ياجدِّي احكيلي ع الناس أيَّام الثورة ..

الحفيد : ياجدِّي احكيلي ع الناس أيَّام الثورة

الجد : الناس أيَّام الثورة انقسموا لـ 6 أنواع

و هي كالآتي :

1- عيت امجيهيد :

… هذوم اللي امسكو السلاح و عدو بيه للجبهه اللي رد رد و الي مات مات و الي انجرح انجرح و ديما يقولوا الله اكبر و اشهد ان لا إله إلا الله محمد رسول الله , الله ثم الرسول و ليبيا و بس …


2- عيت اسريريق :

كلا هذوم ياباتي قاعدين ورا عيت امجهيد وين ماينتصروا و ياخذوا مكان ايجو يربشوا و يسرقوا

و يقولو بعد يروحوا قتلت عشرة مرتزقة و قبل اسروني بس انا هربت منهم …

3- عيت اخويويف :

هذوم الجماعة الي ديما اطياح في المحكمة و القهاوي و الساحات حرفتهم دوَا ودفنقي و اول مايسمعوا خبر يطلعوا السلاح و يقعدوا يضربوا فوق ويقولو : قولو لمعمر و عياله ليبيا فيها رجاله …

4- عيت متسيليق :

هذوم يا وليدي بعد ما انتصروا عيت امجيهيد القيناهم هم الي سابقين و متريسين و واخذين الخير كله و يقولو : دم الشهداء ما يمشيش هباء …

5- عيت إفسيفيس :

هذوما يا باتي يقعدوا عالنت و الستلايت ويقعد يقولك ماسمعتش آخر خبر
و ديما تلقاه يقول أنا نبي نمشي للجبهه أنا نبي نطلع مظاهرة و هو مش قاعد بكل …
الحفيد : و انت وين جيت ياجدي

هذوما خمسه بس وين النوع السادس

الجد: الصراحة راحة ماهو يا باتي انا هو
النوع السادس عيت ( اعفيفيس ) شور مصر اول ماجا الرتل القيت روحي عالنيل طوالي و مولع النشيد و نغني سوف نبقي هنا

ههههههههههههههه

هههههههههههههههههههههههههههههههههههههههههه
حتي الجد طلع منهم,,,,,,,هم بالحق اكثر من سته هههههههههههه

قولينا على الباقى اختى لوزا

عيت اخريريب: هذوم الي يحرقوا ويدمروا في اللمتلكات العامه..
عيت اكذيذيب: هذوم شغلهم فتنه وينقلوا في الاخبار الكاذبه...
عيت اطحيليب:هذوم معانا وضدنا( مع الي واقف)...
عيت فريريج: هذوم جماعة المشاهده اون لاين من البلكونه..
عيت اقصيصيص: هذوم بصراحه يتعبوا لان شغلتهم القصقصه,,
عيت اكريريس: هذوم ماطلعوا للشارع الا يوم التحرير....
عيت امشيليط:هذوم علي اساس حرية الرائ وابداء الاحكام..
عيت امحيليل:هذوم كيف المحلل السياسي ,,,يحللوا ويحكوا في اي موضوع

ههههههههههه حلوه

عيت اقهيرير: هذوم جماعة منتدي الموفد,,,,,,لانهم فدوا وانقهروا من شحورة الاجراءات

هههههههههههههههههههههههههههههههههههههههههههه

عيت مسميع هديما اللي طول الوقت يسمع وداس ف روحه

مسافر كتب:

عيت مسميع هديما اللي طول الوقت يسمع وداس ف روحه

هذوم اقارب هيت كبدهم مدروه!!!!!من نفس القبيلة

عيت منيفيق:هذوم لا مع معمر ولا مع الثوره ولاعندهم وطنيه وهم اللي سرقوا وكسروا وأهربوا لمصر وتوا يطلعوا ف فتن وأشاعات‏(وهذوم من أخطر الانواع وللأسف‏)‏..

واو يا لوزا اول مره نسمع بيهم عائلات هذه في بنغازي متاكد من بنغازي او استيراد جديد من الصين ؟؟

yousef_bochum كتب:

واو يا لوزا اول مره نسمع بيهم عائلات هذه في بنغازي متاكد من بنغازي او استيراد جديد من الصين ؟؟

شوية مستورد وشوية وطني
تشكيله يعني بسبب الضروف الراهنه

عيت عسيسيل: هذوم كل شويه امسكرين مكان لانهم يبوا فلوس وزيادة مرتبات
عيت كحيحيل:هذوووووووووم يحبوا اجليل وااااجد لان سمحلهم بالزواج
من مثني وثلاث وباع,,,,,وهم في الغالب متزوجين من قبل الثورة مثني وثلاث ورباع

فى وحدين عيت مكسيسيد يرجعو لعيت قريريم.قرمه وكساد.هما انتو

قاعدين هنا نازلين قرمه وطياح..الحق مش عليكم الحق على البعثات يلى مقصره معاكم وسيتكم قريب اطرشقو ..

ديما رووووووعة ياخوي حالم
وزاد النور بالاخت لوزاااااا
بس انسيتوا عيت اطحيليب

منور لي شرح يا لوزا بس صدقني لو طلعت في مجال علم الاجتماع رك توا في كندا علشان نص الشعب طرشق رسمي ههههههههه مش خير من الطب هههههههههههه

yousef_bochum كتب:

منور لي شرح يا لوزا بس صدقني لو طلعت في مجال علم الاجتماع رك توا في كندا علشان نص الشعب طرشق رسمي ههههههههه مش خير من الطب هههههههههههه

انا نحب الادبي وعندي حتي ديوان شعر بالفصحي وجوائز في الشعر
بس والدي العزير قالي نبي انتباهي بيك ,,,خشيت صيدله

والي الان هو يتباهي بيا في مكاتب بين البعثات والجامعه والاختام
وحيتباهي اكثر واكثر طول فترة اجراءاتي
ههههههههههههههههههههههههه

ماشاء الله سمعينا من ها الديوان قصيدة ياأخت لوزا

فيه حتى عيلة عريريس !!!!! داروا عرس ولدهم في اكتر يوم ماتوا فيه ليبيين في الزاوية
والعائلة هذه يسكنوا في النوفليين

عيت طحيليب : مجموعة لمد ... يتغيروا بلون الوسط اللي عايشين فيه ... علاماتهم:

يقرموا واااااجد في الثوار ويغلفوا فيها باشباه الثوار
ومايحبوش الشيخ متاع قطر ويغلفوا فيها ببر الوالدين
ويكرهوا الناتو ويغلفوا فيها بانهم صليبيين
وزعلانيين ع جيفة بوشفشوفة وغلفوا فيها بالتمثيل بالجثث
ويكرهوا من يقرم الطحالب ويغلفوا فيها بليبيا وحدة وطنية
ويقولوا عندنا شهداء من الثورةوهم قصدهم علي كتائب بوشفشوفة ومايقولك في اي معركة

علاجهم:

مش الاستكراد لالالا التوقيف عند الحد ساد اللي جانا منهم

المنتصربالله كتب:

عيت طحيليب : مجموعة لمد ... يتغيروا بلون الوسط اللي عايشين فيه ... علاماتهم:

يقرموا واااااجد في الثوار ويغلفوا فيها باشباه الثوار
ومايحبوش الشيخ متاع قطر ويغلفوا فيها ببر الوالدين
ويكرهوا الناتو ويغلفوا فيها بانهم صليبيين
وزعلانيين ع جيفة بوشفشوفة وغلفوا فيها بالتمثيل بالجثث
ويكرهوا من يقرم الطحالب ويغلفوا فيها بليبيا وحدة وطنية
ويقولوا عندنا شهداء من الثورةوهم قصدهم علي كتائب بوشفشوفة ومايقولك في اي معركة

علاجهم:

مش الاستكراد لالالا التوقيف عند الحد ساد اللي جانا منهم

مشكور يا المنتصر بالله على المشاركه الجميلة