دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionالوادي بو شيوخ نوواوير Emptyالوادي بو شيوخ نوواوير

more_horiz
السلام عليكم
هذه قصيدة ليبية رائعة ومميزة لأحد الشعراء الليبيين الفحول سأحاول أن أممرها علىكم على أجزاء لأنها تقارب المئة بيت أرجو أن تنال
قصيدة ليبيا الوادي

الوادي بوشيوخ نواوير .. ماضيه شهير .. وبالقايد فـ خيار الخير
........................
الوادي اللي يخص التشريــف ::: دوام علي ساير ليــــــــــــــام
اللي معروف بلا تعريـــــــف ::: ولا قول ولا خط اقــــــــــلام
اللي ناسه كي حد السيـــــــف ::: تكسر في خشوم الظـــــــــلام
عرب بيت مبجد عالكيـــــــف ::: رواقات وجبّر وكمــــــــــــام
زوازل مالسدر مهاديـــــــــف ::: بكرباته لا فوق انقــــــــــــام
امقشط بحبال من الليـــــــــف ::: وحلفا ولمها الـــــــــــــــولام
بتاته حاضيه تزخريـــــــــف ::: علي لون الوان الرسّـــــــــام
يبانن كيف الوان الطيــــــــف ::: وسايد ومرقّم وكـــــــــــــلام
عرب عرب ام وجاب لطيــــف ::: الحرّه المسروبه الحشــــــــام
اللي كيف الجازي في الصيف ::: زوي مكه عالصيد حــــــرام
عرب ديمه تكرم في الضيــف ::: تضل لخاطرها خــــــــــــدام
عشي الخاطر ماله تصريــــف ::: ولوكان يباتو صيـــــــــــــام
عرب كوت إليا فزّ خفيــــــف ::: الدير يخلي فيه اقســـــــــــام
بلا مسّ اركابات عفيـــــــف ::: نحيبه ديما لاقــــــــــــــــدام
عليقة من غير تضيريـــــف ::: تجي مخلاته هيل اجمــــــام
امنين الخاوي يدير زنيـــف ::: وتبدا تجّارد لقــــــــــــــوام
يجو فوق سماح هفاهيـــــف ::: بلون مغاثات الحجــــــــــام
دلايل يرحن في الصرفيف ::: عقود تقول افراق حمـــــام
يهدو عالنار مشاريــــــــف ::: الهرمة واللي دوبه صـــــام
يخلو في الضد محاذيـــــف ::: مفرش كي جذر الغـــــــرام
عرب ماتمشيش علي حيف ::: ولا تقبل في الحي اســـــوام
عصارة ماهمش سفاسيـــف ::: نغاغير يعدّو المـــــــــــــلام
رواسي ليا صار تدفديف :: وصار دفير :: تقول جبال حجر وحجير

الوادي بوشيوخ نواوير .. ماضيه شهير .. وبالقايد فـ خي
ار الخير

descriptionالوادي بو شيوخ نوواوير Emptyرد: الوادي بو شيوخ نوواوير

more_horiz
سلمت يداك مع التحية

_______________________________

ومن طلب العلا بغير كد **** أضاع العمر في طلب المحال



الوادي بو شيوخ نوواوير 00000z

descriptionالوادي بو شيوخ نوواوير Emptyرد: الوادي بو شيوخ نوواوير

more_horiz
انسلم علي لجواد***اصحاب المروه نورت الميعاد***ونقول مرحبا

descriptionالوادي بو شيوخ نوواوير Emptyرد: الوادي بو شيوخ نوواوير

more_horiz
مشكورين الإخوة على التحية والترحيب وتبعوني انشالله الخير لقدام
وهذا الغصن الثانيي
الوادي بوشيوخ نواوير .. ماضيه شهير .. وبالقايد فـ خيار الخير

الوادي المحروس الموصان ::: اللي مش غابي في المنعات
اللي متمرس ما يليــــــــان ::: عصي كي توا كي مافـــات
اللي قبل يبوه العـــــــدوان ::: مجزي بالتقسيــــــم اتــلات
يبوه اويا وبرقة وفـــــزان ::: يبو ديره تلت ولايـــــــــات
الوادي اللي عزّ الرهقــان ::: وعزّ الخايف في الخاخــات
اللي فيه يبانن فرقـــــــان ::: نجوع ضفايف منطرحات
اسماهن ماهو للغبيــــــان ::: بفعل عربهن منبيــــــــات
حضنهن من بر السودان ::: ليا ساحل درنة وشحـــات
من الكفرة لوين البطنـان ::: تلاقت هيه وبو موجـــات
من امساعد لابن قـردان ::: لمانغني وهالمفـــــــازات
من البردي لعــين الزان ::: ومن وازن لـ العوينـــــــات
امتدن عجلاها مـــــدان ::: بطوله صفات بصفــــات
محاميد وعرفة ومعدان ::: حبون ودرسة وعبيــدات
والاهالي وشرفـة ودان ::: وحاسة وقماطة وبركات
عوام وترهونة وفرجان ::: هوانة ويدر وعجيـــلات
نوايل واهالي غريــــان ::: وورشفانة ومشيطـــــات
مشاشي وبوسيف ودرمان ::: وفيه شواعر ورقيعـــات
وفيه مساعيد وصيعــان ::: ولفواتير ولبشيــــــــرات
وضنا سي جبريل وصرمان ::: ونجع امالك وعريبـــات
رعايا ورياح ورجبــــان ::: وشد وحوته وقناشــــات
زويّة وزناتة وحشــــان ::: وفيه ربايع وشهوبــــات
ورملة ويامي ومليـــدان ::: وحرّاس ونجع حرارات
عمايم وحسون ويمنـــان ::: ونجع ورنزة وسنينـــات
وفيه جوازي وذكيــران ::: وسيلين وفيه جهانـــــات
حرار وعبّاد وزغوان ::: ونجع امّاجر وحميدات
وندباس وحمي وقطران ::: وفقهة وتاسة ورفيفات
وفيه ذويبات وطرشان ::: وزرقان ونجع السعفات
سوالم وادناف وشعتان ::: وزغوان ونجع اقلاصات
وضنا كعب اولاد سليمان ::: وعرب القرية والقريات
ومنفة وسعيط وقطعان ::: وفيه افاخر ورحيبات
وفيه ضنا موسى وزنتان ::: وورفلّة وفيه جماعات
وشوق قبايل بيهن زان ::: فـ بالي ماهن منسيات
قصرت عليهن في القولان ::: بعد حكمن فيا القفلات
لهن مانطري غير احسان ::: الخير حذاهن طقّ وبات
عربهن بنيوا ليهن شان ::: تعلى عالزوزة قامات
اقوام ناض رقيق الريغان ::: يجو كيف شبوب النوات
حمول نحاس خفاف ارزان ::: يجو عالشهوة في الندهات
قرومة كسارة طليـــــــــان ::: جرايرهم مش مغبيات
في محروقة وام الجرسان ::: وفي مرسيط والبويرات
وقندولة وتونين وغان ::: وبير الميص والكويفات
وفي الهيرة ووادي الغزلان ::: وقصر اسمّى الحميرات
وفي لحشادية وشتوان ::: وجليانة وفي لحسيات
وفي بوغرة والحوران ::: وللا وبيار الزوزات
وفي القرضابية ونيّان ::: وفي سانة وفي السلامات
وفي الفطيمية ودوفان ::: وفي عيون الذبان وغات
وفي انجيلة وقصر السلطان ::: وفي الكفرة وبير كتيتات
وفي نالوت وفي الغيران ::: وفي لمشرّك والقصبات
وسبها وسيدي بوحسان ::: وفي بوهادي ولحقيفات
وفي الهاني وفي راس الهان ::: وفي سلنطة وبير الزغرات
عرب ماودو للعدوان :: الا الذكير :: الماضي شفره والقزير
ولاتوا لاصار بيان :: يجو في مسير :: ومن فوق مناقيش الدير
يحامو قايدهم فرسان :: اصحاب ضمير :: ومبدا مش نفاخة كير

الوادي بوشيوخ نواوير .. ماضيه شهير .. وبالقايد فـ خيار الخير

descriptionالوادي بو شيوخ نوواوير Emptyرد: الوادي بو شيوخ نوواوير

more_horiz
سلمت يداك

descriptionالوادي بو شيوخ نوواوير Emptyرد: الوادي بو شيوخ نوواوير

more_horiz
thank u alot sooma
ويستمر الشاعر عبد الباسط بوغنية في سرد الملحمة وهذا الغصن الثالث:
الوادي بوشيوخ نواوير .. ماضيه شهير .. وبالقايد فـ خيار الخير
الوادي اللي يحاموه رجال ::: بهم لا غابي لامنكور
اللي عن صيت اولاد اهلال ::: علم فوقه سامر مشهور
الوادي اللي عامر مازال ::: بالاجواد بوادي وحضور
الشاهد عن سيرة الاجيال ::: اموثّق ديوانه مسطور
ذهب وسط عقول العقال ::: وفي التاريخ حروفه نور
صفاحيّه ماهنش خيال ::: حقيقة ماداناها زور
الوادي شاهد مالعدال ::: بالامانة ماباش يخور
رصين لثقلتها حمال ::: عندّ مادام اليوم يدور
قوي صوته كيف الزلزال ::: يخاطب في الالباب جهور
الوادي شاهد ع الاحوال ::: علي مر الدنيا والعصور
فصيح يجاوب كل سوال ::: عاللي باين و المكمور
بما فيه مباني جهّال ::: مسلات مقابر و قصور
عوالي واخرى فيه جبال ::: على سطوح رصفهم محفور
جلايب للريم الجفال ::: وناس وكروسات وكور
وفيه مشاغيل القلال ::: اللي ماهو كامل مكسور
وفيه من الصوان نبال ::: سيوف مع رماح وساطور
وفيه شوق مداحي للرال ::: الكامل واللي غير قشور
دلايل جملتهن وامثال ::: على انه مـ الاول معمور
الوادي له ساس وتامال ::: مصحح لين نازل في الغور
معنت لا خاخ ولا مال ::: قوي عنده في الجوف جدور
وللمعلمومة في القسقال ::: انا ماعنوي في المجرور
ولا في عملة لا تمثال ::: ولانقش و لارسم قبور
ولا سيف ومدحه وامسال ::: ولاقصبة ولابرج وسور
انا عنوي سيرة الابطال ::: اللي بيهم ديمه مبرور
سواء ماحل والا ميّال ::: سواء مجدب والا ممطور
سواء عشري والا بلنغال ::: سواء مخرّب والا مبذور
عرب غاشي يزهّي في البال ::: بيوت يبانن كيف القور
حذاهن يدّابو لعيال ::: طرابه جملتهم مسرور
طرب فيهم حتى الدوجال ::: بهيلولة جيلة مبهور
اللي فيه الحرّة الحفال ::: على رواقات البيت اتدور
اترادع في الفاهق بخلال ::: زندّاها ماهن للبور
وتغزل وتقاني لخبال ::: وترحي لامطلع الفجور
وفيه الورّادات ارتال ::: اعلت ضحكتهن عالمجهور
يعبن منه ماه زلال ::: جنانيبه فوق المجفور
وفيه الحلاّبة تنهال ::: بماعون العود المنقور
مشن صوب اركابات المال ::: اللي غدوه قاعد محجور
الضرع اللي تمسّه شتوال ::: بقيس عفا مفلاه درور
وفيه الحطابات اكوال ::: على الغاشي طور ورا طور
وفي البيت حطبهم مازال ::: لحومه وهشايم وقعور
وفيه ايبان تقول اكحال ::: مناصبهم هن والقدور
عرب جوده ماهمش افسال ::: البدري فـ شويهم منحور
طيابه عالبخره ان ماطال ::: وكانه عطل فأول فور
وفيه البيت وسيع الجال ::: اللي فيه الميعاد يدور
اللي فيه شيابين اجوال ::: دوازين يقولو الامور
لهم ديمة ختمة لقوال ::: ولا والي خاطيهم شور
الغاشي هللي فيه رجال ::: دبشهم كي لون التبرور
نقايح ضرابين غزال ::: سقم ماخابلهم ناظور
وكل واحد كاسب شنتال ::: يهمهم في المربط مهجور
امقفّل ومطبق لنعال ::: يهمّ كما القدر اللي يفور
يجي كيف انسوم الشملال ::: اليا زام الخاوي الميسور
وفيه علي مرمى لطلال ::: بساطات فلاهن مشكور
عفاهن متخالف الاشكال ::: مخضب تخضيبة باصور
ارتام ومكنان و شعال ::: شقارة واللسلس مكثور
وروده تدّكان وتشعال ::: وصفرة وكي لون الياجور
عليهن تزابى ليبال ::: مراجيد خيور علي خيور
وفيهن كم من هايج جال ::: يزوم اتقول الا مخمور
معاهن شبّ اتقول غزال ::: يحامو فيهن فوق اذكور
عرب ماتكسب غير حلال ::: الزقوم امعاهم مبتور
اللقمة اللي اخرها ملال ::: حرم ماتنزل ليهم زور
رقبّاهم في الكون اطوال ::: ضياهم عالدنيا منشور
عفايف مايرضو بطّال ::: جلدهم بالقوة ميمور
اشراف اليا وفيت الآجال ::: ثنى ليهم مافيه عكور
صناديد وفي الروز اثقال ::: صبورين يحبو الصبور
عصارة مافيهم قلقال ::: سفيه ودانع في الغرور
يلحس عالدنيا فتّال ::: عقيله كي عقل الزرزور
بواسل مافيهم ذلال ::: يجوا في الفزعة كيف الجور
لهم عزّة مضرب لمثال ::: وصيت وطاريهم مشكور
عليهم مافي حد ايسال ::: ولاذرة خردل مبذور
ولا يوم يراجو عـ اسقال ::: منيحة من غارق لبحور
ولايرجو فضله في شوال ::: لفيظة يرميها بابور
غنايا من واسع لفضال ::: وواديهم خيره موفور
تعصّى عن كيل الكيال ::: الباين منه والمطمور
على ايديهم صار المحال ::: حيي بيهم مولاي البور
كواسح من قبل ويابال ::: رزقهم ربّي صقر صقور
علي يدّه صار المحال ::: زهوا بيه خواص وجمهور
القايد الاوحد روح جمال ::: علي نجمه لفلاك تدور
ثلاثماية وسبعين هلال ::: وزيد عليهن ثمن شهور
عالمبدا ماناش عطال ::: انّفّذ هلّلي بيه يشور
وعـ المبدا توّا ومازال ::: وفا مانخطوا ليه مرور
وفا للّي كسّر لغلال :: وبه لا غير :: بدي كل واحد فينا أمير

descriptionالوادي بو شيوخ نوواوير Emptyرد: الوادي بو شيوخ نوواوير

more_horiz
خوي د. بن طالب اتمنى أن ترسل لي نسخة صوتية من الثصيدة المذكورة على إيميلي لو تكرمت

وجزاك الله خيرا

_______________________________

من أفضـل مـا يقـال ،،،
لا إله إلا الله وحده لاشــريك له له الملك وله الحمد وهو عـلى كل شيء قــدير
كمــا أخبر بذلك سيد المرسلين صـلى الله عليه وســلم

سبحـان الله والحمد لله ولا إله إلا الله والله أكبر ولا حول ولا قوة إلا بالله

يا رب إلى من نشتكي ،، ليس لنا إلا انت ففرج همنا يارب العالمين وارزقنا يا إلهنا السـرور يا ألله ،، يا مجيب دعوة المضطرين

descriptionالوادي بو شيوخ نوواوير Emptyرد: الوادي بو شيوخ نوواوير

more_horiz
حاضر دكتورنا وشيخنا الوحيشي غالي والطلب رخيص بس مايحضرنيش توا بس حنبحث عليه كرمالك وماتنساناش بالدعاء
 وتستمر الملحمة وهذا الغصن الرابع
الوادي بوتاريخ قديم ::: اللّي مو غابي للنشّاد
اللي صيته من الله عظيم ::: عليّ فوق الوديان وشاد
بدي فوق بروج التنجيم ::: على الدنيا نوره وقّاد
اللي نبته تقول مراقيم ::: فخيم نواويره لسّياد
عفي مايرقدلاش نسيم ::: يحاموا فيه علي لسناد
فـ وسطه للحشر خواتيم ::: ترابه حامي ما يبراد
اللي ناسه مايرضوا ضيم ::: وديمه للرهقان ملاذ
عمار بهم هالمواهيم ::: من المالح لـ برّ تشاد
من جدير وبرّم تبريم ::: ليا وين تحددّ لبلاد
عرب راي وتدبير حكيم ::: ونصره من خالق لعباد
الجار حذاهم وين يقيم ::: يرسّم مايقلع لوتاد
لعند شعاشيط التنعيم ::: معاشه في عزّ الموراد
عرب نصح وفـ الفرض تقيم ::: نساوين ومترس واولاد
تشهّد وتصلّي وتصيم ::: تزكّي عالدخرة والزاد
وع البيت تصمّم تصميم ::: وهي ماتضمن لعواد
عرب ماتاكل حقّ يتيم ::: علي غيّ الدنيا زهّاد
الكيلة تزممها تزميم ::: تجاهد وين يصير جهاد
لهم عزّة من رب رحيم ::: بنصره والا الاستشهاد
عرب دوم تعدّ التلويم ::: عرب مافيهمش الحرواد
عرب مافيهم فضّ زنيم ::: ولا قلقال ولا شوشاد
ولا تفتين ولا تنميم ::: يفرّق في لمّة لعباد
عرب بيت بتاته اكاليم::: مثابة ياتوله لجواد
يضلّ فيه مرسّم ترسيم::: على داب القول الميعاد
ويصّافى من فيه خصيم::: علي كلمة من غير عناد
ينوروا من بعد التجهيم ::: وما افّاد يشيل علي افّاد
عرب جودة وطيابة تخيم::: غوالي غير نباهم ساد
مناهل ماليهنش زميم ::: عطاهم مش تنضيح اثماد
اكرام وكارمهم الكريم ::: يجودوا من جود الجوّاد
عرب نار ادّير براريم ::: يسمعر سامرها وقّاد
مناصبهم دوم مفاحيم ::: مطابخهم مـ الغنج سواد
حطبهم كل يوم محازيم ::: يجي مايصبح غير رماد
على العين يجلّوا فـ الرّيم::: عرب فزعه فيسان رشاد
ان دار البارود تصلييم ::: يجوك تقول عمود جراد
ان مردوله ردّ دماديم ::: يضلّوا فـ الكربيس انداد
معاهم ما ينجاش غريم ::: بسيسة يغدى فـ الملهاد
عرب فطنة موش دلاكيم ::: نبيهين يعدّوا لبعاد
وما يصبّوا تحت البزّيم ::: ويقولوا هكّي المولى راد
ولام دنوعه فـ مغانيم ::: نواكيع يحاذن فـ غفاد
شواو وللثقل محازيم ::: بقانه موش كتيت قراد
حزام لقايدنا العظيم ::: حواريين لبو لمجاد
اللي خلّى الوادي فـ نعيم ::: اللي بدّل حزنه بعياد
احني دونه سدود ملاظيم ::: مراصيص بقوّ الفولاذ
اسدود مكاده عالتهديم ::: رصفهن من خيرة لجناد
وكل جندي يحامي الزعيم ::: يمين ماي كلوله وزناد
احني دوم نعدّوا التلّويم ::: نشوفوا لـ مااضي لجداد
احني اللي يريدلنا تقسيم ::: يبي يدرّق شمس بسمّاد
جهول ورايه راي عديم ::: ذهول وذيلي مـ الاوغاد
حني ياقايدنا بوميم ::: لشبح الميموله نفّاذ
جنودك نرجو في تعليم :: منّك لاغير :: الراي اللي تبّيه يصير

descriptionالوادي بو شيوخ نوواوير Emptyرد: الوادي بو شيوخ نوواوير

more_horiz
والغصن الخامس والأخير مع التحية:
الوادي اللي عزّ المقصود ::: اللي حامي كاليسه حرّ
اللي فيه مشاهير رقود ::: فـ جالاته روضات شهرّ ولا نزكي على الله أحداً
ولايا شيّالين ورود ::: قوا اصحاب براهين وسرّ

الوادي اللي محضي بسدود ::: يهدّنّه ان جي مدّردر
اربط رصف بناهن مقدود ::: عليهن كم من خالي مرّ
قلايد وسط عقار جدود ::: معاني ماهن غير سيرّ
الوادي اللي نبته منضود ::: اللي عنده من الله زهر
اللي سفّه من جاه يرود ::: عفي ضافي ماهوش ابترّ
اللي ماهوش عقيم ولود ::: العود فـ كاليسه ينثر
الوادي اللي يحاموه صيود ::: اجاويد خزامات كفرّ
يجوا فـ الفزعة كي العمود ::: يهدّوا فالشر على الشرّ
يشوشوا لا صار البارود ::: فـ هاذي ماليهمش عصر
يجوا فوق سميحة لبدود ::: سباويب يهيلن وزورّ
جلوقات يخيلن فـ عقود ::: الاّ حيل المركوب ذكرّ
تقول قطا في وان ورود ::: امسفّت يمتد وينصرّ
لهم من عز الناس قلود ::: تسوس وفي الراي ادّبرّ
ارزان اكّل مافيهم نود ::: ولا فيهم مايع لا غرّ
عرب فارس لا مدّ قصود ::: فـ نصّ القلّيمة يسطر
وفي وين يحدّن لنهود ::: وخصّك عالمنهد الايسرّ
عرب عيّل ديمه ميجود ::: بسرعة فـ الندهة يحضرّ
ولاو منكّر لاو حجود ::: سعادي فـ الوالددين يبرّ
عرب بيت مقشّط مبجود ::: نجوع علي شبح الناظرّ
سماح ومبناهن محرود ::: لهن وصف يماثل لقورّ
عرب سامر ديما ميقود::: اجداري لا فوق يسمعرّ
اجواد وبالميجود تجود ::: توفّي فـ عبار الخاطرّ
زلافي وقصاع من العود ::: يجنّ كيف عيون الطايرّ
ببازين مرادع مقدود ::: من يدين سماح حرايرّ
ومسلان بطوله ممدود ::: وسمن وزبده وتمر ودرّ
عرب حيل كسوبتها القود ::: اللي ماتالف غير البرّ
يضلّ ذود يحاذي في ذود ::: تقول اساطيل تناورّ
وكل ذود فـ وسطه مهدود ::: اقلالي سكران يميزرّ
قحنّي يطّامى عبرود ::: فهن داير فرزه وافر
انياقه مافيهنش صعود ::: شوايل واللقح ولظّيرّ
عرب عزوه ليهم مشهود ::: لهم هيبة وعزّة وفخرّ
عرب تفعل بالروح تذود ::: على تراب ام علام خضرّ
عرب مالهرمة للميلود ::: حصون على الفاتح الاغرّ
افدا للقايد دوم جنود :: لا صار نفير :: حرم مايصيصلنا تابير
افدا للي حطّم لقيود :: في يوم شهير :: بدي فيه العرش شناشير
اللي جلّى عنّا لنكود :: وضيم مرير :: نشلنا من داموس كبير

الوادي بوشيوخ نواوير .. ماضيه شهير .. وبالقايد فـ خيار الخير
صلاحيات هذا المنتدى:
لاتستطيع الرد على المواضيع في هذا المنتدى