دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionالحل للحصول علي التأشيرة الكندية Emptyالحل للحصول علي التأشيرة الكندية

more_horiz
الأخوة الكرام
السلام عليكم

من شهر 2014/4 و السفارة الكندية في تونس تقوم برفض معضم الطلبة الليبين للأسباب التالية:
1- لا يوجد دعم مالي
2- لا يوجد أثبات بالعودة إلي ليبيا
3- الوضع الراهن في ليبيا
وطبعا الكلام هذا ياخذ وقت طويل من الأنتظار و تستمل نفس النتيجة واللي هي الرفض

المهم . للأشخاص اللي مازالوا يبوا الساحة الكندية او يبوا يمشوا لي كندا عندكم حلين فقط
الأول // قدم أون لاين Online ولازم توفر الاوراق التالية
- رسالة الدعم المالي
- رسالة القبول من المعهد او الجامعة
- جواز السفر
- رسوم التأشيرة 280 دولار كندي
- الكشف الطبي

والتاني :
وهو الحل اللي درته انا شخصيا اني مشيت لي تركيا وخديت موعد في مكتب التقديم علي التأشيرة في نفس اليوم و قدمت الأوراق التالية/
- رسالة الدعم المالي
- رسالة القبول من المعهد او الجامعة
- جواز السفر
- رسوم التأشيرة 280 دولار كندي
- رسالة الدعم المالي من المكتب الكندي

للعلم أنهم ماطلبوش الكشف الطبي اللي يبهدلوا الطلبة عليه . ودرت البصمة و استلمت رقم تتبع و قالولي بعد 60 يوم عمل .
قعد عندي مشكلة الدعم المالي من المكتب الكندي فأتصلت بالسيد عبدالله بالايميل و قتله ياريت تبعث رسالة دعم مالي لي السفارة الكندية في تركيا فطلب مني سبب اختياري لتركيا بالذات فقتلة انا موجود عشان العلاج وفرصة نقدم علي التأشيرة . المهم بعد يومين بعثلي الرسالة و سلمتها لي السفارة.

بعد مرور 65 يوم وصلني ايميل من السفارة يطلب مني تسليم الجواز لي اي مركز التأشيرات مرفق بالرسالة اللي بعثوها و معاها رسالة لدخول كندا . فعلا سافرت لي تركيا و سلمت الجواز في المركز اللي في اسطنبول و قعد الجواز عندهم 8 ايام بالعدد و استلمته .

أن شاء الله تكون تجربتي فيها حل لأي شخص يبي يقدم للدراسة في كندا و موفقين جميعا.

descriptionالحل للحصول علي التأشيرة الكندية Emptyرد: الحل للحصول علي التأشيرة الكندية

more_horiz
مبروك التأشيرة يا سراج وشكرا ليك على المعلومات القيمة

descriptionالحل للحصول علي التأشيرة الكندية Emptyالسلام عليكم

more_horiz
نسأل الله لك التوفيق

descriptionالحل للحصول علي التأشيرة الكندية Emptyرد: الحل للحصول علي التأشيرة الكندية

more_horiz
مبروك التاشيرة . ممكن توضح لنا تاريخ إستلامك التاشيرة وكم صلاحيتها

descriptionالحل للحصول علي التأشيرة الكندية Emptyرد: الحل للحصول علي التأشيرة الكندية

more_horiz
السلام عليكم امتا قدمت علي تاشيره نبي عنوان المكتب اللي مشيتله في تركيا بالله عليك وشكرا

descriptionالحل للحصول علي التأشيرة الكندية Emptyرد: الحل للحصول علي التأشيرة الكندية

more_horiz
به كيف يتدفع الرسوم في التسجيل اون لاين ؟

descriptionالحل للحصول علي التأشيرة الكندية Emptyرد: الحل للحصول علي التأشيرة الكندية

more_horiz
معلش يا خويا قالوا لي ان الساحة الكندية امسكرة لها سنة وانا من بنغازي فهل هذا صحيح...؟؟
صلاحيات هذا المنتدى:
لاتستطيع الرد على المواضيع في هذا المنتدى