دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionجواز السفر:عندما تصبح البديهيات مستحيلات  Emptyجواز السفر:عندما تصبح البديهيات مستحيلات

more_horiz
السلام عليكم



منذ فترة ليست بالقصيرة لعلها سنه أو تزيد لحضت أن حديث الأخوة الطلبة ولعلي منهم يدور حول جوازات السفر اذ عندما تلتقي أحدهم أول حاجه أيقولك (جوازك قديم ولا جديد؟) ، (ما سمعتش حاجه علي جوازات السفر أوصلن ولا لا؟) إذ أصبح هؤلاء علي غير العاده خائفون يترقبون ويتساءلون متى أين وكيف سيُحل المشكل؟ والي الآن لا أحد يعلم ،


فمنهم من قال تونس لم تعد تقبل الجواز القديم ننصحك عدي للجزائر، ولا عدي ليبيا عن طريق مصر لكن افطن حتي هي تطلب في تأشيره ومنهم من قال الحمد لله دفعت مبلغ 2000 دينار (رشوه يعني جواز السفر:عندما تصبح البديهيات مستحيلات  660451 ) وحليت مشكلة الجواز،


ومنهم من هدد وقال سأطلب اللجوء وانريحكم  جواز السفر:عندما تصبح البديهيات مستحيلات  118159 ، وأخر قال انا عندي جواز جديد لكن حي علي زوجتي علي طريق شنوا أندير في جواز العيل الجديد أزعما انديرلا ورقه نطلع بيها...  (للمتزوجين أفطنوا لأرواحكم راكم تحصلوا في عيل  affraid  )


ومنهم من قال بأن منبع المشكلة يكمن في وطنية موظفي القسم...... و ....... فهم لا يريدون الاعتراف بحكومه طرابلس ولهذا فقد تباطؤا في طلب جوازات لرعاياهم الطلبة  (يعني غموا علي الموضوع)...


طبعا المسكين صاحب الرأي السابق تناسي أن جوازات الجماعة أجدد... امالا كيف والله ما صارت تنكتب عليهم يقعدوا الجماعة هنا بجوازات قديمة قدام الدوله الفرنسية والعالم المحترم أول ما أيعدن جوازاتنا... به والطلبه شنوا أيديروا يا خوي... الطلبة أساع ايدبروا روصهم أيحلها ميه حلال.... جواز السفر:عندما تصبح البديهيات مستحيلات  347839


ممكن توا يطلعلنا واحد فيلسوف أيقول  study : توا ليبيا قعدا تطبخ لا في ضي ولا في مية ولا غاز والناس قاعد تشالف وتموت في الشوارع ومفش حد عارف شي والمؤتمر والبرلمان يضاربن يعني الحكاية سلاطه... أقول لهذا الأخ ربي يصلح الحال والله كلامك تمام علي راسي...


لكن يا خوي في عائلات وطلبة واساتذه جامعات وبحاث وجاليه قاعده في الخارج يعني قاعدين في مهمه رسميه مش يلعبوا ويفترض في جهه رسمية مسؤله عليهم وتنجزلهم في امورهم ورأس مال الطالب المغترب بعد الله جواز سفرا وجيبا ...


في العموم مفش حد من الجماعة يقدر أيفهمنا بالزبط المشكلة وين ؟

descriptionجواز السفر:عندما تصبح البديهيات مستحيلات  Emptyرد: جواز السفر:عندما تصبح البديهيات مستحيلات

more_horiz
نبي نسال علي الجواز الالكتروني ضروري منه توا ولا عادي في السفر..الواحد يبي يعدي عشان يقرا بدل ما يتم تسهيل الامور يدرولا في الرز عظام وخصوصا اللى ماشي علي حسابه ينزلوا عليه زيادة..الواحد ماعنده مايديرغير يقول حسبنا الله و نعم الوكيل في كل المسؤولين اللى راقدين و مايندرو عليه ..لاحول ولاقوة الابالله

_______________________________

اذا كنت تخطط لعام واحد فازرع الارز

واذا كنت تخطط لعشرين عاما فازرع شجر

واذا كنت تخطط لمائة عام فعلم الناس ... جواز السفر:عندما تصبح البديهيات مستحيلات  347839

descriptionجواز السفر:عندما تصبح البديهيات مستحيلات  Emptyرد: جواز السفر:عندما تصبح البديهيات مستحيلات

more_horiz
الاخ نور الدين

انصحك باتمام اجراءاتك بشكل كامل وبالذات جواز السفر ، هناك كلام مع نهاية العام سيتم ايقاف التداول بالجواز القديم ناهيك عن المشاكل التي ستواجهك عند التنقل من والي بلد الدراسة بالجواز القديم علية يفضل ان تستخرج جواز جديد قبل القدوم للدراسه والله اعلم

بالتوفيق

descriptionجواز السفر:عندما تصبح البديهيات مستحيلات  Emptyرد: جواز السفر:عندما تصبح البديهيات مستحيلات

more_horiz
شكرا جزيلا علي هذه النصيحة وبارك الله فيك ..وان شاء الله بالتوفيق والنجاح

_______________________________

اذا كنت تخطط لعام واحد فازرع الارز

واذا كنت تخطط لعشرين عاما فازرع شجر

واذا كنت تخطط لمائة عام فعلم الناس ... جواز السفر:عندما تصبح البديهيات مستحيلات  347839

descriptionجواز السفر:عندما تصبح البديهيات مستحيلات  Emptyرد: جواز السفر:عندما تصبح البديهيات مستحيلات

more_horiz
خبر



تجديد جواز السفر في اليابان يستغرق ثلاث دقائق  








تحياتي

descriptionجواز السفر:عندما تصبح البديهيات مستحيلات  Emptyرد: جواز السفر:عندما تصبح البديهيات مستحيلات

more_horiz
يا خوي حتي نحن في ليبيا ياخد 3 بس ...بس 3 شهور مش 3 دقائق ههههههههههههه....شر البلية مايضحك ..ان شاء الله خير ربي يفرج علي البلاد والعباد

_______________________________

اذا كنت تخطط لعام واحد فازرع الارز

واذا كنت تخطط لعشرين عاما فازرع شجر

واذا كنت تخطط لمائة عام فعلم الناس ... جواز السفر:عندما تصبح البديهيات مستحيلات  347839
صلاحيات هذا المنتدى:
لاتستطيع الرد على المواضيع في هذا المنتدى