دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات


descriptionاريد حلا عاجلا Emptyاريد حلا عاجلا

more_horiz
السلام عليكم
انا طالب ليبي جاي علي حسابي الخاص الدراسه في منتريال كندا اختياري لمنتريال لتمكني من الدراسه باللغة الفرنسيه وعند قدومي تفاجئت بتكاليف الدراسه الباهضه وقدمت للضم ولكن الموضوع خرج عن سيطرتي لانه مشاكل الطلبه للدارسين علي حساب الدوله زي مانعرفو شبه واقف لعدم توفر الميزانية الكافيه للطلبه اثر الحرب الدائره في ليبيا الموضوع
عندي قبول وفات عليا لعدم تمكني من حل الموضوع وكنت سانفق المال من حسابي الخاص ولكن صعب جدا
والسيميتر اللي بعده سجلت و بديت نقرا والحمد لله اجتزت كل موادي بنجاح ولكن الجامعه أرسلت لي رساله علي بريد إلكتروني و توا طالبين بفاتورة قدرها عشره الاف دولار كندي وانا قدمت للضم قرابة السنه ولكن لا جديد يدكر
وحاليا وقت تجديد إقامة طالب ومطلوب مني أوراق باني مسجل وتكاليف الدراسه مطلوب وكشف حساب والله اعلم بحساب طالب ليبي نتزوج
بخصوص التجديد الاقامه بصراحة مهيئ نفسي نفسيا علي انه يتم رفضي لعدم توفر المال الكافي في نظرهم واما بخصوص مصاريف الدراسه في الجامعه سيحولون ملفي للمقاضاه الاسبوع القادم باش انا ندفع وبياخدو الإجراء القانوني
فهل حد يقدر يساعدني ويقترح عليا شن ندير؟؟؟

descriptionاريد حلا عاجلا Emptyرد: اريد حلا عاجلا

more_horiz
ان شا الله ربي يفرج وتحلي هالمشكلة الشائكة وفعلا كندا من اغلى الدول ...

descriptionاريد حلا عاجلا Emptyرد: اريد حلا عاجلا

more_horiz
بارك الله فيك والله اعيت من الصبر ونراجي في حل ان شاء الله ربي يلطف بينا

descriptionاريد حلا عاجلا Emptyرد: اريد حلا عاجلا

more_horiz
هو انتي ولا انت, وموجود في مونتريال ولا سياتل (حسب مشاركاتك الاخرى في سياتل) عموما اعتقد الحل هو في مواجهة الواقع ادا كان ماعندكش قدرة دفع للجامعة الفترة هدي عيش باقل مصاريف لحد ايصير من الظم او تتضح لك الرؤية ... بالنسبة للجامعه مش حيأخدوا ضدك اجراء بها السرعة وتقدر تمشي اتهدرز معاهم واتوضحلهم انك مستني دعم من ليبيا بس الظروف متلخبطة شوية وتمشي الامور

descriptionاريد حلا عاجلا Emptyرد: اريد حلا عاجلا

more_horiz
جميع الجامعات حفظوه الوضع المالي لليبيا ومشاكل الموفدين حاليا ف كندا ياعني امشيلهم وتكلم معاهم .. تفويضات الضم تقريبا في مراحلها الاخيرة ياعني فات الكتير مابقي الا القليل. ..الغلط منك من البداية لانك عارف الوضع وقررت تقرا ع حسابك فقرار الضم كان مش اساسي عندك ..معناها خوي ماتلومش حد توة شوف كيف تقدر تمشي امورك وتقدر تخدم حسب قانونهم الجديد في الحرم الجامعي وان شاء الله ربي يسهلهالك ويوقفلك ولاد الحلال يساعدوك ويوقفو معاك.. ع فكرة اجراء ايقاف الطلبة مش غير اللي ع حسابهم .. حتي موفدين الدولة في اللي وقفوهم لانه ماخلصوش وفي اللي مادوروهمش .. حاول شوف اكاديمية تانية ارخص وعندهم حلول .. جامعة تورنتو انا فيها ماوقفتش الدراسة علي ولا طالب ليبي الحق متفاهمين مع المكتب الكندي وعارفين الازمة حتنحل ممن تلقي جامعات اخري زي جامعة تورنتو ..وربي يسهلك

_______________________________


إذا أخذ الله ما لم تتوقع ضياعه

فسوف يعطيك ما لم تتوقع تملَكله

ألم يقــــل


" فعسى أن تكرهوا شيئا ويجعل الله فيه خيراً كثيراً "
صلاحيات هذا المنتدى:
لاتستطيع الرد على المواضيع في هذا المنتدى