بطاقة الفيزا

السلام عليكم
انا عندي بطاقة الفيزا من مصرف الامان لكن ما قدرتش نسحب بيها هنايا كل بنك نمشيله ايقولي هادي ماتمشيش هنايا وانا جربت نسحب بيها من الة البنك لكن مابتش تسحبلي. ياريت اللي عنده فكرة او مجرب يسحب بالفيزا الليبية من كندا ايقولي كيف وانتوا تعرفوا ان المنحة واقفة علينا قداش ليها وغير اني من اللي سقط اسمهم في الربع الثالث والرابع فمحتاجة نستخدم الفيزا ضروري.

السلام عليكم

يبدو ان شركة فيزا أوقفت التعامل ببطاقات بنك الأمان,
لأن المشكلة في اكثر من بلد

شكرا اخي على مرورك، ربي ايسهلها علينا من عنده

بطاقة مصرف الامان تشتغل عادي في كندا انا سحبت منها نقدا منذ شهر تقريبا من مصرف RBC

السلام عليكم
بطاقة الفيزا من مصرف الامان حاليا لا تعمل والسبب ان شركة الفيزا اوقفت التعامل مع مصرف الامان هذه المدة هذا ما قالته موظفة المصرف ولكن بطاقة الماستر كارد تعمل.

يشتغلو الاتنين .. بس شوفي لما يخولو فلوس من ليبيا تبي اربع خمس ساعات باش تقدري تسحبيهم من هني .. حاولي تاني يوم تسحبي .. ماكينات ATM تسحبلك طول ..مىة خشيت لمصرف نسيته المهم وريتلها البطاقة قالتي مش كل الماكينات اقدري تسحبي في علامة علي البطلقة نفسها تبعيها في اي ماكينة تلقيها لكن شوفي من غير ماكينات ATM في مصرف CIBC , RBC , TD هذو سحبتت من ماكيناتهم علي الفيزا والماستر بتاع الامان .. ثح عندك اسبوع نحاول بس مش لانه موقفينها لاني تقريبا فايته السقف الشهري سمعت انه حاطين تحديد للمسحوب شهريا .. ممكن والله اعلم . ابعتي حد يشوفلك كشف الحساب.

السلام عليكم
شكرا اخت سراب، بطاقة الماستر سحبتلي من الة ال CIBC بس المشكلة ان مصرف الامان خلى سقف السحب في اليوم الواحد مش اكثر من 200$ وهادي توا بس لاني سحبت مبلغ بيها يوم 24-12 وعادي سحبتلي وبعدين معاش خدمت لما بعت والدي يسأل قالوله خفضوا سقف البطاقات حتى لو بتسحب بيها داخل البلاد

أنا شخصيا سحبت بيها أكثر من 2000 دولار بس كل مرة كنت نسحب 200 او 300 دولار ومن حوالي شهر تقريبا أصبحت أحيانا لا تعمل