دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionما هي الأوراق المطلوبة للحصول على التأشيرة؟ Emptyما هي الأوراق المطلوبة للحصول على التأشيرة؟

more_horiz
السلام عليكم
ما هي الأوراق المطلوبة في السفارة الهندية للتقديم في التأشيرة

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
عدد 2 صور شمسية / صورة من جواز سفر صالح ل6 شهور و اكثر /صورة من القبول (لغة او اكاديمي) تذكرة سفر مبدئية تأمين صحي كشف حساب + حضور شخصي و تعبئة النموذج في السفارة
لو كنت موفد لا يلزمك احضار التأمين او كشف الحساب احضر فقط رسالتي الدعم للقبول و التأشيرة

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
بالله من اللي قدم عالتأشيرة الهندية اقريب نبي نعرف كم مدة التأشيرة اللي يعطوا فيها على القبول اللغة لمدة سنه والتقديم من وين ليبيا وللا تونس وكم المدة المسغرقة من التقديم للحصول عليها

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
مافيش حد يجاوب وين الشباب اللي في الهند وين الاخ الهندي والوسمي وغيرهم معقوله هكي

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
حاليا يعطوا في 3 شهور فقط
ماعندهم علاقة كم مدة القبول
لان بصراحة قالولي فيه من يجيب قبول وياخذ تأشيرة ويشدها تجارة

على العموم انت بعد تمشي تسجل غادي في الهند في فسم بوليس الاجانب بعدها ادير اقامة على حسب مدة الدراسة في الغالب كل سنة تجدد
والله اعلم لو ما تغيرت القوانين

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
التقديم في ليبيا ..اول ما تجيب اوراقك يقولولك استنى لين نتصلوا بيك ...طبعا الاتصال يطول ديما 10 ايام او اسبوعين .لكن انت عطيهم اسبوع و ارجع قوللهم شن صار في الموافقة متاعي .وديما جوازك في جيبك كان قالوا جت الموافقة مد جوازك طول. وتجي ومعاك 103 دينار وتعطيها ليهم ويعطوك واصل ..وتاخذ ديما 5 ايام وتستلم ..و لو تبيها في نفس اليوم تدفع 200 دينار تقدم الصبح تستلم الساعة 3
ايام العمل من الاحد للاربعاء التقديم وتسليم الاوراق من 9 الى 12 و استلام التأشيرة من 3-5 مساءا
السفارة في النوفليين
لو انت جاي من جيهة جزيرة فشلوم ..بعد الجزيرة اول اربع شوارع خوذ يسار بعد 100 متر تجيك السفارة على اليمين ..

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
نشكرك يا خوي الهندي على تفاعلك الممتاز
نبي نعرف لما اندير الاقامة غادي انديرها بقبول لغة وللا ضروري قبول جامعي
وانا موفد على حساب المجتمع معناها 3 شهور فيزا ماتسدش لان مزال في وراها تفويض مالي وقصة تطول اكثر من 3 اشهر
ومعليش نبي نعرف مانقدرش ناخدها مت توتس لاني توا برا البلاد وبرجع بعد اسبوعين فممكن من تونس يعطوا في مدة تأشيرة اطول ولو كان بنقدم من طرابلس هل يقدر حد ثاني يقدملي عليها على ماتمت الموافقة عليها انكون انا رجعت بيش نستغل الوقت ..وبارك الله فيك

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
فيك بارك الله
للاسف هما فقط يعطوا في 3 شهور حاليا
وفي حال طاحت التأشيرة تقدر تعاود تجددها والله اعلم ممكن يطلبوا منك اوراق جديدة
وتقدر تقدم من تونس اعتقد ..و ايظا يقدر اي حد ثاني يقدم عنك ..هما في الشروط حاطين الحضور الشخصي ...لكن في مرة كنت حاضر في شخص جا وقدم عن قريبته يا اما زوجة اخوه او حد يقربله ..المهم المرأة لم تكن حضرة و تم قبول الاوراق منهالمهم لو تحصلت على التفويض وطاحت التأشيرة جددها وتوكل على الله
والتسجيل يتم بقبول لغة او اكاديمي والتجديد في الهند يتم بناءا على رسالة من جهة الدراسة سواء معهد لغة او جامعة و في حال كملت اللغة ادور قبول اكاديمي ولو بتقرا في نفس المدينة متاع اللغة ادير تغيير كورس من لغة لـ اكاديمي و لو قبول من مدينة ثانية تجيب القبول وتمشي للبوليس متاع الاجانب و ادير طلب انتقال يعطوك ظرف مقفل موجه لقسم بوليس الاجانب للمنطقة اللي انت ماشيلها ويجب الذهاب في مدرة لا تتجاوز اسبوع تفاديا للغرامة المالية ...انت غير توصل غدي تلقى نااس واجد تعاونك

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
بارك الله فيك وجعنه تلقاه في ميزان حسناتك يالهندي

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
فيك بارك الله اخي

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
السلام عليكم
اليوم مشيت للسفارة الهندية امدايرين ورقة جديدة مطلوبة وهي ورقة موافقة من السفارة الليبية اللي في الهند للطالب الدارس على حساب المجتمع بالله اللي يعرف كيف ايديروها وللا كيف انتواصل مع السفارة الليبية في الهند باش انكلمهم عليها ......... اخوكم لدية اقل من دقيقة واحدة

descriptionما هي الأوراق المطلوبة للحصول على التأشيرة؟ Emptyرد: ما هي الأوراق المطلوبة للحصول على التأشيرة؟

more_horiz
ما هي الأوراق المطلوبة للحصول على التأشيرة؟ 10450058_319233591591157_6797192218887722874_o

هذه ورقة صادرة من السفارة الليبيية في الهند تحت تلقى رقم الهاتف رقم الفاكس و الايميل
حاول تراسلهم لاني الصراحة مروح من فترة و تغير الطاقم وتغيرت ارقامهم ان شاء الله تلقى رد منهم
صلاحيات هذا المنتدى:
لاتستطيع الرد على المواضيع في هذا المنتدى