتى انا سمعت بيها قبل السفر وماعدلتش وسافرت...توكلوا على الله والله الموفق...وفيه خبر كويس هو اعتقد ان المنحه زادت cheers ...وربي يوفقكم.

descriptionالغاء التاسيرة الكندية Emptyرد: الغاء التاسيرة الكندية

more_horiz
كيف يعرف الواحد انه تاشيرته لغيت؟؟ حسني خفت

descriptionالغاء التاسيرة الكندية Emptyرد: الغاء التاسيرة الكندية

more_horiz
شكرا على تواصلك اخي الكريم لكن انا لا يوجد لدي رسالة دعم التأشيرة من المكتب الكندي لانه يتم ارسالها مباشر الى السفارة مؤخرا ولا يوجد لدي اي مستندات غير التأشيرة المعلقة على الجواز والقبول الدراسي ودعم التأشيرة من البعثات ولا توجد لدي مستندات وصلت قبل او بعد التأشيرة غير الورقة الصغيرة تبع البصمة... هل لدي مشكلة هنا؟؟

descriptionالغاء التاسيرة الكندية Emptyرد: الغاء التاسيرة الكندية

more_horiz
السلام عليكم..
يا manarlibya لا ماعندكش مشكلة عادي المهم عندك قبول المعهد والفيزا اهم شي وكان عندك عنوان المكان اللي بتسكني فيه كويس.

بالتوفيق.

descriptionالغاء التاسيرة الكندية Emptyرد: الغاء التاسيرة الكندية

more_horiz
@manarlibya كتب:
بالنسبة ليا تحصلت عليها في 15/5/2014 وقاعدة نستنا في التفويض لكن اللي ردوهم ما عنديش علم امتا وشنو السبب واللي خشوا كندا هذه الايام قاعدين نستنوا فيهم باش يردوا علينا ويحكولنا وان شاء الله خير


هذا يعني انك تنتظري التفويض منذ ما يزيد عن اربعة اشهر!!! هل هذا عادي؟! سمعت --من مسئول في مكتب البعثات-- انه بعد تسليم التأشيرة نحتاج الى شهر او شهرين فقط للحصول على التفويض، فهل هذا الكﻻم غير دقيق ام انت حالة استثنائية؟

بخصوص التأشيرة الكندية اصبحوا يرفضوا اكثر طلبات التأشيرة من الطلبة المبعوثين بعد اشتباكات يوليو-أغسطس الماضيين وﻻ تختلف كندا في اتجاهها العام هذا عن الدول اﻻخرى ربما كانت فقط اكثر تشددا من غيرها. كل الدول يفكروا اننا سنصبح عبء عليهم اذا سأت اﻻمور في ليبيا و توقفت منحاتنا ونحن هناك. ﻻيمكنهم طردنا ببساطة في تلك الحالة لدواعي انسانية وعلمية وبالتالي اﻻسهل هو رفضنا من اﻻساس حتى ﻻ يتورطوا في التزامات ثقيلة.

descriptionالغاء التاسيرة الكندية Emptyرد: الغاء التاسيرة الكندية

more_horiz
[quote="Mr.cold"]يا منار ليبيا ، عندك ورقة دخول لكندا ؟ هادي يبعتوهالك علي ايميلك بعد ما يلصقوا التأشيرة لان فيه هلبة يردوا فيهم من المطار بسببها مش ليبيين بس حتي الجنسيات الأخري لانها مهمة

لا يا خوي ما عنديش الورقة هادي وسئلت عليها قالوا معادش يبعتوا فيها .

descriptionالغاء التاسيرة الكندية Emptyرد: الغاء التاسيرة الكندية

more_horiz
@Meedo كتب:
@manarlibya كتب:
بالنسبة ليا تحصلت عليها في 15/5/2014 وقاعدة نستنا في التفويض لكن اللي ردوهم ما عنديش علم امتا وشنو السبب واللي خشوا كندا هذه الايام قاعدين نستنوا فيهم باش يردوا علينا ويحكولنا وان شاء الله  خير


هذا يعني انك تنتظري التفويض منذ ما يزيد عن اربعة اشهر!!! هل هذا عادي؟! سمعت --من مسئول في مكتب البعثات-- انه بعد تسليم التأشيرة نحتاج الى شهر او شهرين فقط للحصول على التفويض، فهل هذا الكﻻم غير دقيق ام انت حالة استثنائية؟

بخصوص التأشيرة الكندية اصبحوا يرفضوا اكثر طلبات التأشيرة من الطلبة المبعوثين بعد اشتباكات يوليو-أغسطس الماضيين وﻻ تختلف كندا في اتجاهها العام هذا عن الدول اﻻخرى ربما كانت فقط اكثر تشددا من غيرها. كل الدول يفكروا اننا سنصبح عبء عليهم اذا سأت اﻻمور في ليبيا و توقفت منحاتنا ونحن هناك. ﻻيمكنهم طردنا ببساطة في تلك الحالة لدواعي انسانية وعلمية وبالتالي اﻻسهل هو رفضنا من اﻻساس حتى ﻻ يتورطوا في التزامات ثقيلة.


نعم اخي للاسف انتظر التفويض منذ الاول من يونيو وحالتي ليست استثنائية للاسف وهذا ما حصل للتفويضات الاخيرة 16و17و18 ولازلنا ننتظر

descriptionالغاء التاسيرة الكندية Emptyرد: الغاء التاسيرة الكندية

more_horiz
السلام عليكم  اود الاستفسار اكثر عن موضوع الغاء التأشيرة لانني قد تحصلت عليها من شهر 4 والتفويض نزل في شهر9 هل يمكن ان يرفضوني وكيف يمكنني التواصل مع المكتب الكندي  لانني اجلت دراستي لشهر 1
صلاحيات هذا المنتدى:
لاتستطيع الرد على المواضيع في هذا المنتدى