قرار المجالس المحلية

اليوم كنت في ادارة البعثات مشيت استفسر عن قرار ايفاد الخاص بمرشحين المجالس المحلية خشيت للمكتب الاول علي اليسار سئلت هل فيه قرار صدر للمجالس المحلية قالي بتردد ايه قتله نبي نتاكد من اسمي في اي قرار قالي خوذ نموذج تاكيد مشيت خذيت نموذج تاكيد قرار ايفاد من الشباك قبل الاخير علي اليسار عبيت النموذج وكان فيه اربع اشياء مطلوبة الاول الايميل و الثاني اسمك رباعي و الثالث رقم قرار الايفاد و الرابع التخصص.
قبل مانعبي النموذج وليت لاول مكتب ع اليسار قتله شن نكتب مكان رقم القرار لاني مش عارف اسمي في اي قرار قالي مش ضروري
قتله كيف نعرف اسمي قالي مزال مش توا
سؤالي كيف نتاكد من اسمي في اي قرار ؟

60 مشاهدة ولا اجابة ؟؟؟؟؟؟؟؟؟؟؟؟؟

اخي ربيع اذا اعتقد انه حتا بدون الرقم لان قرارت المجالس المحلية قليلة ومعروفة يعني هل تم قبول النموذج الي عبيته ؟؟؟؟؟؟؟؟؟

هل هو نفسه قرار اطباء الجبهات او لا

اذا كان قبلو منك النموذج اخي ربيع
فعندك اسبوع حيوصلك فيه كل المعلومات الخاصة بيك على ايميلك
بيوصلك اسم مستخدم وباسوورد تخش بيه على منظومة تلقا كل المعلومات الخاصة بيك
وانشالله اكون افدتك

اخي الشريف..... مشكور علي ردك
هوا قبلو مني النموذج ولما سلمت النموذج سئلته قديش المدة المتوقعة للرد علي الايميل قالي اقصي مدة عشرة ايام
انا مرشح عن طريق المجلس المحلي من فترة بس مش عارف كم قرار اصدر للمجالس المحلية وهل تم تعميم القرارات لو كان عندك اي معلومة عن القرارات و صور ياريت تراسلني
ومشكور مجددا

اخى ربيع نتمنى منك ان تتواصل معاى على الخاص اخى الغالى

السلام عليكم اخي

امشي للبعثات الدور الارضي طوووول ثاني او ثالث مكت على اليمين نهاية الممر من الشباك الكبير قوله طلبت تأكيد ايفاد وما بعثتولي شي على الايميل بيسألك ع اسمك ورقم القرار ...هنا قوله انت اسمك ولكن ما تعرف رقم القرار ...كان قالك باهي بشوفلك ...اني الحق حصلت رقم القرار عن عن عن عن بيش عرفته ......المهم تلقى شاب هادي محترم ولابس نظارات ..تقريبا اسمه اشرف بالك يساعدك لان..لما قلتله ما وصلني شي ع الايميل ..تأكد من اسمي و سحبلي ورقة فيها اسمي رقم القرار الايميل متاعي و اسم مستخدم و رقم سري و موقع المنظومة متاع الاجراءات .فتحته وعبيت النموذج ونسأل الله يعجل بالرد والتفعيل .والله ولي التوفيق

بارك الله فيك اخي الهندي علي التوضيح
وربي يساعدنا

بالنسبه لى قرار 313تابع المجالس المحليه عندى جزء منه الان ياريت تعطينى اسمك كامل نشوفك وشن تبى تقرا ماستر او جامعه

اخوانى الهندى , ربيع الدايمى ,و النبض الهامس,, ممكن تساعدونا فى موضوع معرفة الاسم هل هو ضمن احد القرارات ام لا,, راهو نسكن بعيد جدا عن طرابلس ومانقدرش نسافر على اساس تعبئة نموذج ,, الله يبارك فيكم فى هذه الليلة

تى حتى التواصل معاكم على الخاص صعب لان عدد المساهمات لاتسمح لى باستخدام هذه الخاصية

باهى يا خوى توا نبعتلك ايميلى على الفيس بك على الخاص وضيفنى ونتكالموا مع بعضنا

النبض الهامس كتب:

باهى يا خوى توا نبعتلك ايميلى على الفيس بك على الخاص وضيفنى ونتكالموا مع بعضنا

بارك الله فيك على سرعة الاستجابة

ahmid كتب:

اخوانى الهندى , ربيع الدايمى ,و النبض الهامس,, ممكن تساعدونا فى موضوع معرفة الاسم هل هو ضمن احد القرارات ام لا,, راهو نسكن بعيد جدا عن طرابلس ومانقدرش نسافر على اساس تعبئة نموذج ,, الله يبارك فيكم فى هذه الليلة

اخي احمد هل تعرف امتا رفعوا اسمك للبعثات ؟؟؟؟؟؟؟؟؟في اما شهر تقريبا

اخي احمد ارسلت لك رسالة علي الخاص

السلام عليكم ورحمة الله وبركاته :
الاخوة الكرام ممكن حد يفيدنا بنسخة من قرار المجالس المحلية او نبعثله اسمي يتاكدلي منه علما اني من مدينة الكفرة ويصعب التواجد في طرابلس فالمسافة تبعد 2000 كم ... الله يرحم ولديكم ويجزيكم كل خير من يستطيع المساعدة ارجو ان لا يتاخر وبارك الله فيكم

alshreef71 كتب:

ahmid كتب:

اخوانى الهندى , ربيع الدايمى ,و النبض الهامس,, ممكن تساعدونا فى موضوع معرفة الاسم هل هو ضمن احد القرارات ام لا,, راهو نسكن بعيد جدا عن طرابلس ومانقدرش نسافر على اساس تعبئة نموذج ,, الله يبارك فيكم فى هذه الليلة

اخي احمد هل تعرف امتا رفعوا اسمك للبعثات ؟؟؟؟؟؟؟؟؟في اما شهر تقريبا

الملفات تقريبا فى بداية 2012

ربيع الدايمي كتب:

اخي احمد ارسلت لك رسالة علي الخاص

اخى الكريم ربيع ,, رديت عليك على الخاص ,, ومشكور جدا على التواصل,, انا فى الانتظار

يمكن اسمك من القرار 313 شوف لو في حد عنده صورة منه ......

alshreef71 كتب:

يمكن اسمك من القرار 313 شوف لو في حد عنده صورة منه ......

للاسف خوى alshreef اسمى غير موجود فى القرار 313 حسب افادة احد الاخوة الكرام الذين تواصلوا معى مشكورين

ياريت تنزلنا منه صورة 313 اخي النبض الهامس

alshreef71 كتب:

ياريت تنزلنا منه صورة 313 اخي النبض الهامس

بالله القرار الخاص بالمجالس المحلية هبلني و ما حصاتش حد يطيني الاكيد انا شاك انه مفيش قرار بكل بالله اللي عنده معلومة ايفيدنا الله يفتح عليه

إن شـاء الله خير من ناحية فيه قرارات للمجلس المحلية فيه بس هل تعممت هذه القرارات او لا مش عارف